滿頭白髮加幾粒老人癦，皺埋眉頭的雯女在首集已給觀眾驚喜。"
娛樂頂點
雯女皺樣爆缸毒相 博冧莊奪獎
2010年10月15日
32集台慶劇《巾幗梟雄之義海豪情》下周殺到，在監製李添勝調校下，大部分角色亦正亦邪，對白多而句句金，絕對挑戰演員極限。
去年憑住《巾幗》四奶奶一角終於眾望所歸首奪視后的鄧萃雯，今鋪亦求到好籤，飾演心狠手辣但又義字大過天的鄭九妹。劇中雯女將皺皮老妝藐嘴賤相及吸毒樣全部晒冷，豁出去盡地一煲，看來冧莊視后在望。
監製李添勝刻意用倒敍方法去包裝故事，雯女在第一集頭十五分鐘，便以 90歲皺皮樣見觀眾。為了令老妝逼真，化妝師要在雯女塊面黐上一層薄膠水，之後立即用風筒吹乾。又在其額頭和眼角營造出皺紋效果，雯女亦刻意壓低聲線演繹。皺樣戲份十分鐘就完，雯女搶權搶勢才是真正戲肉。要表現到那股心狠手辣的強勢，在頭五集中，她幾乎講完每句對白都嘴藐藐。監製李添勝亦刻意將雯女在第 21集被日軍打到頭破血流，標晒眼淚揸槍殺人的戲份，剪輯在頭輪宣傳片中，擺明用雯女演技吸引觀眾。
監製李添勝講過要每一集都有高潮位，單睇雯女誇張大笑的奸樣，被打至爆缸和吸食鴉片的造型，已感到劇力萬鈞。
去年台慶，雯女憑《巾幗梟雄》大熱姿態奪視后，如今《義海豪情》一劇未推出，觀眾已爭相談論雯女演技，看來她大有冧莊機會。《蘋果日報》圖片
《義海豪情》首五集必睇位
第 1集 18/10亂葬崗槍斃祥仔
劇集一開始，雯女（鄭九妹）先以 90歲皺樣出場，獲電視台邀請，由昔日抗日戰友敖嘉年、黃浩然及孫女陪同到廣州亂葬崗，勾起當日種種回憶。鏡頭一轉回到四十年前廣州同一個地方（當時為集中營外的萬人坑）， 30歲的雯女身為漢奸，為了顧全大局不惜在日軍面前槍斃黎耀祥（劉醒）。
鄧萃雯看着從亂葬崗掘出來的文件，向孫女麥皓兒講昔日往事。這倒敍情節與《鐵達尼號》飾演老露絲的已故演員歌莉亞史超活向孫女講述沉船經歷（下圖）相類似。
以下為劇情真實對白
黎：聞到你身上鴉片煙我就想反胃，見到你個賊婆娘我就想嘔！
鄧：劉醒你呢個賤男人！
雯女親手槍殺黎耀祥一幕，場面震撼。
首集雯女就入土為安，昔日戰友敖嘉年和黃浩然更在喪禮出現。
放流料狼吞銀行
劇集再倒敍到三十年代的廣州盛世，雯女為求擴大地盤，與銀行董事劉江傾入股，更命人發放假消息令銀行擠提。另一方面，黎耀祥為了攞番存款與劉江講數，當街開槍鎮壓市民。
鄧：我擺明車馬係要食咗你間銀行……你係都要搵棵樹嚟吊頸，冇人阻到你，今晚我都會為你流一滴眼淚。
劉：邊個同大毒梟同流合污，邊個就係畜牲。
第 2集 19/10祥仔講數對峙
黎耀祥叫敖嘉年（唐吉）替他買白鴿標中頭獎，但白鴿標公司負責人張松枝（鄭少傑）未能找出票尾而不肯派彩，最終釀成兩幫對峙。事後祥仔得悉敖途中被扒手搶錢令他橫財落空後，於警署內辱罵敖發洩。
黎：我依家叫番你做阿哥，唔該你寫低封辭職信嗱嗱聲走吖！
敖：對唔住，係我整唔見你張飛，劉醒哥！
黎：你哋整唔見咗張飛，點解要我解釋呀？
張：最後一張都唔係你張飛噃！同我攞把斧頭嚟，一係留低對手，一係留低你條命！
利誘雯女簽約
