鄧麗欣（ Stephy）昨日聯同梁靖琪、導演葉念琛於尖沙嘴出席商場活動，最近有傳暗戀 Stephy多年的葉念琛，在黃宗澤撮合下與呂慧儀交往， Stephy指不知道傳聞，也笑指導演多緋聞，她說：「傳媒終於轉移目標喇，係咪同佢（呂慧儀）合作呀？」她感覺自己終於甩難：「我戥自己開心，因為緋聞樹入面可以除名。我哋緋聞都舊，講啲新嘅。」問到是否其名字與方力申掛在一起， Stephy說：「又唔使。」

葉念琛襯唔起

另外，葉念琛否認黃宗澤做紅娘，他說：「嗰日大家宣傳完《 72家租客》去食飯，段新聞幾好笑，點解會話黃宗澤撮合。」問到他想跟 Stephy或是呂慧儀傳緋聞，他說：「最好唔好啦！兩個我都襯唔起。」採訪：王連連攝影：彭琮然


有傳暗戀鄧麗欣多年的葉念琛（右）轉追呂慧儀， Stephy笑指終可甩難。

Stephy八卦葉念琛新緋聞

鄧麗欣（Stephy）與導演葉念琛因合作而傳緋聞，昨日兩人與梁靖琪（Toby）出席活動，在台上零交流，又夾住Toby玩遊戲。問到有傳黃宗澤（Bosco）撮合葉念琛與「長腳蟹」呂慧儀，Stephy雀躍地說：「係咩？我可以除名喇！佢哋係咪有合作？通常藝人合作都傳，呢個導演特別惹緋聞，Bosco又唔介紹畀我！」

「甩難」的Stephy大叫開心外，又表示會追問對方，但不介意再次與葉念琛合作釀成爭仔局面：「都有傾合作。（同台避忌？）不嬲都冇，喺台後有傾偈。」至於葉念琛則否認緋聞：「幾好笑，嗰日做完嘢去食飯，Stephy同呂慧儀我都襯唔起，冇諗過同呂慧儀發展，連佢電話都冇。（介意女友高過你？）冇得介意，唔係睇高度。」

Stephy、（左起）Toby和葉念琛昨日一同出席活動。