旅行旅遊丹麥哥本哈根估估吓　無腦殘泳帽 @ 明星靚相大分享☆

哥本哈根估估吓　無腦殘泳帽

「買咩手信好？」「藍罐曲奇。」攝影師答。「爛 gag！」我怒睥。係，雖然到最後，我哋都喺機場抱走幾盒，味道真係唔錯的藍罐回家，不過丹麥更出名的還有成日喺雜誌出現的搞鬼家品設計，得意想法總博得你會心一笑。隔一排運來香港，售價貴成倍都有之！記者：陳慧敏攝影：陳陶鈞

設計搞鬼但用得

買手信喎，都係細細件好。設計師的員工們都一致推薦的有 Casa Shop。好熟？當然，雜誌《 Casa》，《 Wallpaper》都成日出現其介紹。「好型呀！」攝影師睇中咗個咕同托盤混合體，「以後可以舒舒服服坐喺床食早餐，又不怕跌到一床都係喇！」我一眼就看中了畫了個腦的珍珠色閃光泳帽！「睇你哋仲點話我無腦或者腦入水！」另外夏天必備有恐龍骨冰格，不過我都係鍾意最近新出的人腦冰格！由 1985年開業起就專賣丹麥及歐洲的頂級設計師家品同小玩意，相較起 Normann Copenhagen，這裏多一點抵死設計。如扮摺紙的燭台、多款 BB家居吊椅，「細佬」造型的燭台、掛勾甚至花樽，搞鬼玩意，一間舖都可以玩好耐呢！

放大圖片
■丹麥的店子都好開放，由得我們東摸摸西玩玩，無人實，讓你睇夠玩夠才買。

■丹麥的店子都好開放，由得我們東摸摸西玩玩，無人實，讓你睇夠玩夠才買。

放大圖片
■終於有方法話畀人知，我有腦嘅啦！

■終於有方法話畀人知，我有腦嘅啦！

放大圖片
■架鐵皮車仔適合兩歲以下的小朋友。片車老鼠約$470

■架鐵皮車仔適合兩歲以下的小朋友。片車老鼠約$470

放大圖片
■咩嚟？咕與托盤混合體，供你放喺大髀在床上食早餐、打機、飲水、瞓覺、玩層層叠……

■咩嚟？咕與托盤混合體，供你放喺大髀在床上食早餐、打機、飲水、瞓覺、玩層層叠……

放大圖片
■解暑冰河恐龍，雪出一嚿嚿恐龍骨，俾你扮食龍唔骨（我知，爛 gag）。

■解暑冰河恐龍，雪出一嚿嚿恐龍骨，俾你扮食龍唔 骨（我知，爛 gag）。

放大圖片
■以為是紙紮燭台，原來真係卡紙來的！不過質地特厚且有層膠喺面。

■以為是紙紮燭台，原來真係卡紙來的！不過質地特厚且有層膠喺面。

a. Casa Shop

地址： Store Regnegade 2, Copenhagen網頁：http://www.casashop.dk

必 shop古老大劇院放大圖片

趕時間又想 shopping的朋友， Normann Copenhagen是一定要去的，本本旅遊書及設計雜誌都將之置頂，可知其地位超然。 05年開業，兩層的 Normann Copenhagen位址，本來是個 1,700平方米大的劇院或戲院，今日變了設計名店，卻仍保留住大舞台、樓上雅座的設計，兩邊拱形門、天花板的細緻雕花，都是當年的遺物。可謂跨越了上百年的時間，看今日北歐最新設計。去完米蘭家具展、成日上《 Wallpaper》，或者剛攞完國際設計獎項的丹麥設計都齊集至此。而向着舞台的，還有張很巨型、手工拼製的灰色布椅子，是 Ole Jensen設計的 Memory Chair，因為設計得太舒服，一坐上去，過去的回憶就會重現眼前，跟這古老劇院正好配合，成為店裏的招牌。我爬上座椅（對亞洲人而言係幾高 o架）實在太舒服，腦裏一片空白差啲瞓着；分甘同味，攝影師都坐吓吖？「唔喇，我驚我回想完一生所行，會好似啲卡通片配角咁，會死……」

放大圖片
■成個「戲院」分成不同角落，佈置成不同感覺。

■成個「戲院」分成不同角落，佈置成不同感覺。

放大圖片
■ Memory Chair，全手工製作，坐上去超舒服！

■ Memory Chair，全手工製作，坐上去超舒服！

放大圖片
■哥本哈根是單車之城你知道，前面有個豪華廂座，裏面坐住貓仔狗仔細路仔的更多，這一台裏面還有真皮座椅及安全帶，適合兩個 2歲以下的小朋友搭乘。

■哥本哈根是單車之城你知道，前面有個豪華廂座，裏面坐住貓仔狗仔細路仔的更多，這一台裏面還有真皮座椅及安全帶，適合兩個 2歲以下的小朋友搭乘。

放大圖片
■剛在米蘭家具展裏得獎的椅子。手打羊毛，同「一幅過」的設計，丹麥式簡約，且坐得舒服。不過要十月才開始發售。

■剛在米蘭家具展裏得獎的椅子。手打羊毛，同「一幅過」的設計，丹麥式簡約，且坐得舒服。不過要十月才開始發售。

b. Normann Copenhagen

地址： Osterbrogade 70, Copenhagen網頁：http://www.normann-copenhagen.com

丹麥潮人小玩意

如果你在哥本哈根主要的遊客購物大街 Tivoli及 Stroget徘徊不去的話，你一定有機會經過兩間 Hay House。這在 03年時本來只是個本土設計的品牌， 08年終於開他的第一間旗艦店，現在開枝散葉。裏面除了賣由丹麥的設計學校設計的小精品外，都有好多來自美國、意大利的小擺設。賣的東西諸如玩具、 tee、手錶等潮人玩意都比先前兩間多，家品方面都以電腦袋、動物造型的椅子等較多，目標年齡層又後生一個圈。

放大圖片
■丹麥木雕品及玩具世界馳名。猩猩的關節彎曲度跟真的一樣，仲企得好穩陣！