《義海豪情》演員陣容全是好戲之人，惠英紅、雯女、謝雪心和陳法拉四人更是今年台慶女主角和配角的熱門人選。《蘋果日報》圖片
有監製射住，但雯女始終屬 TVB部頭合約藝員，即使她有外快， TVB一毫子都冇得分。明知雯女勢必因鄭九妹一角再度 hit爆，故此 TVB早前已開大水喉利誘雯女簽經理人合約。除了開出兩年拍三套劇，比同級花旦如佘詩曼一年至少拍兩套劇，佢有更高自由度外，更承諾會揼本開拍電影讓她擔正。倘若成為自己人後，雯女亦可順理成章冧莊視后。現時雯女正考慮當中，為此記者致電雯女，但一直未聯絡得上。
記者亦問過樂易玲，但她未有承認，她說：「冇呀，同佢傾合約都係你哋講啫！」去年 TVB頒視后給雯女後，有傳雯女對合約獅子開大口吊高嚟賣。拍《義海豪情》時更加遲遲未肯開工，睇嚟 TVB要令雯女「動筆」成為親生女，要作漫長的拉鋸戰。
第 3集 20/10岳華槍指敖嘉年
敖嘉年目睹自己女友被張松枝輕薄，混亂間開槍誤中張肺部。張父親岳華（鄭朗軍）發散人手搵出敖嘉年，要他一命填一命。結果敖被鄭家手下打傷，再被捉返鄭家大宅內公審。黎耀祥雖嬲怒敖，但亦不想他枉死，決定出手營救。
岳：我個仔死咗，我要你一齊陪葬。
匿藏酒店的敖嘉年，被捉回鄭家大宅公審。
黎：你哋唔好以為黑社會大晒……九姑娘你唔識佢你唔知，佢廢柴嚟 o架咋，點會開槍打人！
敖：劉醒哥，多謝你嚟救我，我下世做牛做馬都好，都會搵你報番呢個恩。
被屈殺掉鄭家二少的敖嘉年眼淚鼻涕一齊流，其間黎耀祥挺身救下屬。
第 4集 21/10雯女寸爆謝雪心
雯女獲得父親岳華信任，先後掌管銀行及白鴿標生意，惹起謝雪心（鄭朗喜）不滿，於是衝入雯女房間教訓雯女，繼而展開連場罵戰。
鄧：我依家得番嚟嘅嘢，全部憑我一個女人嘅實力，我係乜嘢都要搶，只要光明正大，我要搶咩就搶咩。
謝：你見到乜嘢搶乜嘢，搶錢搶風頭搶地位，係你嘅又搶，唔係你嘅又搶！
第 5集 22/10謝雪心告狀逼走雯女
謝雪心眼見自己地位不保，決定向岳華告狀，指控雯女並非岳華親生女，更發動煙廠辭職潮搞亂人心。為保住煙廠生意，雯女決定和局長麥長青（梁非凡）合作，打擊私煙，更發放獎金俾班警察，豈料麥乘機私吞獎金，令雯女大怒。
謝：自從你十幾年前救咗佢返嚟，佢已經變成一個冷漠無情嘅女人，邊個阻佢發達，佢就會整死邊個。
自知地位不保的心姐，向阿哥岳華告狀。
麥：九姑娘，你叫我幫你手打擊私煙，我乜嘢都做齊，至於獎金點處理，我有分數。
落格吞獎金的麥包，在黎耀祥面前仍死撐，最後雯女主持公道。
鄧：如果你唔三倍俾番啲獎金班兄弟，我搞到你雞毛鴨血。你仲可以喺廣州立足嘅話，我鄭九妹個名以後倒轉嚟寫！
爆鄧萃雯化老妝吸毒照 盡地一搏望再奪視後
32集TVB台慶劇《巾帼枭雄之義海豪情》下周播出，在監制李添勝調校下，大部分角色亦正亦邪，對白多而句句金，絕對挑戰演員極限。
去年憑借《巾帼枭雄》四奶奶一角終于衆望所歸首奪視後的鄧萃雯，這次也求到好簽，飾演心狠手辣但又義字大過天的鄭九妹。劇中鄧萃雯將皺皮、老妝、藐嘴賤相及吸毒樣全部獻出，豁出去盡地一搏，看來連莊再奪視後在望。
留言列表
