我當初都同你一樣：「$19中山一日團？車費都唔夠喎，係真唔係呀！」因為呢個不可思議的價錢，因為這個疑問，於是，本人同 model Cupid立即報名，卧底試團！記者、攝影：步驚驢模特兒： Cupid Pang@Heatz Model
見齊 3位贊助商3.5分 （ 5分為滿份） 放大圖片 
見團費$19就應該知道：此行背後一定有「老闆」，導遊亦樂於開門見山：「今日行程我哋有 3位贊助商，希望各位配合一下。」所謂贊助商，就是購物點，上午有賣田七的藥廠，飯後有賣蘆薈護理用品的大觀園。此行最抵讚是就算兩手甩甩步出「贊助商」亦無遇到黑面留難，團友唔落車一樣無問題（當然太多人留車內是會有問題）。最欣賞「贊助商 3號」水雲嶺，布依族導賞員「孻妹」操半鹹淡廣東話，推銷之餘還不時自踩產品兩腳，率直得令人聽到哭笑不得。
放大圖片 
■ 4D環幕電影，屏幕青了半邊，效果不濟。
放大圖片 
■雖然係素翅，都算魚翅撈飯。
放大圖片 
■雖然是山坡，但公園小徑幾好行。
放大圖片 
放大圖片 
■水雲嶺部份收益回饋雲南山區學童，消費滿 300人仔獲證書 1張。
放大圖片 
■聰明茶最啱女士，有龍眼果香與玫瑰香，消脂養顏，$178（ 200克）。
放大圖片 
■挽袋$83。
放大圖片 
■手作布袋$59。
實際費用結算
$19（團費）$22（保險費）$36（自費活動 1： 4D環幕電影）$59（自費活動 2：晚飯）$50（導遊服務費）$186（合計）
杜鵑園紀念公園二合一 4分 放大圖片 
■公園其實唔錯，可惜逗留時間短了一點。
論真正景點，全日行程只有一個：孫中山紀念公園。公園位於中山市中心，原名香山公園，事關中山本名香山，後來因孫中山才改名中山。公園地方大，環境優美，大片草地任踩，唔似香港的公園諸多規矩！有旅行社藉辛亥革命 100周年之名而來，我們則為入花叢！公園有一杜鵑園， 3月中打後漫山開遍杜鵑花，或紫或白或粉紅，離遠已覺壯觀，更修有石板步道在花叢中穿插，最啱龍友打龍啦！
自掏荷包加餸2分
行程單張大大隻字標榜「魚翅撈飯」，早知無咁大隻蛤乸隨街跳。午餐在雅居樂中心城會所餐廳，飯菜味道都算過得去，餸菜如單張上所列：金瓜蒸排骨、冬瓜燜水鴨、乳香吊燒雞……魚翅撈飯一樣有，不過團友一食就知：「素翅嚟嘅？」我倒沒所謂，反正食翅不道德！晚飯需自費，在中山一家農家菜館，有乳鴿、燒雞、地道蕉蕾湯，味道可以，但份量不夠，仲要自己掏荷包加餸！連肚皮都未能滿足，還要每人收 50幾蚊，實在有點那個。
放大圖片 
■蕉蕾湯你飲過未？
放大圖片 
■燒乳鴿每人分得一件，份量少啲喎！
不見惡阿珍逼購物
行程有兩項自費活動： 4D環幕影院及晚餐，兩者同樣在雅居樂中心城會所進行。會所影院細細， 30人仔睇一場 15分鐘戲，但弊在屏幕壞了半邊，影像唔立體，故事又欠吸引，但座椅動感十足搭夠。至於晚餐，導遊一出發已向各位徵詢意見，說是自願參與，但不參與者都要等別人食完才可返深圳，難免令人覺得「硬食」。不過，單論導遊，此行的小梅完全不是惡阿珍，全程有講有笑，絕無黑面，就算行公園時遲到了都無怨言，值得一讚。
放大圖片 
放大圖片 
■結果全團都選擇自費晚餐。
其他平團之選
團費$100以下的一天團選擇不多，但都有得揀：
$69北上摘莓 放大圖片 
不想賞花者可以選擇北上摘草莓，行程更有機會乘坐最新開通的廣珠城際鐵路體驗輕軌極速，包午、晚兩餐。
廣東士多啤梨團團費：每位$69起查詢： 2155 8668（信成假期）
深圳大食團 放大圖片 
景點無興趣？食有啦啩！「深圳大良美食感受」團包食「秘製粥底火鍋宴」及「片皮鴨滋味宴」兩餐，兼遊深圳市立博物館及沃爾瑪超市。
「深圳大良美食感受」團團費：原價$99起，會員價$79查詢： 2332 0583（潮遊假期）
尋找孫中山 放大圖片 
嫌前述於孫中山紀念公園逗留時間太短，可以揀呢個「尋找偉人足迹」團，逛公園外兼遊孫中山故居、中山紀念堂、黃埔軍校等。
「尋找偉人足迹」團團費：$99起查詢： 2853 9299（中國旅行社）
放大圖片 
第三版人民幣一元發行於六、七十年代，圖中是工作中的女拖拉機手，充份代表當時最主流的勞動階層，至九十年代初仍有流通。由於具時代意義，在國內特別具有炒賣價值。
Travel Memo 放大圖片 
香港居民必須持有效回鄉證或卡。中國旅行社： 2853 3533中山「杜鵑」花海世界 1天團，行程包括孫中山紀念公園、魚翅撈飯宴、 4D環幕電影（自費），團費每位$19起。查詢： 2722 2888（新華旅行社）220V，兩扁腳插座100人民幣約兌 118.75港元（文中價錢已折算港元）
下周多雲， 14至 22℃
放大圖片 
放大圖片 
留言列表
