旅行旅遊土耳其卡帕多基亞 @ 明星靚相大分享☆

中國人有個傳統，喜歡以形補形，食豬腳補腳力、食豬腦補腦筋。咁去到土耳其卡帕多基亞，男士們最好到訪有「陽具石」之稱的奇石林，摸一摸唔知有無幫助 o架呢！記者：蕭漢祥攝影：譚盈傑鳴謝：土耳其航空、 Anatolian Balloons、 GRS Corporation Ltd

摸住酒杯底睇更醉人

土耳其卡帕多基亞（ Cappadocia）最出名，首先當然是它的奇石林，一支支的石柱上面無啦啦又多一嚿深色的圓石在上面，因此又被稱為「陽具石」。它的形成並非人為，而係由於火山爆發後，熔岩不同時間的冷卻和岩石受到風雨的侵蝕，逐漸削成柱狀，而頂部的硬度不同，令顏色和形狀與柱身有別。要欣賞卡帕多基亞的美景，就要走到較高位置，除了可以把奇石林一覽無遺，還有靚到震的日落景色。在距離 Urgup約十分鐘車程的 Ortahisar，附近山上的 Rose Valley是當地著名的觀賞日落景點。除了停車場滿佈賣紀念品的小販攤檔，估唔到有部份觀賞地方是收費的，每人$5.5，真識做生意。不過這些商業活動，絕對無影響遊人的心情，在昏黃的日落下，不少遊客都陶醉其中，有四位韓國美少女更忍不住在此刻高歌一曲，加上小記手上預先準備的紅酒一杯，頓時覺得呢啲咪就係「 quality of life」。

放大圖片

放大圖片
■在卡帕多基亞欣賞日落， hea番一小時感覺非常舒服。

■在卡帕多基亞欣賞日落， hea番一小時感覺非常舒服。

放大圖片
■睇日落時，白馬王子突然趕到，上落山唔使行舒服到爆。

■睇日落時，白馬王子突然趕到，上落山唔使行舒服到爆。

放大圖片
■卡帕多基亞到處都是有「陽具石」之稱的奇石林，摸完唔知可否以形補形呢！

■卡帕多基亞到處都是有「陽具石」之稱的奇石林，摸完唔知可否以形補形呢！

放大圖片
■香港人去旅行，梗係要在美景之下發吓癲。

■香港人去旅行，梗係要在美景之下發吓癲。

放大圖片
■除了奇石，卡城亦有很多小洞，剛好可讓一個人躲入去，避雨？

■除了奇石，卡城亦有很多小洞，剛好可讓一個人躲入去，避雨？

放大圖片
■ Rose Valley是最佳的觀賞日落地點，但要留意部份位置會收費。

■ Rose Valley是最佳的觀賞日落地點，但要留意部份位置會收費。

放大圖片
■睇日落嘆紅酒，相信係我呢世仔最嘆的一刻。

■睇日落嘆紅酒，相信係我呢世仔最嘆的一刻。

情侶山洞浸浸浴放大圖片
■晚上，酒店內外打滿燈光，是絕佳的影相位。

■晚上，酒店內外打滿燈光，是絕佳的影相位。

在卡城到處可見尖尖的山和一個二個的窿，咁特別的景色可以如何持續發展呢？當地人覺得最好不過是興建山洞酒店。在格雷梅市（ Goreme），不論一大座山還是小山，隨時都係一間酒店，從高空看真係未必會發現那是建築物。

放大圖片
■話明係山洞酒店，房內牆壁保留了山洞粗糙的感覺。

■話明係山洞酒店，房內牆壁保留了山洞粗糙的感覺。

只有 8間房的 Miras Hotel，雖然外表融合了歐洲式豪華設計，但內裏依然充滿山洞感覺。豪華房設備除了床鋪梳化，和當地極難搵到的無線上網服務之外，更設置了雙人浸浴池，這種「甜蜜房間」啱晒情侶、夫婦來度假。原來酒店開業第一對客人，就係一對美國夫婦結婚周年紀念來甜蜜一番，而平時都係歐美及日本客居多。山洞酒店環境一流，寧靜中帶着卡帕多基亞風味，相對於嘈吵的香港，這裏真是天堂。不過這個天堂的房間都不設空調，而卡城夏季往往達攝氏三十幾度，因此最佳的入住時間是春秋兩季。

放大圖片
■房內設有雙人浸浴池，最啱情侶。

■房內設有雙人浸浴池，最啱情侶。

放大圖片
■房間擺設土耳其水煙，非常過癮！

■房間擺設土耳其水煙，非常過癮！

a. Miras Hotel

房價：普通房約$1,236-$1,545、豪華房約$3,090地址： Gafferli Mah. Unlu Sk No.22, Goreme,Nevsehir網址：http://www.mirashotel.com

擰歪面齊擦浴放大圖片
■浴場室溫較高，因此落到浸水池也唔覺熱。

■浴場室溫較高，因此落到浸水池也唔覺熱。

來到土耳其，點都要試土耳其浴。卡城的店舖都倚山而建，土耳其浴會唔會都好有張保仔嘆世界 feel？土耳其浴自古以來是土耳其人一項神聖活動，到清真寺祈禱前、結婚等，都要先到浴場潔淨身體。更有說浴場曾是文化交流場所，洗澡按摩之外，還提供飲食、健身中心、球類運動，更係飲酒女的好地方，睇嚟古代的土耳其好開放。回到現在的卡帕多基亞浴場，基本上男女是分開洗澡，除非一大班朋友訂了貴賓房，就可以男男女女一齊洗，躺在圓形大理石上齊齊擦背。不過好尷尬吧，洗澡擦背時男女都一絲不掛，只用一條毛巾遮住 pat pat中間嗰條事業線。女士們起身上落就更驚，小小毛巾遮得上半身就遮唔晒下半身，最後通常都係擰歪面唔望大家。

放大圖片
■卡帕多基亞山的土耳其浴場，設計帶點山洞 feel。