o靚模近年都搶攻書展吸金，各自以性感招推出噴血寫真集誘宅男，去年已有團體發起禁 o靚模入書展靜坐抗議。下月 21日舉行的書展，主辦單位香港貿易發展局昨日表示諮詢過香港書展文化活動顧問團後，決定不接受意識不良和品味低俗的簽名活動場內舉行，周秀娜、新舊 8模、浸大咪神楊梓瑤等將全部被禁足，眾 o靚模佛都有火，群起狂插顧問團，舊 8模成員 A.Lin更叫書展收檔。 採訪：比華利
其他娛樂名人影片 周秀娜：虛偽小圈子胡亂出招
去年在書展威盡、贏盡人氣財氣的周秀娜，今年欲乘勢再在書展吸金，卻遇上主辦機構禁止她入場造勢宣傳，立即打亂周秀娜陣腳，令她激到生蝦咁跳，平日 EQ甚高的她昨日也寸爆：「嗰班顧問團喺邊度走出嚟，香港啲人真係越嚟越虛偽，冇嗰樣整嗰樣。手執大平台嘅主辦商都鍾意搞小圈子。」周秀娜抗拒被評低俗，她說：「好想問顧問團嘅成員係咪兩年前評大衞像不雅嘅人又嚟出招？」
舊 8模：妖怪作祟書展好造作 放大圖片 
A.Lin
舊 8模部份 o靚模今年分拆兩隊少女組推出性感寫真集，但昨日卻接獲不准入書展搞簽名會， A.Lin、 DaDa、 Annie G.和 Hailey C.一致強烈反對， A.Lin昨日勞氣地說：「有冇咁低 B，佢哋係顧問團定先知團，根本未睇過我哋本書就知賣乜咩！佢哋呢樣唔得，嗰樣又話唔得，不如收檔。」 Annie G.則說：「叫佢哋慳啲啦，香港越嚟越造作，我哋本書係反映妖怪心態，未出書已經見到一班妖怪。」
浸大咪神第一本寫真分享青春 放大圖片 
浸大咪神楊梓瑤（ Carol）今年首推噴血寫真集，本計劃下月 23日在書展會場中舉行簽名會造勢，她堅稱寫真集只賣健康性感，獲悉書展禁搞簽名會， Carol的經理人張小姐昨日回應：「品味高低係觀點與角度， Carol嘅寫真集只係賣陽光同青春氣息，佢只係想同大家分享青春回憶，絕冇意識不良。」
百果園 E神收書展禁足令感失望 放大圖片 
百果園 E神陳靜雖然寫真集賣清純，但仍與其他 o靚模同一命運，被禁足書展辦簽名會，她的經理人施念慈昨日說：「我哋本書冇內衣褲，冇比堅尼，但都入唔到書展宣傳，我諗陳靜幾個會有少少失望，不過都會尊重大會。」
新 8模：大事唔做只識管 o靚模 放大圖片 
新 8模與師姐同一陣線，昨日異口同聲炮轟香港書展文化活動顧問團的決定，由加拿大返港做 o靚模的 Rika昨日說：「咁樣嘅決定，對我哋係好唔公平，我真係覺得香港有少少恐怖，我哋呢班少女啱啱先出道，但就咁樣俾人評我哋 cheap，扼殺咗我哋啲機會，好想問番佢哋，去沙灘着比堅尼，瞓覺着睡衣都好正常。」另一成員 Vibeke則說：「政府好搞唔搞，關乎冧樹嘅人命同醫療失誤又唔去理，偏偏呢啲雞毛蒜皮事就咁緊張，多此一舉，小題大做去成立顧問團，浪費納稅人啲錢。」
Rainbow捱批少女心受創 放大圖片 
Rainbow
胡心諾（ Rainbow）去年是首批在書展被隔離開簽名會，今年以師姐身份領軍 5師妹組成 Donut o靚模團闖書展，再出征不利， Donut o靚模團的經理人 Admond昨日強烈譴責有關顧問團的安排， Admond說：「佢哋咁樣好歧視 o靚模，其實推出寫真集都係賣靚賣青春，但書展顧問團就戴有色眼鏡睇佢哋，嫌佢哋低俗，呢啲批評絕對傷害佢哋呢班女仔嘅弱小心靈。」
娛樂資料庫： o靚模熱浪胸湧澎湃 放大圖片 
Jessica C.
去年 o靚模入侵書展鬧至滿城風雨，今年再度蜂擁出擊，寫真的大膽程度不減當年。Angelababy寫真特點：關島取景，是最後一本寫真集，照樣走高貴性感路線。楊梓瑤（ Carol）寫真特點：峇里取景，內有啜意粉及三點式照片。陳靜（ DaDa）寫真特點：百果園 E神一反常態，硬銷清純鄰家女孩形象，全書沒有水着照。周秀娜（ Chrissie）寫真特點：法國取景，內有食腸仔及床照，並以 3D攝錄機營造 3D效果。Jessica C.寫真特點：濕身內衣誘惑，附全裸照，僅以花草遮掩重要部位。
放大圖片 
Donut成員
Hailey C.、 Annie G.寫真特點：玩同性戀，當中有車廂激咀纏綿及性虐意味的照片。A. Lin、 DaDa寫真特點：孖公仔玩同性戀 feel，張張相攬來攬去作親密狀，附有兩女出浴照片。Donut寫真特點： Rainbow夥師妹組成 Donut（冬甩），以比堅尼 Top半裸上陣。尹蓁晞（ Yumi）寫真特點：高高瘦瘦的 Yumi，要殺出重圍便大玩 Cosplay及宮廷服誘惑。資料來源：《蘋果》資料室 
周秀娜
留言列表
