一連兩日睇過巴黎車展熱點新型號，為求在茫茫參展商中突圍而出， Sharp醒車身就成為賣點之一。講到最紅，怎可能沒有恍如已註冊的火紅色拉利，今年還有平治、富豪同 Seat加入鬥紅戰團，令到場館遍地飄紅，好不耀眼。記者、攝影：徐影龍
SA Aperta有錢買唔到
到底 Ferrari最新的 SA Aperta有幾紅？車系最頂級開篷型號、全球限量僅 80部、傳聞身價高達 40萬歐元（連稅約港幣$800萬）、唔搞宣傳、邊個夠資格購買由廠方篩選，而且未出已額滿，即是有錢都買唔到！現場所見，呢架金屬銀底紅跑，確實充滿冶艷迷人魅力，又大又低斜的 A柱設計，望落比 599 GTO更帥氣。這款 SA Aperta當中的「 SA」是兩位 Pininfarina工作室設計師名字的縮寫，配上 670匹 V12引擎，馬力可媲美 F599的 661匹，開篷車來講實在相當嚇人。
放大圖片 
■低斜 A柱及跟尾部完美接合的防傾桿，將開篷時的風阻減到最低。
放大圖片 
■圓股尾部配誇張車底擾流，成為 SA Aperta標誌。
California玩慳家 放大圖片 
同場另一款拉利開篷 California，剛剛相反玩慳油，透過自動熄偈、煞車能量回收及改良引擎，以及將 4.3L V8引擎的缸內直系統噴剔走，務求慳上加慳。
其他歐系紅車晒冷 放大圖片 
1.Benz都有全新 CLS上陣，場館中共兩款型號登場，最頂級 350為銀灰色，不及隔籬細佬 250火紅車身咁搶眼。相較上一代 CLS，輪拱加大及提高肩線，配上共 71顆 LED頭燈，整體更具肌肉霸氣觀感。
放大圖片 
2.SEAT電能車 IBE今次再度亮相，比三月日內瓦車展時加長了 50mm、闊度縮窄 30mm，整體變得更修長。
放大圖片 
3.一向好欣賞 Alfa Romeo的鷹嘴設計，來到 8C Spider配暗紅車身及換上五星巨軨，望埋車前兩個大氣壩，有點似 Q版拉利 Enzo。
放大圖片 
4.Volvo V60有着比 S60更長的 2,776mm軸距，令車內空間感更強，整體流線有動感，難得將 Coupe跟旅行車概念夾得咁完美。
同場加映： BMW 6系曝光 放大圖片 
即使概念車 Vision剛巡迴亞洲區展覽完，也不及新 6系 Coupe惹人注意，屬 2012年概念款，以 5系為基礎，將配 Turbo型號， M6馬力達 550匹。
放大圖片 
同場另一架 BMW M3 Coupe，獨立一角，全身磨砂黑，帶着神秘及高傲，襯埋背景強勁的音樂及 Disco閃燈，感覺勁 High。
拉利妹欲拒還迎 放大圖片 
拉利 Counter坐了個金髮靚女，話自己唔係車模，拒絕其他人拍攝，正想轉身走人但又被她叫住，問我職業係乜住喺邊一忽，搞一大輪後方可同佢留倩影。果然靚女同拉利一樣，越難得到就越想要！
放大圖片 
放大圖片 
放大圖片 
放大圖片 
明日預告
Smart及 Mini電動電單車蠢蠢欲動。 
留言列表
