超時空迷應該好恨睇《 Macross F虛空歌姬》， 7號就出 Blu-ray喇，而且呢個 Hybrid Pack同碟更有一隻 PS3遊戲《 Macross試煉邊疆》，即係放入 Blu-ray機就有戲睇，放入 PS3就又有戲睇又有 Game玩。呢隻遊戲用番劇場版虛空歌姬做設定背景，登場人物同機體都跟到好足，睇完套戲玩就自然更加投入。文：阿洛
收錄本篇+特典
BD裏頭收錄舊年 11月喺日本上映嘅劇場版《 Macross F虛空歌姬》， 120分鐘本篇加上 50分鐘特典，特典內容包括電影預告片、廣告影片等！雖然最擔心嘅問題係未知套戲嘅 Blu-ray有冇中文字幕，官網都冇講，不過冇所謂，呢個 Hybrid Pack叫價只係 7,000日圓左右，正常一隻 PS3 Game定價都貴過佢，當買隻 Game玩都抵番。而且據知呢套前編劇場版有大量劇情係濃縮自之前嗰廿幾集，所以係 Fans應該都睇得明。另外下一隻《 Macross F戀離飛翼》亦都已定於 2011年 2月 26日喺日本上映，快人一步睇定冇壞。
放大圖片 
■動畫以 Blu-ray為媒體，高清質素賞心悅目。
放大圖片 
■可選劇場版登場嘅角色，當然亦有歌姬遙遠支持。
終極系統 畫面提升 放大圖片 
■有雪露當然亦有蘭卡，而且仲有劇場版新收錄嘅新歌聽。
遊戲方面，就係採用之前 PSP遊戲《 Macross終極邊疆》嘅系統，即係隨時可以變形嘅動作射擊遊戲，當然呢隻《 Macross試煉邊疆》出得喺 PS3，畫面都有大躍進。而劇情方面，會配合電影嘅故事劇情製作，登場角色亦極多。 Macross傳統嘅槍林彈雨就唔在講，高速嘅空戰場面，加埋蘭卡同雪露兩位歌姬唱歌激勵，見到畫面喺空戰背後透現歌姬倩影，熱血感覺又來了！
放大圖片 
■光源處理都明顯比 PSP版遊戲好，證明唔係求其製作。
放大圖片 
■密集式導彈幕，超時空必備場面。
放大圖片 
■戰鬥時有歌姬喺背景透現，極重超時空 Feel！
放大圖片 
■放入 Blu-ray機可當影碟睇。
重量級套裝 放大圖片 
呢套 Hybrid Pack唔只抵買在有戲睇有遊戲玩，而且仲包括有彩印光碟同精美包裝，裏頭有收錄設定資料嘅全彩色 48頁小冊子，初回限定特典仲有剪輯自電影播映用嘅真實菲林，加埋冇乜用但 Fans都應該有嘅「 Macross F聖誕夜現場演唱會」招待資格抽選券。
《 Macross Frontier虛空歌姬 Hybrid Pack》
主機： PS3類型：射擊人數： 1人廠商： NAMCO BANDAI Games推出日期： 10月 7日 
留言列表
