無綫自從同四大唱片決裂後，上節目做嘉賓嘅歌手來來去去都係嗰幾間公司，觀眾唔悶，馮仁昭都睇到厭，所以無綫就落力栽培《超級巨聲》，特別係聲勢如虹嘅林欣彤，家無論大細騷，無綫都會安排林欣彤上陣，大晒佢嘅唱功，實行力捧佢做「巨聲幫」中之巨星，嚟緊林欣彤仲有機會同《全英一叮》嘅英國男歌手 Paul Potts喺《勁歌金曲》中合唱。
坤哥見周秀娜 出汗 放大圖片 
周秀娜同吳業坤噚晚喺後台碰面，吳業坤見到女神即狂標汗。
林欣彤噚晚就率領巨聲二幫嘅成員到將軍澳電視廣播城錄影《超級巨聲 2畢業演唱會》，到場仲有周秀娜等人。近日有傳林欣彤會以 400萬身價簽約英皇，不過噚晚佢就話一切都係等無綫安排，仲話價錢唔係問題，最重要係理念一樣，不過佢都話有興趣拍戲，但主力都係唱歌先。呢期林欣彤熱爆，佢都忍唔住同馮仁昭呻話自己家學業工作兩兼顧，令佢身體都開始出現問題，成日都好攰，所以佢都想考慮清楚之後嘅方向。另外，周秀娜會同二幫成員吳業坤合唱《小酒窩》，吳業坤出名一緊張就會勁出汗，周秀娜踢爆對方話：「喺綵排時坤哥緊張到勁出汗，我冇諗過佢咁緊張，諗住送佢手套，點知搞到佢出晒水，真係唔好意思，成對手套都濕晒。」似乎女神魅力認真驚人。 
被無綫力捧嘅林欣彤大呻學業同工作難兼顧，似乎仍未習慣娛樂圈嘅生活。
林欣彤想同祖兒合作
「小巨肺」林欣彤昨晚為《超級巨聲2畢業演唱會》節目錄影。對於有傳她以四百萬簽英皇，林欣彤說：「自己冇聽過，一切等公司安排。（對英皇有冇興趣？）我覺得有幸簽唱片公司嘅話，最緊要有商有量，畀音樂支持多啲。（想唔想容祖兒做師姐？）自己都鍾意佢嘅歌，有機會合作好。（簽英皇要祖兒點頭？）我都唔知，喺電視城見過佢一次，感覺上佢好nice，大家有say hi。」
林欣彤（左起）、森美及田蕊妮齊齊為節目錄影。
擔任嘉賓的周秀娜跟巨聲2幫成員吳業坤合唱《小酒窩》，周秀娜大爆對方瘀事：「坤哥話自己好緊張，一緊張就標手汗。有part我哋拖手唱歌，拖完之後感覺佢出晒汗，冇諗過咁誇張，搞到佢出晒水，唔好意思，濕住唱，自己都緊張。」
周秀娜爆吳業坤一緊張就標手汗。
林欣彤闖樂壇恨與祖兒鬥肺
有「小巨肺」之稱的林欣彤（Mag）因參加《超級巨聲2》而入行，近期人氣熱爆，更有傳英皇豪擲400萬元力邀她加盟，惟Mag否認傳聞，但坦言希望能與樂壇天后容祖兒合作。 昨晚，Mag與其他「巨聲」2幫參賽者如亞軍胡鴻鈞及吳業坤等人錄影《超級巨聲2畢業演唱會》，穿上吊帶紅色泡泡裙的Mag，大方回應英皇欲以400萬元簽她作為旗下歌手的傳聞，Mag說：「冇聽過，但有睇過報道，暫時冇呢件事，一切等公司安排！（對英皇有冇興趣？）我覺得有幸簽唱片公司，最緊要有商有量，音樂方面畀多啲支持！（400萬元好吸引？）價錢好短暫，最重要大家有一樣理念！」 她又否認沒有興趣拍戲，但希望先專注音樂，問到會否希望成為樂壇天后容祖兒的小師妹，Mag說：「鍾意佢嘅歌，想有機會合作！（見過英皇老闆楊受成同祖兒？）喺電視城見過祖兒一次，感覺佢好Nice！」現時仍在求學的她坦言，工作學業兩兼顧相當辛苦：「開頭諗住兩樣嘢一齊做，但身體唔能夠應付，讀書好攰，唱歌都好攰，仲有一年畢業，都未知點揀！」 以嘉賓身份出席的周秀娜透露，與吳業坤合唱《小酒窩》，她緊張地說：「坤哥話好緊張，一緊張就標手汗，有Part拖手，拖完感覺佢出晒汗！搞到佢出晒水都唔好意思！」問到會否擔心被批評歌喉，她則希望各位高抬貴手。
容祖兒
工作學業難兼顧
周秀娜在台上拖着吳業坤合唱，笑言搞到對方緊張出汗。
林欣彤（左起）、森美、田蕊妮、陳國峰及羅孝勇等出席畢業演唱會。
雖然林欣彤否認以四百萬元簽英皇，但卻希望與祖兒合作。
留言列表
