周汶錡“有錢唔搵呀？”－明星靚相大分享☆

周汶錡“有錢唔搵呀？”

一向準時的周汶錡，竟然，遲了十五分鐘，她駕着體形龐大的寶馬X5姍姍來遲，泊車時，忘了預位給自己落車，泊好車，挽着CÉLINE黑色鱷魚皮Luggage走向我笑笑，神情有點呆，這全都是印度患上短暫高山症的後遺症。
我順勢問候兩句，男友又可有慰問？「自己識照顧自己。」
遇上危急關頭，愛人冇影，回港後，中秋又分頭團圓，難免被人誤會，婚前脫腳；係我多心虛驚一場。愛情上，依然甜蜜蜜，主打遊山玩水，
事業上，徘徊十字街頭，剛開微博又唔知為乜，直言享受生活重於一切的Kathy，想退休嗎？
她擰擰頭，「就算結婚，我都會繼續做；
「有錢唔係唔搵呀？」這句說話，男友在場聽到，就好了！

Profile
　
原名：周文琪
出生日期︰1974年5月20日（金牛座）
出生地︰香港
身高︰5呎8吋半
體重︰110磅
三圍︰33-24-35
語言︰上海話、廣東話、普通話及英語。
簡歷︰99年，為美國《W》雜誌拍攝時裝特輯，晉身一線名模。04年，主持旅遊資訊節目及寫書，作跨媒體發展。05年，為TVB主持飲食節目，進一步確立主持人形象。
主要作品︰廣告「ULTIMA II」（09-11）。書籍《My Dream Wedding》（04），《台北之旅My Style Guide》（05），《香港之旅——玩味香港島》（06），《上海之旅My Style Guide》（07），《享樂•北京》（09）。電視主持《近廚得食》（06），《咁至識食》（09）。
微博︰http://weibo.com/kathymankei

我要享受人生　
上個月，Kathy在上海行騷，兩年沒踏足貓台了，「自己覺得舒服咪做，有得揀嘅！」前一排，雜誌實牙實齒報道她八月出嫁，九月已過，模界只得姊妹Amanda S.在意大利出閣，你呢？「要發生就發生，我點講都冇用！邊個女仔唔想（結婚）？我會努力。」皇帝唔急太監急，惟有靜待Julien甘願當老襯。現在，她一年平均四個月去歐洲出海曬太陽飲紅酒食芝士，拍拖才是正職。「以前搏命工作，依家有能力唞唞，何樂而不為？世界好大，點都要見識一下！」半退休？「睇你點睇！有錢唔係唔搵呀？「廣告代言，一年做兩次，俾更多時間去享受人生。」講到全身而退，佢就no。「冇勇氣！「我唔可以靠炒樓炒股票過日子，好頹廢！工作辛苦，但識得享受過程，就值得。」

支持日本旅遊　
見慣大場面的Kathy，早前跟好友范姜帶埋細妹周麗淇去印度行善，爬上海拔四千公尺的喜瑪拉雅山，是辛苦、也是回味。「成group人最遲中招係我，佢哋個個一落機就去洗頭沖涼，好容易引起高山症！」據解釋，人處於高海拔之地，凡事慢動作，洗頭沖涼會加快血液循環，易患上高山症，點知最後一天，她心急去玩，興奮忘形沖涼換衫裝身，「沖完涼，feel到四周景物慢慢散開，好似身在夢境；「個頭痛到……好似爆開咁！」直言「善齡」已十年八載，每年均會帶住一班粉絲出外探訪，又去廣西起學校，今次經驗，寧舍驚險，「四千公尺真係好高好高好高。」「遇難」時，諗起邊個？「家人囉；嗰一刻我乜都唔識諗！「猛叫自己唔使緊張，鬆弛一下、休息一下，冇晒心機，好慘㗎！」有機會的話，會再去嗎？「其實，我會捐錢，未必下下親臨災區，盞阻住人，好似日本海嘯之後，自己即刻發起去東京旅行，support旅遊業；「政府派六千蚊，將會捐出去幫一個細路女做植皮手術。「我唔會日日同人講自己做過乜，善事，想做就做。」

