22同35，你會點揀？唔係上圍，講緊年紀喎！
明明同22歲「春卷」王寶寶感情穩定，李思捷早排被人影到私會35歲超齡「世界妹」李思蓓，都算係娛圈奇聞。上週二（11日），FBI喺尖沙咀撞到李思捷拖番春卷，總算合番啲邏輯。


咪以為對住記者唔肯認、出街唔拖手就係大男人所為，李思捷其實好錫春卷，先車女友去海運大廈行街，跟住春卷尾睇精品睇香水，春卷揀衫，佢就聽聽話話坐喺梳化等，間中畀兩句意見，唔催又唔嫌煩。行完街攞車走人，終於等到停車場鬼影都冇隻，嗱嗱聲十指緊扣主動拖實女友。
最啜核絕對係思捷一發現FBI，第一時間問：「你影唔影到呀？」FBI話影到，佢就回咗句：「咁就唔該晒！」點解要唔該？有圖有真相，邊個係常餐邊個係散餐咪一目了然囉！ ####


拍拖行街嗰陣李思捷一馬當先，春卷乖乖殿後，一副大男人姿態，唔跟落去都唔知李思捷原來幾錫春卷。


散餐


跟得男友
實情李思捷陪女友睇女人嘢，仲不時畀吓意見。


靜雞拖手
去到停車場冇人望實，幾步路李思捷都要拖到春卷實一實。


多謝記者
被影到拖手，李思捷唔嬲反而笑笑口唔該記者，即係多謝FBI幫你以正視聽啦！

arrow
arrow
    文章標籤
    春卷 fbi 女友 笑口 人望 35 尖沙咀 殿後 拍拖 22
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