Sa爸出招 幫鄭中基箍煲
2010年03月25日
三十八歲鄭中基（ Ronald）跟二十七歲蔡卓妍（阿 Sa）日前被踢爆○六年一月於美國羅省註冊結婚後，女方隨即反高潮宣布二人已經分手。有指阿 Sa難忍鄭中基花弗而結束六年情，但據了解，單飛發展順利的阿 Sa自信可以升呢做天后，雖然男方出盡力箍煲，更有 Sa爸發功力撐，阿 Sa仍堅持搬出豪宅，寧要事業唔要老公。
羅省註冊
鄭中基跟蔡卓妍○四年拍電影《追擊 8月 15》撻着後， Sa基戀維繫六年，愛得痴纏，男方更在右手臂內側紋上阿 Sa的英文名 Charlene，但為免示愛紋身影響女友事業，大熱天時還著長袖衫，而阿 Sa每次被問及感情事，即使不直認，仍甜到漏。
由於阿 Sa長期周圍飛，鄭中基又不時到內地拍戲，為爭取見面，拍拖兩年後，阿 Sa索性搬入鄭中基位於淺水灣單幢屋豪宅。○六年一月，阿 Sa更瞞住公司，請假直飛美國羅省，在雙方家長見證下，在當地正式註冊成為夫婦，不過由於當年 Twins仍在搏殺階段，兩家人一直對婚事守口如瓶，不過阿 Sa仍曾忍不住，向密友透露已婚一事。
○四年鄭中基和阿 Sa，因拍《追擊 8月 15》而撻着，六年戀情，最終分手收場。（《蘋果日報》圖片）
阿 Sa和吳尊因拍《武俠梁祝》，在內地對足三個月，傳出緋聞，之後兩人出席活動時，不避嫌打情罵俏。
自爆分手後，阿 Sa和陳偉霆在上海繼續為電影《美麗密令》宣傳。（《蘋果日報》圖片）
其間阿 Sa在令牌上寫上：「希望你趕快找到女朋友！」暗示祝福予鄭中基。（《蘋果日報》圖片）
搬出豪宅
「阿 Sa嘅朋友話 Ronald好認真，因為選擇喺羅省結婚，阿 Sa離婚後可以分到佢嘅身家，證明唔係玩玩吓，唔似得其他圈中人喺拉斯維加斯結婚咁冇誠意。阿 Sa兩個月前提出分手要搬走， Ronald一直都有 SMS箍煲，仲搵埋 Sa爸幫口，但阿 Sa表現得好堅決，加上英皇知道佢哋出咗問題後即時落晒藥，話內地啲一線女星年紀都有番咁上下，又話阿 Sa有機會做到中國五大（女星），所以佢好有信心喺呢幾年去到天后級，唔想嘥時間喺感情上。」阿 Sa身邊人說。
鄭中基主持《美女廚房》期間艷福無邊，經常與一班美味天使玩得投入。（《忽然 1周》圖片）
Twins復合開演唱會，阿 Sa跟阿嬌忙於宣傳造勢，頻頻上節目唱歌。（《 FACE》圖片）
Sa爸出招
六年情斬纜，鄭中基每日一電氹老婆返屋企。一直抱樂觀態度，以為好快雨過天青的 Sa爸，亦出盡力幫拖箍煲。
「 Sa爸話睇得出 Ronald好多嘢都為嗰女設想，最難得係佢連 Sa爸都照顧埋，好似 Sa爸舊年簽咗個內地女歌手陳思彤，金牌大風幫個女仔發唱片，又幫手介紹內地工作，其實 Sa爸同金牌大風仲有其他生意合作，所以無論在公在私， Sa爸都覺得分手好可惜。仲要今次 Ronald一反常態，俾人屈同『春卷』（味之天使）有路，佢都冇發老脾，因為 Ronald應承過阿 Sa，無論發生咩事，都唔好講嘢傷害對方。 Sa爸都特登喺阿 Sa面前讚 Ronald有口齒，叫阿 Sa諗清楚係咪就咁放棄六年感情。」 Sa爸身邊人透露。
對於力勸二人復合，早已被女兒要求封嘴的 Sa爸，表現得無可奈何：「無論佢哋分手定復合，我都阻止唔到，況且阿 Sa都大個女，佢有自己嘅想法。（你有幫 Ronald箍煲？）呢件事，我真係好難插手。」
阿 Sa○八年出書《單親愛》，內容講及有關在單親家庭長大的心路歷程，透露她跟 Sa爸關係密切。
早前跟林峯合作電影《翡翠明珠》，阿 Sa其實跟鄭中基已經分手，不過事業心愈來愈強的她，未有為情所困，全程投入「談戀愛」。（《蘋果日報》圖片）
鄭中基跟老豆鄭東漢感情要好，同阿 Sa分手後，據知鄭東漢對阿仔情況十分擔心。
單拖發展的阿 Sa，在去年年尾頒獎禮攞到唔少獎項，成績理想。
