iPhone 4 今晚到　 Sales 估狼過萬 @ 明星靚相大分享☆

本港今晚凌晨，即美國嘅 24號， iPhone 4正式開售！記得上個禮拜， 60萬人網上訂購出現大塞車， Apple急急叫停，搞到 Fans無晒癮；大家最關心係香港幾時返貨，人人以為空運都要 26號，但日本機水貨佬話最快今晚有貨，更有機場 Sales預測，最狠可能要過萬蚊先成交！記者：陳國輝、許福合

其他副刊影片美版最平傳英版無鎖

以往只得美國獨家率先發售 iPhone！今次唔同晒，英、德、法、日四國都同步 24號賣 iPhone 4！先達售貨員早已做定功課，透過唔同國家逐一格價，連埋呢排歐元貶值，法國淨機亦標緊 629歐元同 739歐元，若以今日滙率計，呢部法國版 16GB就要 779美元，相比美國嘅 599美元，明顯貴咗一大截。雖然美版最便宜，但機場於上星期竟傳出另一個消息，有傳聞話由 O
代理嘅英國版 iPhone 4，有可能屬於 Unlock版，即任何香港卡都可即插即用！相比其他地方如美國，根據以往經驗，代理網絡商 AT&T肯定有 SIM Lock，至於由 Softbank代理嘅日版 iPhone 4，亦同樣有鎖機往績，機場 Sales話，若然確定英版無上鎖，貨到香港必定喪炒！

放大圖片
■機場貼滿預售廣告，但無人敢覆實賣幾錢。

■機場貼滿預售廣告，但無人敢覆實賣幾錢。

放大圖片
■網上所謂嘅 199美元及 299美元，實情係上台價。

■網上所謂嘅 199美元及 299美元，實情係上台價。

已破「壁」日版最快到

收到另一則消息，就係真機尚未推出，但 Sales們已拍晒心口話 iPhone 4已可 Jailbreak！據三禾電氣負責人 Simon解釋，新機採用 iOS 4，其實 Apple早已將呢個新軟件發放畀 iPhone Apps班程式設計員，換句話講，即係一早漏晒出街，更有傳外國玩家已經測試 JB後嘅 iOS 4，係百分百完美破解咁話！Simon仲話，當大家一直以為香港 26號先有貨嘅時候，實情更早或已到貨！佢解釋，以時差計，日本早香港一小時，而香港又早過美國十幾小時，當大家同樣於 24號發售，最早到港嘅必定係日版 iPhone 4。當然，一兩日之差對炒家嚟講非常重要，然而一般買家，最關心莫過於售價幾錢，以及有無解 SIM Lock，好快就有答案。

放大圖片
■傳聞話有網上玩家已經「壁」咗 iOS 4。

■傳聞話有網上玩家已經「壁」咗 iOS 4。

放大圖片
■ SIM Lock問題最令 Fans擔心。

■ SIM Lock問題最令 Fans擔心。

先達水貨佬估價放大圖片
理想電訊 小麗：過$10,000

理想電訊小麗：過$10,000

出機限制多，如傳聞每人限購兩部，加上多重水腳費，入貨價或超過九千，開價過萬絕對唔奇！

放大圖片
T-Perfect 婷婷：約$8,800

T-Perfect婷婷：約$8,800

16GB及 32GB正價都係 599美元同 699美元，如果能炒貴三成已經唔錯，預計$8,800至$9,800，好意頭！

放大圖片
三禾電氣 阿彤：約$8,000

三禾電氣阿彤：約$8,000

想買 iPhone嘅人，手上應該有一部，但唔鍾意用嘅人，照計亦唔會考慮 iPhone 4，$8,000較合理。

放大圖片
T-Perfect 阿 Sun：約$8,000

T-Perfect阿 Sun：約$8,000

雖美國訂購第一日已經爆滿，但係對我哋班水貨商無乜影響，照舊 24號有貨，估計$8,000左右。

放大圖片
T-Perfect 子健：約$7,800

T-Perfect子健：約$7,800

好多人留意緊平價 8GB版 iPhone 3GS，預計$4,000有找，所以對貴價水貨版 iPhone 4或有些微影響。

放大圖片
Like Tommy：約$7,300

LikeTommy：約$7,300

以前得和記一間玩晒，今次連數碼通都有份賣 iPhone 4，即係話供貨多過以前，斷估炒價唔會太貴！

3GS爽上 iOS 4　有八成功力！放大圖片

iOS 4終於公開下載，筆者試用一部 3GS安裝，網絡就用 3仔，升級過程無大問題，不過完成後發現 3G網絡不能上網，最後要回復原廠設定，再升番資料落去先 KO佢！若你有相同情況可參考一下。筆者有試玩 iPhone 4經驗， 3GS安裝 iOS 4後，一般操作爽利程度，有 iPhone 4八成功力！比較 3.3版，速度更有明顯提升，完全唔覺有窒嘅情況，若然唔係為新機、新 Look， 3GS配 iOS 4已經好夠用。iOS 4最大賣點，係 Multi-Task，雖然千呼萬喚，但暫時不要過份期待，試用發現大部份 App都未真正用到，切換程式時只係重新 Load過，例如玩緊遊戲，想轉去 Safari上網，再回去玩遊戲，就要從新 Load過，可能仲要等 App升級。另外，部份 App亦出現兼容問題，例如 IM+這個即時通訊軟件，在 iOS 4上極難連線，最後會話你聽連唔到，幸好這類 App數量不多。

放大圖片
■新嘅資料夾，可將 Icon放埋一齊。