伊能靜因為前年底爆出同台灣男演員黃維德喺內地十指緊扣行街，令佢同庾澄慶（哈林）最終離婚收場，由於佢哋之間仲有囝囝小哈利做橋樑，不時有機會接觸，近排頻傳佢哋復合，但過氣夫婦總係封嘴避談。婚變後嘅伊能靜形象插水工作量減，放多咗時間關心囝囝，有指佢後悔自毀幸福家庭，已經向前夫哈林發出短訊攻勢求復合。
放大圖片 
有指哈林今年初喺香港開騷，伊能靜都有發短訊支持。
放大圖片 
網上流傳多條疑似伊能靜向前夫哈林認錯嘅短訊。台灣《壹週刊》圖片
「希望你會原諒我」
最近網上流傳咗 8條疑似伊能靜向哈林認錯求復合嘅短訊，當中內容更出現小哈利名字同哈林暱稱「哈老爸」，短訊內容除咗提到「在紐約很想念你……我真的錯了，希望你會有一天原諒我。」仲有伊能靜向哈林父子報告自己行蹤，佢話：「現在完全沒有夜生活，旅行都是和女友，也完全沒有男性朋友。」伊能靜前經理人任月琴直認佢有傳短訊畀哈林，任月琴前日話：「伊能靜真的有傳簡訊給哈林，但就我所知不是復合短訊，他們畢竟都是小哈利的父母，要彼此溝通小孩教養或分配時間的問題。」哈林前日錄影節目，佢經理人孟美瑛就話：「就我所知沒這件事，而且沒看到簡訊內容。」 
婚變後工作量大減嘅伊能靜，日前抽空帶囝囝行街。
台灣《壹週刊》圖片
全站熱搜
留言列表