分身家
根據美國法例，夫婦間相處若出現問題，彼此皆有權以「雙方存有無法彌補的分歧」向法院提出離婚。妻子有權按註冊地法律向丈夫索取贍養費。以美國羅省為例，除非有簽訂婚前協議書，如畢彼特和安祖蓮娜，婚前曾簽下協議書，確保離婚後分唔到對方身家，否則一般情況下，妻子可分得丈夫一半財產，若有子女可額外索取子女養育費。如去年四月，荷李活影帝米路吉遜的前妻 RobynMoore提出離婚，向米路索取破紀錄之 35億驚人贍養費。
合久必分
鄭中基（ Ronald）和蔡卓妍（阿 Sa），相戀六年來一直保持低調，直至近日傳出兩人已婚消息後，卻令阿 Sa自爆分手，劇情急轉直下。
拍戲撻着
04年二人合作拍電影《追擊 8月 15》傳出緋聞，有指 Ronald多次帶同阿 Sa出席友人聚會，阿 Sa更被拍下秘密夜訪男友家。
紋身示愛
跟阿 Sa相戀後， Ronald明顯比之前修心養性，為表明心蹟，男方 05年間在手臂內側紋上阿 Sa的英文名「 Charlene」，自此，不論天氣幾熱， Ronald只穿長袖衫。
戀情浮面
06年阿 Sa高調現身鄭中基演唱會撐男友場，同年傳出二人秘密在美國羅省，於雙方家長見證下註冊結婚。其後 Ronald更在雲頂登台時，向歌迷表示：「依家要叫阿 Sa啦！」
冷戰過度
兩人拍拖期間，多次傳出鄭中基偷食斷正，為氹女友， Ronald曾投「 Charlene」車牌送給對方，但阿 Sa揚言一世都不會揸車。
逐步公開
相戀多年，戀情逐步公開， 08年阿 Sa在吳君如主持的電台節目《嘩嘩嘩打到嚟！》提及鄭中基時，表示拍拖不喜歡地面活動，默認兩人戀情。去年初， Ronald父親鄭東漢和 Sa爸密會，因而傳兩人好事近，雙方家長傾婚事。
分手收場
近日有報導指兩人早已在 06年結婚，消息傳出當日，阿 Sa首次公開高調談戀情，並單方面自爆跟 Ronald已分手。
紋身示愛
戀情浮面
三十八歲鄭中基（ Ronald）跟二十七歲蔡卓妍（阿 Sa）日前被踢爆○六年一月於美國羅省註冊結婚後，女方隨即反高潮宣布二人已經分手。有指阿 Sa難忍鄭中基花弗而結束六年情，但據了解，單飛發展順利的阿 Sa自信可以升呢做天后，雖然男方出盡力箍煲，更有 Sa爸發功力撐，阿 Sa仍堅持搬出豪宅，寧要事業唔要老公。
羅省註冊
鄭中基跟蔡卓妍○四年拍電影《追擊 8月 15》撻着後， Sa基戀維繫六年，愛得痴纏，男方更在右手臂內側紋上阿 Sa的英文名 Charlene，但為免示愛紋身影響女友事業，大熱天時還著長袖衫，而阿 Sa每次被問及感情事，即使不直認，仍甜到漏。
由於阿 Sa長期周圍飛，鄭中基又不時到內地拍戲，為爭取見面，拍拖兩年後，阿 Sa索性搬入鄭中基位於淺水灣單幢屋豪宅。○六年一月，阿 Sa更瞞住公司，請假直飛美國羅省，在雙方家長見證下，在當地正式註冊成為夫婦，不過由於當年 Twins仍在搏殺階段，兩家人一直對婚事守口如瓶，不過阿 Sa仍曾忍不住，向密友透露已婚一事。
○四年鄭中基和阿 Sa，因拍《追擊 8月 15》而撻着，六年戀情，最終分手收場。（《蘋果日報》圖片）
阿 Sa和吳尊因拍《武俠梁祝》，在內地對足三個月，傳出緋聞，之後兩人出席活動時，不避嫌打情罵俏。
自爆分手後，阿 Sa和陳偉霆在上海繼續為電影《美麗密令》宣傳。（《蘋果日報》圖片）
其間阿 Sa在令牌上寫上：「希望你趕快找到女朋友！」暗示祝福予鄭中基。（《蘋果日報》圖片）
搬出豪宅
「阿 Sa嘅朋友話 Ronald好認真，因為選擇喺羅省結婚，阿 Sa離婚後可以分到佢嘅身家，證明唔係玩玩吓，唔似得其他圈中人喺拉斯維加斯結婚咁冇誠意。阿 Sa兩個月前提出分手要搬走， Ronald一直都有 SMS箍煲，仲搵埋 Sa爸幫口，但阿 Sa表現得好堅決，加上英皇知道佢哋出咗問題後即時落晒藥，話內地啲一線女星年紀都有番咁上下，又話阿 Sa有機會做到中國五大（女星），所以佢好有信心喺呢幾年去到天后級，唔想嘥時間喺感情上。」阿 Sa身邊人說。
