明星靚相大分享☆

之前我曾經試過一個「淨飲菜湯減肥法」，就係每日只係淨飲菜湯，連飲一個禮拜可以瘦 10kg！最近又聽到朋友介紹，話「木耳絲紫菜湯」幾好，材料有紫菜、黑木耳、甜椒、葱同鹽。由於紫菜有纖維，而且有嘢入口更易頂肚，至於木耳可以補氣同促進血液循環，甜椒就含豐富維他命 C，有美白作用。聽到可以減咁多，當然馬上試，結果我在一周內減咗 7kg，因為日日飲同一味湯實在太難捱，結果最後兩日忍唔住要食番嘢。另外，我又睇報紙話，齋飲菜湯是維持唔到身體所需營養素，搞到我返工都無乜精神，所以飲咗 5日就停。奉勸各位，若試呢個菜湯減肥法時覺得唔舒服，就要立即 stop，唔好死撐！

木耳絲紫菜湯 Menu材料：

紫菜 100克，黑木耳 50克，甜椒 1個，葱、胡椒和鹽適量

做法：

1.將黑木耳浸軟，去頭切碎；2.甜椒和葱洗淨切碎；3.待水煮滾，加入黑木耳大火煮 10分鐘；4.放紫菜、甜椒，用中火煮 3分鐘，撒上葱粒，加入鹽和胡椒調味。

AngelaFatty：天生葫蘆身形，體重最高峯達 200磅，曾以不同減肥法減去 90磅，累積唔少減肥心得。