我有眼光　
Kathy還想表達自己愛惜地球愛惜生命，「睇番轉頭，以前浪費好多錢，真係唔應該！」環保由置裝做起，「網上買衫，可以return，變相有後悔機會；買過一對六吋半高豹紋Christian Louboutin，對鞋到手，我問助手『太高？』最後，同自己講『唔要喇！』「買嘢先問『一件褸著唔著到三年？一對鞋著唔著到五次？』唔得的話，唔該放低，幾靚都係咁話。「瘋狂購物階段已過，focus去買襟興物件，我一向對時裝幾有眼光，所買嘅，全屬精品。」今季，有乜建議？「手袋要買Hermés Birkin或Chanel，嫌太貴的話，買二手；Roger Vivier鞋最好，一個buckle係咁出，自己差唔多有30幾對。」講到購物，男友行埋一邊。「扮靚飲食係我強項，但你叫我寫blog，又怕冇時間兼顧，我寫都未必有人睇……少少驚會阻住我飛囉！」

Kathy's tips
　
Q：經常飛來飛去，點樣護理皮膚？
A：無論冬天或夏天，潔膚、爽膚水之外，再加一層serum護膚，防曬更唔少得啦！

Q：天氣微涼，護膚產品推介？
A：ULTIMA II 微細膠原蛋白，成份細到可以真正滲入真皮層，令皮膚細胞自我更生，徹底改善膚質，之前去法國，我日日敷5分鐘，用過至有信心素顏拍廣告咋！

後記　
話題回到她那一部上年先落地的寶馬，主觀以為，女仔愛細車，「我男仔頭，唔識分靚車，只享受揸車過程。」 Kathy還說，自細愛玩碰碰車，唔快唔刺激唔愛玩，「18歲，即考車牌，點知第二次至pass，老師話我揸車動作唔夠大……」愈講愈興奮。主觀又以為，女仔鍾意揸大膽車，一定好霸道，「同佢（男友）一齊的話，佢做司機，我做乘客。」沒男友在身邊，懂得照顧自己，男友在場，適時小鳥依人，我係Julien，老早求婚啦！對不對？

Shop List 　
Dolce & Gabbana 中環歷山大廈G02號鋪 2877 5558 Emilio Pucci 金鐘太古廣場363號鋪 2918 4698　 I.T 中環雪廠街10號地庫B1號鋪 2147 5077 Lane Crawford 中環國際金融中心3樓 2118 7683　 Maria Luisa 銅鑼灣利園 I 期211號鋪 2907 2028 Miu Miu 中環置地廣場G31-32號鋪 2523 7833　 moda SHU 銅鑼灣世貿中心P109號鋪 2808 1840 On Pedder 中環皇后大道中新世界中心1樓 2118 3489　 ULTIMA II 銅鑼灣崇光百貨 2577 1941 Versus 尖沙咀海港城港威商場2131號鋪 2572 2682 ####

Kathy
黑白音符印花tube dress $14,100
黑併金色星星吊墜閃石耳環 $3,900
both Dolce & Gabbana
黑色喱士bra（未定價）Emilio Pucci

82年細個時已是美人胚子，輪廓標致無添加！

94年 20歲，真正baby face，同細妹一樣樣。《壹本便利》圖片

10年同男友一起，Julien揸住車擺出趣怪表情，Kathy冧晒！

11年八月去印度做慈善探訪，女強人不怕高山症，更希望大家關心第三世界兒童。

Kathy 黑色併藍色印花吊帶連身裙（未定價）Versus 銀色頸鏈 $2,990 銀色方形手鈪 $730（一套） both la mollla from moda SHU 黑色絲襪 stylist's own

Kathy 彩藍色絲質晚裝長裙 $15,899 Roksanda Ilincic 銀釘飾綴閃石頸鏈 $2,999 JOO both from I.T 銀色方形耳環 $1,900 Tom Binns from On Pedder

Kathy 黑色鏤空短袖上衣（未定價）Rue du Mail from Maria Luisa 深灰色珠片長褲 $4,400 IRO from Lane Crawford 金色星星吊飾頸鏈 $17,700 Dolce & Gabbana 銀色釘飾閃石皮手鈪 $9,500 金色窩釘閃石頸鏈（worn as bracelet）$9,500 both Tom Binns from On Pedder 粉綠猄皮併金閃粉高踭涼鞋 $7,500 Miu Miu