鄭中基主持《美女廚房》期間艷福無邊，經常與一班美味天使玩得投入。（《忽然 1周》圖片）
Twins復合開演唱會，阿 Sa跟阿嬌忙於宣傳造勢，頻頻上節目唱歌。（《 FACE》圖片）
Sa爸出招
六年情斬纜，鄭中基每日一電氹老婆返屋企。一直抱樂觀態度，以為好快雨過天青的 Sa爸，亦出盡力幫拖箍煲。
「 Sa爸話睇得出 Ronald好多嘢都為嗰女設想，最難得係佢連 Sa爸都照顧埋，好似 Sa爸舊年簽咗個內地女歌手陳思彤，金牌大風幫個女仔發唱片，又幫手介紹內地工作，其實 Sa爸同金牌大風仲有其他生意合作，所以無論在公在私， Sa爸都覺得分手好可惜。仲要今次 Ronald一反常態，俾人屈同『春卷』（味之天使）有路，佢都冇發老脾，因為 Ronald應承過阿 Sa，無論發生咩事，都唔好講嘢傷害對方。 Sa爸都特登喺阿 Sa面前讚 Ronald有口齒，叫阿 Sa諗清楚係咪就咁放棄六年感情。」 Sa爸身邊人透露。
對於力勸二人復合，早已被女兒要求封嘴的 Sa爸，表現得無可奈何：「無論佢哋分手定復合，我都阻止唔到，況且阿 Sa都大個女，佢有自己嘅想法。（你有幫 Ronald箍煲？）呢件事，我真係好難插手。」
阿 Sa○八年出書《單親愛》，內容講及有關在單親家庭長大的心路歷程，透露她跟 Sa爸關係密切。
早前跟林峯合作電影《翡翠明珠》，阿 Sa其實跟鄭中基已經分手，不過事業心愈來愈強的她，未有為情所困，全程投入「談戀愛」。（《蘋果日報》圖片）
鄭中基跟老豆鄭東漢感情要好，同阿 Sa分手後，據知鄭東漢對阿仔情況十分擔心。
單拖發展的阿 Sa，在去年年尾頒獎禮攞到唔少獎項，成績理想。
分身家
根據美國法例，夫婦間相處若出現問題，彼此皆有權以「雙方存有無法彌補的分歧」向法院提出離婚。妻子有權按註冊地法律向丈夫索取贍養費。以美國羅省為例，除非有簽訂婚前協議書，如畢彼特和安祖蓮娜，婚前曾簽下協議書，確保離婚後分唔到對方身家，否則一般情況下，妻子可分得丈夫一半財產，若有子女可額外索取子女養育費。如去年四月，荷李活影帝米路吉遜的前妻 RobynMoore提出離婚，向米路索取破紀錄之 35億驚人贍養費。
合久必分
鄭中基（ Ronald）和蔡卓妍（阿 Sa），相戀六年來一直保持低調，直至近日傳出兩人已婚消息後，卻令阿 Sa自爆分手，劇情急轉直下。
拍戲撻着
04年二人合作拍電影《追擊 8月 15》傳出緋聞，有指 Ronald多次帶同阿 Sa出席友人聚會，阿 Sa更被拍下秘密夜訪男友家。
紋身示愛
跟阿 Sa相戀後， Ronald明顯比之前修心養性，為表明心蹟，男方 05年間在手臂內側紋上阿 Sa的英文名「 Charlene」，自此，不論天氣幾熱， Ronald只穿長袖衫。
戀情浮面
06年阿 Sa高調現身鄭中基演唱會撐男友場，同年傳出二人秘密在美國羅省，於雙方家長見證下註冊結婚。其後 Ronald更在雲頂登台時，向歌迷表示：「依家要叫阿 Sa啦！」
冷戰過度
兩人拍拖期間，多次傳出鄭中基偷食斷正，為氹女友， Ronald曾投「 Charlene」車牌送給對方，但阿 Sa揚言一世都不會揸車。
逐步公開
相戀多年，戀情逐步公開， 08年阿 Sa在吳君如主持的電台節目《嘩嘩嘩打到嚟！》提及鄭中基時，表示拍拖不喜歡地面活動，默認兩人戀情。去年初， Ronald父親鄭東漢和 Sa爸密會，因而傳兩人好事近，雙方家長傾婚事。
分手收場
近日有報導指兩人早已在 06年結婚，消息傳出當日，阿 Sa首次公開高調談戀情，並單方面自爆跟 Ronald已分手。
紋身示愛
戀情浮面
留言列表
