全城大閘蟹套餐　抵食之選 @ 明星靚相大分享☆

一年一度的大閘蟹又嚟喇！今年的比往年肥美，不過有聞假蟹多，似乎去口碑好的食店享用平靚正大閘蟹套餐更有保證，放心之餘，食完又冇手尾跟。即check今年最抵食4大推介，齊齊擦餐飽啦！

最多蟹大熱門之選
冇辦法，香港人食大閘蟹餐，第一時間會想起鴻星，只因餐中大閘蟹數量屬全港最多！
一如既往，今年推$365/位的套餐包了兩皇一后共3隻大閘蟹，包你夠喉！蟹癡最buy！
雖然年年如是推大閘蟹餐，但食店並沒有偷懶換menu，菜式全經改頭換面，keep住新鮮感。
不過提一提的是，套餐2位起才供應，一支公想去食就要諗諗計了！
另外，可以的話忍一忍，皆因8:30pm後入座有8折優惠， $300都唔使呀！

菜式總數:8款
包甜品及廿年花雕皇或橙汁套餐優點一句講晒，大閘蟹夠多，蟹粉小籠包夠大隻飽滿多汁，前菜及湯夠清淡可減膩，加上冬天最啱食的糯米飯，可捧住個肚離開。套餐缺點提供的只是食店的是日甜品，沒有因應蟹餐特別制訂一款，略欠心思。

必食推介　蟹粉小籠包
雖然一人只得一粒，不過勝在夠大隻，一粒size大過別店約一倍，自家拆成的蟹粉甘香濃郁，小籠包外皮夠薄，內裏湯汁滿瀉，啖啖鮮甜的蟹粉味，可謂真正的巨無霸蟹粉小籠包！

鴻星海鮮酒家
灣仔港灣道8號瑞安中心1樓 (2628 0989) 營業：10am-11pm 優惠推廣：citibank信用咭午市推廣，憑咭簽賬獲9折優惠(即$328.5/位)、8:30pm後入座8折優惠 (即$292/位)

Under $200 全城最平之選
你冇睇錯，喜善今次推出$168/位的大閘蟹餐應該是全港最平！套餐中雖然只得一隻蟹，但其餘的仲有貴價的紅燒蟹皇翅，講真，坊間有翅食的餐冇$500都唔使旨意落樓，今次仲破天荒開一字頭的價位，實在是罕見的反通脹行動，愈食愈感動。套餐最少二人才供應，當中包一款小菜，共有30選擇，烹調過程不加味精，白飯任裝！

菜式總數:6款
包括白飯、甜品及飲品套餐優點價錢夠平，連加一唔使$200就食到，平得嚟仲要有翅食，勁滿足。小菜款式夠多選擇，落足料夠大碟，驚訝地見到燕窩花膠等貴價食材，最正是不加味精，食完完全不覺口渴。套餐缺點食店離地鐵站很遠，要在九龍灣坐接駁巴士才到達。套餐只得一隻蟹，嫌食得未夠喉，兩個人只得一個小菜，應該要叫多味菜才夠飽。

喜善中菜廳
九龍灣國際展貿中心E-Max 3樓 (2620 2312) 營業：星期一至六11:30am-3pm、6pm-10:30pm；星期日及公眾假期10:30am-3pm、6pm-10:30pm 優惠推廣：沒有

最多菜式　酒店抵食之選
老實說，本地大部分酒店的中菜廳只推單點的大閘蟹菜式，很少有推大閘蟹套餐，即使有的話，最低消費約$500/位，好少好似今次城景國際酒店咁益街坊，每位只收$368，菜式數目是眾多之冠，有菜有肉好平均，無論男或女食完都必飽肚，一於今年豪一豪，坐喺酒店舒舒服服擦餐勁！

菜式總數:9款
包括薑茶及鮮果碟套餐優點餐牌上每款菜式都驚喜，上菜的次序經刻意地安排，先來香口酸甜的前菜開胃口，中間再奉上蟹，擦完大蟹再有飽肚的雞、餃菜式，算豐富，最後有甜品及生果，蟹宴達完美。套餐缺點夠兩位幫襯才送花雕，套餐中沒有粉麵飯提供，要湊米氣的人未必適合。

樂雅軒
九龍窩打老道23號城景國際酒店1樓 (2783 3286) 營業：11:30am-3pm、6pm-11pm 優惠推廣：facebook fans可享85折優惠(即$312.8/位)，兼每2位獲贈花雕一壺，可於http://www.facebook.com.hk/thecityviewhk下載優惠

食材夠矜貴　回本之選
每年鴻星的對手就是東海，同樣是大閘蟹餐龍頭大哥的東海，去年開了「365東海蟹」主打全年食蟹，集中火力成蟹食專門店。至今推出套餐約廿年之久，論年資論經驗可以話係全行最豐富。食店在江蘇設有自家養殖場，更加入粟米餵飼，大閘蟹更健康冇雜質，促使味更鮮甜。

菜式總數:7款
包括白飯、甜品及飲品套餐優點套餐落足本，有矜貴的佛跳牆，別店一人一粒小籠包，此店畀夠兩隻，毫不吝嗇。講創意，以蟹粉伴蒜蓉包很驚喜，蒜蓉包極脆，啖啖蟹粉。手打烏冬非常惹味，日本麵條夠滑溜，沒有限人數供應，單挑一個人進餐亦可。套餐缺點蔬菜及五殼類充足，惟獨肉類欠奉，食肉獸可能會覺得未夠喉。

東海海都酒家
銅鑼灣假日皇冠酒店2樓（2972 2813）營業：11am-4pm、6pm-10:30pm 優惠推廣：星期一至日全日8折 (即$348/位)，最正係茶芥、加一小費全免。 ####

套餐中大閘蟹數量:3隻
兩隻雄蟹一隻雌蟹，前者重4-5両，後者重3両，隻隻都非常足秤，難得的是連蟹肉都好鮮甜，識拆蟹的真係可以食得好乾淨。