BMW 130iA　 M字辣裝 @ 明星靚相大分享☆

一般人由駕駛日本車提升至歐洲車，價錢低的入門車總是首選，不過價錢低不等於性能低！寶馬 1系中的 130iA，外形瀟灑，擁有 258匹馬力，代理最近更推出特別版，免費 Upgrade多款原屬 M-Sport車系的配件，既然睇得又劈得，自然成為想升 Grade的車主啦！記者：趙慧敏攝影：陳陶鈞Model： Wing@Puremodels

其他副刊影片反應快夾爽

唔好以為加料 130iA才有睇頭，其實就算係齋版都充滿驚喜，車櫳及中控台位置採用大量金屬物料作配飾，加上原裝配備的天窗，令車廂空間感大增。啱啱喺呢幾日颳起大風嘅時間試車，雖然車仔細細，但絕對稱得上是馬路小辣椒，無論係直路玩突然加速，又或者在空地玩吓迴旋 8字，用埋+/-波撥片，反應快夾爽，操控手到拿來，駕駛樂趣超晒班。我覺得絕不能視它為一般入門車，因為擁有 258匹馬力，峯值扭力 310Nm於 2,600轉已經開始釋出，由 0至 100km/h只需 6.3秒，諗住係新牌仔玩玩吓，似乎嘥料啲呢！

放大圖片

放大圖片
■軚環底部有 M字標誌，屬免費升級配件。

■軚環底部有 M字標誌，屬免費升級配件。

放大圖片
1.雙出式排氣喉，暴露出小辣椒的實力。

1.雙出式排氣喉，暴露出小辣椒的實力。

放大圖片
2.雙色設計的門邊側鏡，效果不俗。

2.雙色設計的門邊側鏡，效果不俗。

放大圖片
3. 17吋合金輪圈屬原裝配備。

3. 17吋合金輪圈屬原裝配備。

放大圖片
4.車尾兩旁微微外拋，感覺可愛。

4.車尾兩旁微微外拋，感覺可愛。

M-Sport配件加辣放大圖片
■門邊的金屬扶手，質素之高於入門版實屬少見。

■門邊的金屬扶手，質素之高於入門版實屬少見。

作為寶馬 1系車中高性能版本的 130iA，實力不容置疑，不過有實力之餘，外形都要襯到絕，雖然揭背式設計令車形略細，但擁有銳利的頭燈及骨線，感覺柔中見剛。如果想加重料，配上 M-Sport配件當然最理想，但要加大荷包負擔呢！不過今次代理賣大包，免費為 130iA裝身，仲推出優惠價，單是車價已平 5萬，如計埋 M-Sport配件，又真係好着數。事實上增加配件後，感覺確係猛料，駕駛座及前座乘客位都換上真皮 Sport Seat，雖然並非桶形跑車座椅，但承托力十足，兩邊微微包着上身，少了跑車椅的侷促感，但安全感依然畀到你。至於擁有多功能按鈕的 M-Sport軚環，底部更有 M字標誌，配埋+/-波撥片，駕駛樂趣自然再升級。

放大圖片
■換上 Sport Seat，坐住望天打卦都夠爽。