拒露兩點甄穎珊解約從良 face週刊 177期－明星靚相大分享☆

大難臨頭各自飛！真實對白
上週三（ 6日）甄穎珊被老闆蕭定一逐出公司後，翌日凌晨 3點喺微博暗彈有人「大難臨頭各自飛」，又話叫自己接受現實，咁又係，每月少萬幾蚊收入加每季 6位數字代言費，做人真係要好現實先得囉！《忽然 1周》圖片

Freeze 07年出道，除靠整容出位，行性感搞是非亦係佢哋食糊位。
近年 3嬌被 o靚模潮打退，陳樂榣（ Alley）重操故業教畫畫、石詠莉（ Sukie）算最幸運最近獲續約，繼續做蕭定一旗下藝人，但有傳 11月滿約嘅甄穎珊就因扭計，拒露兩點唔拍《 3D肉蒲團》辣㷫老細，加上近排和陳樂榣借錢是非，上週蕭定一終於拍枱寫支票叫甄穎珊即走，週一蕭對本刊直認與甄穎珊解約，更說：「我好懷疑佢對拍戲嘅熱誠！」

近月同朋友合資開甜品店嘅甄穎珊，據知上週三（ 6日）喺「變靚 D」寫字樓同老闆蕭定一炒大鑊，阿一更即時開支票叫佢執包袱。

蕭定一：唔會續簽佢！真實對白
《忽然 1周》圖片

上月甄穎珊同朋友夾錢開甜品店，仲話鋪頭好多嘢做好忙，係時候要諗將來，擺明搵定後路。

微博洩憤

有過百萬片酬唔願袋，《 3D肉蒲團》就搵咗藍燕做女主角，據知藍燕拍攝時勁扭計，搞到老闆阿一幾乎晚晚要監場湊女。《壹週刊》圖片

百萬都唔拍

二人交惡，事緣早前甄穎珊玩錫身，堅拒唔肯露點拍《 3D肉蒲團》。知情者說：「甄穎珊成日同阿一講想拍戲想紅，阿一咪出到 7位數字酬勞叫佢露點做《肉》女主角，點知佢唔肯，連普通角色都唔做。佢每月固定萬幾蚊人工，與及佢隆胸等代言人 6位數字，阿一算對佢不薄。點知佢主動放料畀記者，話 Alley借錢唔還，展開罵戰，阿一谷鬼氣咪炒咗佢囉。」

「對佢冇寄望」

週一（ 11日）記者致電阿一，問佢係咪同甄穎珊解約，佢話：「係！佢同 Alley都唔會續簽。天下無不散之筵席，每人都有自己諗法。（係咪搵過甄穎珊做《肉》女主角呀？）有戲開梗係益自己人，由始至終佢都話自己好鍾意演戲，有戲佢又唔想拍，我好懷疑佢拍戲嘅熱誠！（有冇失望？），冇寄望過，所以冇失望，家我淨係簽番 Sukie出唱片， Alley搞藝術我都會支持佢。」據知甄穎珊被炒後提早去台灣旅行散心。回港後從良，專心搞好甜品店生意。