北望神州 進軍日本林保怡寸無綫「好細㗎咋」
無綫台慶月是非多，本報日前獨家披露，林保怡未能憑他擔正的《九江十二坊》角逐視帝。林保怡昨日表示無所謂，更無暇接拍無誠意邀請他出演的《金枝慾孽 2》，並猛寸無綫不是獨大、惡晒，又說「世界好大，將軍澳好細㗎咋！」而保怡北望神州之外，更會進軍日本。
其他娛樂名人影片
林保怡昨日在銅鑼灣出席雜誌活動，提到無緣爭視帝，他即暗寸無綫：「一早就唔好擺我入去啦，畀我都係咁做，人不為己！其實冇所謂，唔會唔開心。我企得出嚟，要多謝 TVB，希望有更多同事可以企出嚟。」
放大圖片 
林保怡未能憑《九江十二坊》角逐視帝。 劇照
放大圖片 
有指馬德鐘將離開無綫，因此無緣憑《洪武三十二》爭視帝。
唔恨接拍《金枝 2》 放大圖片 
近日在微博呻拍劇辛苦的陳敏之，昨在活動中大騷長腿。
有指保怡會接拍無綫的《金枝慾孽 2》，但他踢爆 TVB從無人聯絡他：「冇人搵過我傾，只係當時樂小姐（樂易玲）提過一句，之後冇人跟進。」問保怡如 TVB現斟他拍，可會考慮？他即說：「唔好意思，冇時間！太遲喇！我工作排到明年。」保怡又指無其他無綫劇集找他開工：「我諗佢哋唔會搵我，唔好再講無綫喇，講番我自己。」之後保怡再暗寸 TVB不是大晒：「世界好大，你睇地圖，香港有幾大？其實將軍澳好細㗎咋！」他指現有多部內地劇洽談中，稍後更會乘着日本富士電視台播他的劇，努力學日文，進軍日本市場。
超儀爭做邦女呻慘
同場的何超儀早前有份面試演邦女郎，和舒淇、湯唯角逐，對此超儀說：「又話荷李活電影打入中國，點解好似選宮女？香港導演唔會咁選角，好無奈，好似見工。」另外，陳敏之昨到中環的藍牙耳機產品發佈會任嘉賓，敏之日前在微博說拍無綫劇《東西宮略》欠休息，並感壓力快爆煲，問她是否向無綫申訴？她說：「只係寫篇文章宣洩，唔係投訴。我身體唔好，每日拍十幾個鐘，扣埋化妝同車程，冇乜時間休息，比較辛苦，覺得好大壓力。」原先與敏之同場的馬德鐘因腸胃炎缺席，敏之說會問候他。對於盛傳將離開無綫的馬德鐘與今屆視帝無緣，敏之說不太清楚事件。採訪、攝影：譚倩宜、張俊銘 
昨日受訪時，林保怡勁寸無綫不是獨大，並預計無綫不會找他拍劇。
留言列表
