去年熊黛林（Lynn）10月10日生日，殺入郭富城屋企上演一幕狂野攻城33小時，贏得「城嫂」威名！

話咁快又一年，雖然城城飽受偷食疑雲困擾 ，但仍無損熊黛林癡心，趁生日向公司請假五天，飛赴泰國，信是搵城城獻身箍煲。

而為免再發生上次腳軟「慘劇」，今次城城做足功課，本月初，就被記者發現城城到足球場踢波狂操體能，藉以準備連場大戰。

富黛戀拖拉三年，城城同熊黛林一直聞「情」色變，不單矢口否認對方另一半身份，男方更多次開腔發表單身宣言，以致屢傳分手疑雲；及至本年8月，城城被踢爆「偷芒」，用價值近百萬的日產GTR載王秀琳（Mango）返歸，再次爆出甩黛風波。

否認自殘

連番偷食疑雲，令模界響起一片反城潮，當中Amanda S.就暗嘲城城花心兼矮，及後更傳出熊黛林受唔住失戀打擊，於上海趕拍《葉問2》期間，右手腕貼膠布，到醫院求醫。

對於被指自殘入院，熊黛林於週四（8日）出席所屬的模特兒公司Style兩周年活動時，翻開手腕力證清白：「睇，冇（疤痕）呀，我好怕痛，之前只係發燒入醫院吊幾日鹽水，根本冇（自殘）呢回事。」又開口護愛郎：「佢都冇做錯，點解要認錯？」

當日所見，伊人心情大靚，全程滿場飛搵Model吹水，兼夾四萬咁口望住鏡頭，跟之前本刊影到佢失戀頹廢Look判若兩人。而當晚本來佢仲要出席公司慶祝Party，卻突然甩底人間蒸發。

生日獻身

原來熊黛林事先向公司請假五日，出席完活動後，就趕往機場飛泰國，會合正在當地拍《B＋偵探》的城城。

「之前『偷芒』單，阿Lynn好嬲咁鬧阿城，點知阿城仲嬲，話點解信雜誌亂寫都唔信佢，之後兩個差唔多個幾月冇聯絡，直至早排阿Lynn入醫院先主動打俾阿城求和。」知情人稱。

據知，出名對女人慷慨的城城，話咁快就原諒女友無知，而為報答男友大量，熊黛林更主動提出到泰國伴城，城城亦已向劇組請假，一齊開心慶祝生日，繼續上演攻城大計第二集。

波地操Fit 城城不嬲精力旺盛，近排仲頻頻踢波操Fit，做足準備！

含春走人對於記者追問係咪同熊黛林慶祝生日，城城一味笑而不語，見佢笑得咁開心，大家明啦！

重拾笑顏之前見親熊黛林都黑口黑面，但於Style兩周年活動上，伊人忽然開竅，掛住個四萬做人。

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 過期 週刊 及 雜誌(4-10月刊)☆

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