黑戰馬 碳住纖體
改車界中，近年最襟興的玩意非碳纖莫屬，就算銀両不足，貼張碳纖貼紙，一樣令成架車醒目不少，不過有錢的話，當然玩貨真價實的碳纖至夠爽，要滿足奄尖的你，加埋自家設計碳纖配件，最好配搭獨特，只此一架，咁就夠晒矜貴啦！記者：趙慧敏攝影：王文忠Model: Annie G@GME
其他副刊影片 頭冚刻意加入風口
如果唔係多得像真度十足的碳纖貼，平日都不會見到咁多不同車種換上碳纖包裝，不過對追求完美的車主，呢類玩意又點會滿足到！不只要全車內外換上碳纖物料，最好連外形都與別不同，好似眼前兩部寶馬，內外作重新改造，車主共花費十多萬元改造碳纖部份，成為車界中另類的碳纖戰神。這部 M3除基本車形外，其實好多部份已面目全非，換上碳纖頭冚蓋、碳纖頭鏟、碳纖尾冚、碳纖側鏡；另外全車擾流及沙板都經過重新打造，戰鬥格出晒嚟。據一手打造這部 M3嘅碳纖專家威哥話：「車主唔單止要求換上碳纖物料咁簡單，部份組件仲要全新設計，好似頭冚蓋，我哋就加咗鯊魚鰓形嘅入風口，車主又唔想死板板，所以增加咗好多流線型線條，頭冚蓋唔係硬淨嘅骨線，而係改為拱型嘅條線，令到製作難度高咗唔少。」正因為設計不同，頭冚蓋唔可以倒模式換成碳纖，整個過程，前後花近 3個月先完成，少啲耐性嘅車主，都未必肯等。其實車身好多地方都可以換成碳纖料物，唯一一個地方車主要求他們都未必做到，就係車頂，但最後車主都要求貼上碳纖貼，務求與車身襯到絕。
放大圖片 
■威哥指自家設計頭冚靈活性大，不過技術要求亦相應提高。
放大圖片 
■既然唔可以將車頂踢走，惟有用碳纖貼襯埋車身。
放大圖片 
■踢走笨重尾冚，換埋輕巧的碳纖物料。
放大圖片 
■講求層次的鯊魚鰓入風口要用人手處理，手工極精細。
全車減磅 30kg
呢位 M3車主唔止對車身講究，動力配置上都落足補品，除 20吋鍛軨外，又將排氣喉分喉嘴，仲換成直徑更粗及更輕嘅四出式軚金屬尾喉、 KW懸掛系統、 Brembo煞車卡鉗、 GRUPPE M碳纖維風箱、 K&N高流量風格等種種重裝後，最終令全車減磅 30kg。至於用家車主對變身後的 M3反應如何：「攻彎表現提升，不過更多嘅係出到街多咗好多人走埋嚟望吓部車。」
放大圖片 
放大圖片 
放大圖片 
■超低碳纖頭鏟及改造後的包圍，型爆！
放大圖片 
■ BMW徽號都要與別不同。
放大圖片 
■揭開頭冚，最搶眼係 GRUPPE M碳纖維風箱。
放大圖片 
■四出式軚金屬尾喉配碳纖擾流，有助輕量化車身。
放大圖片 
■車櫳相對簡潔，只用上小量碳纖飾面。
放大圖片 
■拱形線條的頭冚蓋坊間少見。
放大圖片 
■連波棍也用碳纖做裝飾，貫徹主題。
放大圖片 
Z4沙板移植 M5
另一部出自威哥手筆的，就是自己部座駕 M5，雖然車齡唔輕，但經過威哥一雙妙手，令它 Young Look了不少。本身屬銀底車身色的 M5配上碳纖物料後，驟眼看竟意外地有 Z4影子，睇真啲，威哥竟然將 Z4招牌沙板移植到 M5身上，加上個 B仔招牌，成架車靚仔晒！至於車尾雖然無 M3碳纖尾冚咁誇張，不過其特色要望低點才看得清楚，一組碳纖導風板，令車尾都成為焦點。
放大圖片 
放大圖片 
放大圖片 
■取材自 Z4的沙板。
放大圖片 
■重新打造的尾擾流。
放大圖片 
■車櫳都貫徹碳纖味。
放大圖片 
■自家製頭冚最重要是與車身貼服接合。
定期打蠟保令面
威哥話製作碳纖組件可以分人手打造或抽真空，其中以抽真空質素較佳，因為過程中會將組件內多餘空氣及膠水抽走，令組件造出來的效果更貼服；至於碳纖車身與一般車身保養方法大致相同，例如要定期打蠟，令佢表面有「令面」保持光澤，不過最好避免長時間將車放在陽光下暴曬，因為此舉會令碳纖表面容易變黃，遇上一些劣質碳纖更會出現變形。
查詢：碳纖部份： TopMix（ 2692 7768）改車部份： Crazy Racing（ 2394 7602） 
留言列表
