上週五( 4日), Fred首次有份參與台慶亮燈儀式,排位好、又搶鏡,難怪整晚風騷到爆。 

真面目

受保護 嫌角色衰 鄭俊弘推劇保王位

《星夢傳奇》令 29歲鄭俊弘 Fred成功翻生,更被稱為「高分王」和「小歌王」,雖未真正攞《星夢》冠軍,但無綫將重開的唱片部「星夢娛樂有限公司」已趕住收歸旗下。
原本, Fred一早亦接拍新劇《點金勝手》,更屬男二身份,終可一脫大茄之名,但據知《點》劇其角色沉迷炒股,又連累家人,無綫覺得有損高分王正面乖仔形象,即刻幫佢推咗個角色, Fred當然 no say啦!佢仲一頭霧水咁話︰「推咗個角色,自己都有種奇妙嘅感覺。」

 


有種奇妙嘅感覺!(真實對白)雖然 Fred覺得《點》入面嘅角色好有發揮,但始終都擔心影響形象,咁又係,捱咗咁多年先有啲眉目,係要小心啲㗎喇。 

大眼乖仔樣的 Fred,入行以來拍劇大多數做閒角,對白都冇乜兩句。憑着《星夢傳奇》成功彈起,唔少監製搵佢拍劇,但貴為無綫新金蛋,所有同 Fred形象有衝突的,無綫通通擋!

黃嘉樂頂替

《點金勝手》有黃宗澤、徐子珊、胡定欣,監製特登搵個好位畀 Fred,戲分更屬男二。知情人士說︰「當初 Fred聽到可以做第二男主角,真係好開心,但收到劇本先知原來個角色幾負面,又沉迷炒股,仲連累家人,佢都有啲擔心,同埋公司𠵱家咁錫佢,過咗一陣就有人通知佢,個角色由黃嘉樂頂替咗。」
本週一( 7日),黃嘉樂在電視城開始拍攝《點》,本刊問到他頂替 Fred的角色,黃嘉樂說︰「最近先接咗呢套劇,監製都有講個角色原本係 Fred!我自己就冇乜感覺,因為成日有呢啲事發生,同事做唔到,我做都好正常,公司安排啫!」


《點金勝手》九月初開鏡時, Fred已經唔見影,原來無綫已找黃嘉樂頂上衰角色,以保 Fred今時今日的「王」位。 

冇得做男二, Fred都有份參演另一新劇《愛我請留言》,飾演一名婚禮表演者,與現實同是一樣喜歡唱歌的人, Fred說︰「其實呢套一早接咗,只係客串咋。」以前戲分少係大茄,𠵱家就稱為客串,明唔明? 

Fred在《師父.明白了》仍然是閒角,今時不同往日。

無綫呵番


據聞製作資源部總監樂易玲出手,唔畀 Fred簽其他唱片公司,更特意重組唱片部「星夢娛樂有限公司」收歸他為旗下歌手。《蘋果日報》圖片 

Fred近日為《星夢傳奇》本週六、日的總決賽準備,只出席一些商場活動。不過無綫亦有呵番,在另一套新劇《愛我請留言》安排 Fred客串。
上週五( 4日), Fred首次出席台慶亮燈儀式,問他推劇一事,他說︰「自己都知道劇裏面個角色,同以往演開嘅好唔同,會有好大突破,但因為撞咗其他 job,惟有推咗套劇囉!其實推咗個角色,自己都有種奇妙嘅感覺!(接咗咩 job要推劇呀?)咁我又未知住,因為公司安排,我真係覺得個角色係好好玩㗎。 Anyway,因為《星》最後兩集喇,我會花多啲時間去揀歌同練歌,希望做到水準。」有大後台錫住,冇咗個男二,當輸粒糖贏間廠囉!

「部頭」頂替「親生仔」

第十七期藝員訓練班出身的黃嘉樂,現時為無綫部頭合約男藝員,入行至今演出 40部劇集,但多年來大多只飾演閒角,作品有《古靈精探 B》、《舞動全城》、《盛世仁傑》等等,而電影方面,為人熟悉的只有葉念琛《我的最愛》,今次冷手執個熱煎堆,都有可能跑出㗎!

執 Fred攤

黃嘉樂承認頂替 Fred的角色,仲好大方說︰「同事做唔到,我做都好正常,公司安排啫。」


我做都好正常!(真實對白) 

黃嘉樂於《衝上雲霄Ⅱ》中飾演血癌病人,劇中女友趙希洛借胡定欣肚懷孕,更一度成為熱話。《蘋果日報》圖片 

有意向影圈發展的黃嘉樂,今年接下電影《明天記得愛上我》,與任賢齊上演一段同性戀關係,希望為事業殺出血路。

連踩 2日玩公投

《星夢傳奇》最後五強將進行最後 2場總決賽,分別本週六、日( 12日和 13日)。 12日當晚不設「觀眾評判團」, 5位參賽者各自演唱一首歌,再由 4位「星級專業評判」選出表現最差一位淘汰,餘下 4位順利晉身「第二回合」比賽。最後四強在 13日的總決賽,要得到觀眾支持票數,由觀眾一人一票選出最後冠軍人選。當晚各位專業評判亦會選出心目中「最佳表現」的參賽者,頒發「專業推介表現大獎」。


《星夢傳奇》最後五強有陳明恩、鄭世豪、姚兵、鄭俊弘和羅鈞滿。 10月 12日先淘汰一位, 13日再選出冠軍。 

「星級專業評判」有周啟生、曾路得、巫啟賢、肥媽、 Eric Kwok、譚詠麟和李克勤,巫啟賢講到明唔會偏心 Fred。《蘋果日報》圖片 

採訪、撰文、攝影︰娛樂組

arrow
arrow
    全站熱搜

    tvb4life 發表在 痞客邦 留言(0) 人氣()