鍾浠文發高燒險死街頭
有「翻版徐子淇」之稱的模特兒鍾文（Zelia）每年都會返家鄉安徽探望父母，提到小時候回憶，Zelia最深刻是得到一位婆婆於街頭相救，及時送正在發高燒的她入院，Zelia形容當時是死裏逃生。
Zelia曾發燒險死街頭，幸而有好心婆婆拔刀相助。（資料圖片）
鍾浠文（Zelia）除是家中獨女，亦是最細的孫女，由於父母每日出外打工養家，故Zelia小時候由嫲嫲照顧，問到最深刻印象？Zelia憶述當年年屆七十多歲的嫲嫲在烈日當空下抱住她入院過程，她說：「當時讀緊幼稚園，有一日嫲嫲接我放學，老師同佢講我發高燒，要快啲去醫院，之後因為冇車，嫲嫲就抱住我行去醫院，當時係夏天好熱，行到一半嫲嫲暈低咗。」
被誤認男仔
Zelia鼻酸酸說：「好彩有個婆婆好心地，見我同嫲嫲跌喺地下，即刻送我哋入醫院，救咗我哋一命，醫生話如果我遲少少入院就好危險，可能會唔掂，嗰位婆婆簡直係我哋嘅恩人。」長得亭亭玉立的Zelia透露小時候已是高人一等，由於不愛打扮，曾被誤認是男生，她說：「當年唔識扮靚，成日着運動衫，加上又剪短髮。」
小時候的Zelia不愛打扮，曾被誤認為是男仔。
同學教扮靚
Zelia表示直到十五歲隻身到上海求學，認識了一位很女性化的女同學，從此就改變了她的男仔頭形象，她說：「佢話做女仔咁樣唔得，之後就帶我去買咗幾條裙，仲要係藍同紅色，心諗改變就改變吧。」
全站熱搜
留言列表
