Android手機就聽得多，隨住人氣急升，除咗手機之外，亦開始在 Tablet上出現，最近就更進一步，上埋電腦身。東芝 Smartbook AC100就係首部 Android小筆電，有鍵盤可雙手打字外，屏幕仲由手機芒仔升級到 10.1"，睇得舒服啲，加上唔夠 1kg嘅重量，亦可以拎得輕鬆啲。記者：許福合攝影：伍慶泉Model： Jeana Ho@GME
五星級機型 放大圖片 
1.三隻手指托住，一樣輕鬆。
東芝將呢部 AC100叫做 Smartbook，顧名思義，就是打正旗號想將 Smartphone同 Netbook結合。 AC100外形認真唔錯，以黑色為主色，再加上勁搶眼嘅橙色線條做配襯，極有東瀛機風格，係近期新機比較少見。而且個芒由手機級芒仔升呢成電腦級 10.1"，但機身重量仍然 Keep到超輕身，只有 870g，試用時 Model Jeana三隻手指托住近 10分鐘，仍然輕鬆， No Problem！厚度都只係 14-21mm，配上碳纖維紋理，機面唔怕留手指模，外形可以畀 5星佢！
放大圖片 
2.機身有碳纖維紋理，唔怕留手指模。
放大圖片 
3.連 TouchPad同手枕位都有碳纖維紋理。
放大圖片 
4.有埋 HDMI，方便駁電視或投影機做 Presentation。
放大圖片 
5.又輕又薄，放得落手袋，行完街再開工。
雙核心速度爽快
留意，不要誤會 Smartbook係一部電話，佢係無電話功能，亦無 3G上網，偏向作為一部用 Android系統嘅電腦， UI介面同手機好相似，不過無 Touch芒下，操作就變成同傳統電腦一樣，主要靠鍵盤同 TouchPad。桌面亦如手機一樣，有五個頁面，可以自己安排設計，亦可以放置常用嘅 Widgets。系統並非視窗品牌，鍵盤上自然無咗「旗仔」掣，代替嘅係數個可以快速啟動軟件嘅快速鍵，亦留有搜索鍵，一按就可到 Google搵資料。不過用家最關心，可能都係效能表現，使用 NVIDIA Tegra 250 1GHz處理器，有雙核心架構，用起來比現時 Netbook更爽快，啟動軟件速度都算合格，試過播放高清影片，順暢度亦算滿意，但屏幕解像度只有 1,024× 600，使用《 Opera》睇中文字時，亦唔多靚，好彩電池可以玩到 8粒鐘，加上輕巧嘅機身，需要流動電腦工作嘅用家可以考慮。
放大圖片 
■按 Home鍵，可打開應用程式快捷鍵。
放大圖片 
Smartbook預載 Apps
玩完 Smartbook後，發現除咗無電話功能，亦唔見有 Google Maps、 Gmail同 Gtalk等 Google應用工具，甚至無埋 Android Market，需要用家自己下載安裝。取而代之係多個東芝自選軟件。
Toshiba Media Player 放大圖片 
可以播放音樂、相片同影片，另外亦支援 Feeds及伺服器串流播放，係一個萬能播放軟件。
Documents To Go 放大圖片 
係一個老牌文件工具，不但支援 Word、 Excel、 Powerpoint，連 PDF文件亦可通吃。
全屏幕播片 放大圖片 
播放影片時可以全屏幕欣賞，按一下 TouchPad會出現控制面板，影片播放亦算流暢。
Opera上網 放大圖片 
跟機會有埋 Opera瀏覽器，速度相當快，但中文字體唔多靚，亦未有安裝 Flash播放器。
Profile
處理器： NVIDIA Tegra 250 1GHz系統： Android 2.1重量： 870g內存： 16GB屏幕： 10.1" 1,024× 600記憶體： 512MB功能： HDMI輸出、 Wi-Fi、藍芽、 SD讀卡器體積： 262× 189.8× 14-21mm查詢：其士（ 2953 3555） 
留言列表
