偉仔通屋走
當晚 7時左右，屋內開始亮起燈光，記者見偉仔先在屋內招呼朋友，之後又手持紅酒杯行來行去，與兩位女友人雞啄唔斷。"
娛樂頂點
搭上富商冷戰兩個月 嘉玲家中番偉仔
2010年10月15日
劉嘉玲自 7月尾被踢爆搭上有 160億身家的內地富豪景百孚後，同老公梁朝偉再冇一齊現身。雖然事後偉仔開口撐嘉玲：「普通正常社交活動，我絕對相信劉嘉玲。」不過偉仔每次見記者都黑晒口面，仲以返大陸拍《一代宗師》為藉口北上避靜，同嘉玲展開冷戰。
偉仔嬲到震，嘉玲最近亦積極補鑊，除咗修心養性留家外，上周五（ 8日）出席 SKII活動，仲落足嘴頭話好掛住偉仔，有時間會北上探老公班。活動後嘉玲即時返家慰夫，請朋友返家開紅酒派對。難得老婆知衰，偉仔亦順番條氣，兩人冷戰兩個月終於破冰。
互動片段
梁朝偉劉嘉玲家中宴客
今年 7月尾，傳媒公開一張劉嘉玲與內地富豪景百孚面貼面、男方攬實嘉玲兼摸大髀的親熱照，還指兩人在 6月初連續兩晚在北京約會。緋聞一出，偉仔即時透過經理人公司澤東表示百分百信任嘉玲，但另一方面卻因此事與嘉玲冷戰。
據知向來沉默寡言的偉仔，在照片曝光後不久，變得更加憂鬱，更曾找密友出外劈酒發洩。知情人士透露：「嘉玲同富豪張相公開咗，偉仔當然覺得好冇面。原本已經唔多鍾意同人溝通嘅佢，有晚約咗幾個好友去私竇傾偈，不過偉仔一坐低就不停飲酒，仲叫大家唔好問。其實我哋都知佢為咗嘉玲單緋聞唔開心，之後佢仲借啲意話返大陸拍《一代宗師》，其實大部分時間佢都唔使拍，只係想逃避唔返香港。」
你乖啲，我就開心晒！（設計對白）《蘋果日報》圖片
Honey你唔好嬲啦！（設計對白）
活動後即返家
上周五（ 8日）下午 3時半，劉嘉玲出席完 SKII活動，即由司機接載，由銅鑼灣返回山頂和福道獨立屋（下圖）。
偉仔嘉玲碰杯
其間偉仔主動與嘉玲及女友人碰杯，嘉玲亦站起來與偉仔和朋友舉杯暢飲。
小男孩作客
除了兩位女友人外，嘉玲偉仔的賓客中還有一名約 7、 8歲的小男孩，男孩不時在掛上女神壁畫的大廳走動。
情緒低落匿廁所
6月慶偉仔生日
今年 6月未爆搭上內地富豪前，嘉玲（右一）仲帶埋阿媽（右二）去四季酒店為偉仔慶祝生日。但自緋聞爆出後，嘉玲同偉仔再冇一齊蒲頭！《蘋果日報》圖片
偉仔唔開心嘉玲又點會唔知，不過嘉玲 8月要四出為電影《狄仁傑》做宣傳， 9月初又要去威尼斯國際影展，忙到甩轆，再加上偉仔避走北京，想老公都無時間。嘉玲與偉仔在這段時間聚少離多，富豪事件又未解決。 9月中偉仔返港小休，性格變得更加孤僻，情緒低落時更多次把自己困在家中洗手間內。知情人士透露：「偉仔唔開心就會將自己反鎖喺洗手間，試過全日都唔出嚟。佢個洗手間入面有電話，不過就算阿媽打入去佢都唔聽，淨係肯聽嘉玲電話。有次偉仔又困自己入洗手間，屋企人勸極都唔聽，最後要急 call喺出面做緊嘢嘅嘉玲返屋企，喺廳打電話入洗手間，先成功叫佢出嚟。」
最近嘉玲忙完影展，終於的起心肝全力偉仔。嘉玲知道老公鍾意享受家庭生活，最近亦變得修心養性。知情者說：「偉仔唔想出到街俾記者追訪，所以返咗香港都唔露面。嘉玲為咗令偉仔開心番，呢排都冇出去蒲，唔使開工就留喺屋企睇書陪老公，兩公婆不時歎紅酒煮牛扒！」
活動後返歸陪偉仔
上周五（ 8日）嘉玲出席 SKII活動時，除公開話好掛住老公外，活動後更即時坐保母車返回山頂寓所偉仔。當晚兩人更在家中宴請朋友，現場所見偉仔心情大好，比嘉玲更活躍，還不時拿着紅酒杯穿梭客廳與飯廳，傾得興起又與友人舉杯暢飲。而嘉玲亦有和老公碰杯，得偉仔非常開心。
嘉玲同偉仔雨過天晴，應該飲得杯落，唔想偉仔再憂鬱，嘉玲除咗要戒蒲之外，仲要戒對富豪咁熱情！
修心玩微博
近日嘉玲為偉仔經常留家慰夫，更有閒情拍下窗外風景 upload上微博，還推薦禪修書《你是幸運的》俾微博啲 「童鞋」，非常深閨。
嘉玲緋聞多
內地影帝 胡軍
04年嘉玲與胡軍於上海拍攝內地電視劇《一江春水向東流》時被傳撻着。兩人收工後經常孖住撐枱腳兼直落夜蒲，還親暱到拖手攬腰毫無避忌。《壹週刊》圖片
台灣首富 郭台銘
07年嘉玲高調三拖台灣首富郭台銘，郭台銘亦直言對嘉玲認真，令偉仔嘉玲 18年情面臨考驗。幸好嘉玲最後迷途知返，重投偉仔懷抱，而郭台銘亦於 08年與跳舞老師曾馨瑩結婚。
台灣導演 鈕承澤
嘉玲與鈕承澤緋聞傳足 14年，每逢嘉玲赴台或鈕承澤到港，兩人一定見面。今年 4月兩人更不避嫌挽手出席志偉生日派對， 6月初嘉玲赴台拍廣告，亦與鈕承澤撐枱腳。《壹週刊》圖片
內地富豪 景百孚
今年 7月有周刊爆出嘉玲曾於去年 10月到青島出席樓盤慶典時，與該項目老闆、坐擁 160億身家嘅景百孚於夜店內親密合照。報道又指今年 6月初，嘉玲撇底停工留港嘅偉仔，飛往北京一連兩晚密會景百孚。
劉嘉玲梁朝偉冷戰兩個月 女方知錯關系破冰
劉嘉玲七月底被踢爆搭上有160億身家的內地富豪景百孚後，同老公梁朝偉再沒有一起現身。雖然事後梁朝偉開口撐劉嘉玲：“普通正常社交活動，我絕對相信劉嘉玲。”不過梁朝偉每次見記者都黑口黑面，還以到內地拍《一代宗師》爲借口，與劉嘉玲展開冷戰。
梁朝偉十分生氣，劉嘉玲最近也積極補救，除了修身養性留在家外，上周出席SKII活動還要親自開口說很挂念梁朝偉，有時間會到內地去探班。活動後劉嘉玲即時回家慰夫，請朋友到家裏開紅酒派對。難得老婆知錯，梁朝偉也終于消氣，兩人冷戰兩個月後終于破冰。
留言列表
