反攻韓女 AKB48 動起來 face 週刊 161期 @ 明星靚相大分享☆

A隊最強 7索
AKB48唔介意着水着晒身材，所以令佢哋更加受歡迎， AKB其實是秋葉原 Akihabara讀音的縮寫， 48個少女分成 A、 K、 B 3隊，主攻宅男市場，出道至今，每日有隊員在秋葉原的 AKB48劇場，開迷你騷近距離接觸粉絲。

日面

反攻韓女　 AKB48動起來

2010年06月23日

韓女組合 Wonder Girls憑一首〈 Nobody〉 hit爆中港台，人多勢眾嘅「少女時代」更攻陷香港腦場，韓女勁爆，最近 o架妹組合亦不甘示弱連環反攻。
嚟緊 8月，先嚟 2隊以唱動漫主題曲起錨嘅日本女子組合 Kalafina及 Scandal，殺入香港開騷俘虜電車男；而有日本史上最強美少女組合之稱嘅 AKB48， 11月更會進軍澳門開演唱會，家陣已有過 200香港 fans喺 fb開群組支持，港男儲定錢捧場喇！

話明攻電車男市場， 07年 AKB48都唱過動漫《拯救德爾托拉》主題曲〈我的太陽〉托市，遲啲仲唱埋《龍珠》電影版主題曲。

Morning娘 out晒，呢期 o架仔至愛必屬由 48個 90後少女組成的 AKB48，唔係齋講，組成 5年的 AKB48，上月尾推出新細碟《馬尾與髮圈》，首週已賣出 51萬張，擊退神級男子組合「嵐」的《 Monster》成細碟銷量榜 No.1。

收恐嚇信

最激係 AKB48早前被 fans偷信及拍戲道具後，上週更有狂迷因愛成恨，向 AKB48的事務所發出附有刀片的恐嚇信，更揚言要傷害隊中成員而被捕。嚟緊 11月 AKB48更踩入澳門開騷，雖然時間、日期未定，但據宣傳單位「 Unusual Production」負責人 Kay表示：「由前週五公布 AKB48會開騷後，到家超過 300 fans打電話查詢，有男 fans仲一次過話想訂 20張。」

05︰素人埋班 AKB48埋班前，（左起）前田敦子、大島優子同秋元才加以學生妹姿態去面試，當時個個冇化妝，又娘又普通。
05︰素人埋班
AKB48埋班前，（左起）前田敦子、大島優子同秋元才加以學生妹姿態去面試，當時個個冇化妝，又娘又普通。

07︰紅白彈起 首次入選紅白，但當時人氣未到高峰，大合唱時，只喺 Leah Dizon（左）同中川翔子（右）後面伴舞。
07︰紅白彈起
首次入選紅白，但當時人氣未到高峰，大合唱時，只喺 Leah Dizon（左）同中川翔子（右）後面伴舞。

10︰殺到港澳 紅透日本，最近唱片監製秋元康更率領 AKB48到澳門造勢，更宣布將於年底喺澳門開騷，打入亞洲市場。《蘋果日報》圖片
10︰殺到港澳
紅透日本，最近唱片監製秋元康更率領 AKB48到澳門造勢，更宣布將於年底喺澳門開騷，打入亞洲市場。《蘋果日報》圖片

最激隊員 隊中最先跑出嘅前田敦子，拍過日劇同電影，上年至今更拍咗 4本寫真集。但其公司最近搞隊員人氣選舉，有傳敦子因唔聽話，卒之造馬畀大島優子砌低敦子成人氣 no.1。
最激隊員
隊中最先跑出嘅前田敦子，拍過日劇同電影，上年至今更拍咗 4本寫真集。但其公司最近搞隊員人氣選舉，有傳敦子因唔聽話，卒之造馬畀大島優子砌低敦子成人氣 no.1。