曾志偉兒子曾國祥近日被爆背着正印女友偷嗒 o靚模 A. Lin（裴殷）、有理大校花之稱的 Ivy（蔡瑩瑩）和洪天明舊愛 Lillian，男主角昨晚現身尖沙嘴舉行的《前度》首映禮。曾國祥有備而來，他說：「成件事只要同女友交代，件事唔想講太多，各執一詞似罵戰，今次邊個放料，邊個策劃，呼之欲出，明白係為搵食，希望對個女仔有幫助。」曾國祥是否有跟事件的三女拍拖，他避談：「要講嘅講晒，清者自清。」可覺有人搏上位，曾國祥說：「唔想越描越黑。」此外，鍾欣桐（阿嬌）、陳偉霆（ William）與詩雅昨日在尖沙嘴出席電影《前度》宣傳活動，阿嬌過氣緋聞男友麥浚龍自爆有新女友，問阿嬌睇法？她說：「咁咪好囉，戥佢開心，做人最緊要開心。」 Juno話之前所有傳過緋聞的都不是女友，阿嬌只是好朋友，阿嬌說：「咁咪好囉，係好朋友呀，好朋友唔使成日聯絡同見面。」

阿嬌恭喜 Juno 放大圖片

阿嬌（左）和詩雅昨日四咪胸壓陳偉霆，他認真艷福無邊。

問阿嬌會否想找個男朋友呢？她煞有介事說：「唔好誤導我呀，之前係你哋問，又講到我好恨結婚咁，家工作至上，拍拖隨緣。」此外，陳偉霆被問會否請他的前度（ Angleababy）看此片？他說：「我希望我嘅前度會支持。」採訪：胡比　攝影：仇志德


曾國祥昨晚在首映禮上暗示 A. Lin（小圖）放料。

曾國祥：有人放料博上位

被爆情陷多角戀的曾志偉兒子曾國祥，昨晚終現身英皇電影《前度》首映禮親身解畫。曾國祥表示只需與正印女友交代，又含沙射影指有人放料及策劃事件。

阿嬌（左起）、陳偉霆、詩雅晚上盛裝出席首影禮。

曾國祥最近被指情陷多角戀，與正印女友、o靚模A.Lin、「理大校花」Ivy（蔡瑩瑩）和洪天明舊愛梁郁霖拍拖，而昨日凌晨他已經否認與梁郁霖拍拖，對於被爆做「花弗男」後，曾國祥閉關多日終於蒲頭，昨晚與周俊偉出席英皇電影《前度》首映禮。

Ivy早知微博還擊

曾國祥接近開場時到埗，明顯有備而來並說：「我冇乜嘢準備，多謝傳媒朋友關心，件事唔想再評論，我只係同女友交代，成件事佢好支持我，唔希望雙方各執一詞，好似變成罵戰咁。」曾國祥還若有所指說：「呢件事邊個放料同策劃，呼之欲出，我明白大家係搵食，真心希望件事對個女仔有幫助。」問到有否與Ivy、梁郁霖和A.Lin拍拖？他說：「要講嘅已經講晒，清者自清，希望件事快啲過去。（有人喺呢件事博上位？）要講嘅已講完，唔想愈描愈黑。」至於力撐曾國祥是好男仔兼有情有義的Ivy，則於昨午已在微博留言：「說實的，現在不是我的宣傳期，我不需要這樣的宣傳，請不要再誣衊我好嗎？」似乎已「預知」曾國祥昨晚的一番言論。昨晚記者致電A.Lin，她表示正忙着，轉頭再覆，及後記者再致電，她的手機已經轉駁至留言信箱。

曾國祥指是誰放料博上位呼之欲出。

楊受成（前排中）到場為眾人打氣。

陳偉霆遭阿嬌和詩雅前後胸襲。

阿嬌詩雅胸襲William

另外，鍾欣桐（阿嬌）、陳偉霆（William）、詩雅、監製杜汶澤昨晚盛裝出席首映禮，楊受成伉儷、泳兒、莊思敏、at17、陳嘉容和張智霖等捧場。由於William在戲中周旋詩雅和阿嬌，楊受成笑指他艷福不淺。

阿嬌表示邀來四位重量級嘉賓捧場，問到好姊妹蔡卓妍（阿Sa）有否到場？阿嬌慨嘆：「佢喺橫店拍嘢，最愛嗰個唔喺身邊，佢有SMS打氣。」

對於阿Sa加簽英皇五年約，阿嬌說：「唔知，我唔八卦，私人事唔會拎出嚟講。（有機會分開發展？）未完約，成日問埋呢啲問題，之前已經回應咗。」此外，陳偉霆、詩雅和阿嬌昨日出席《前度》的慈善簽名會。詩雅和阿嬌向陳偉霆摸胸，相當激情。