"上週三（十日）， Sammi專程飛往北京宣傳新廣告，但因為回鄉證過期，記者會要由下午三時延遲至晚上七時。"
探熱針
半年吸金 1億 Sammi渣甸山再入貨
2010年03月18日
去年底全面復出的鄭秀文（ Sammi）愈戰愈勇，十場演唱會爆滿，新書新碟賣到滿堂紅，人氣高企，廣告電影合約不斷送上門。繼早前~H2O+廣告後， Sammi再以天價二千萬接了一個大陸化妝品廣告，半年內瘋狂掘金，保守估計已袋過億。
據知，近年熱愛投資物業的 Sammi，已打算在今年內再度入市，頻於渣甸山一帶，搵保值姑婆屋。
千嬅跌錢
Sammi強勢回歸樂壇，去年底十場演唱會掀起一陣撲飛熱潮，歌酬已升呢至一百萬一場的她輕易穩袋一千萬。推出的福音大碟《 Faith》賣過十萬張，又出書做才女，新書《值得》更加印至第九版。上月推出的演唱會 DVD首批訂單亦達五萬張，其後再加印三萬，吸金力相當驚人。
另方面， Sammi繼早前以一千五百萬成為~H2O+代言人，近日再下一城，成功以二千萬的天價接拍大陸品牌冰美人化妝品廣告。據知，該廣告商原本屬意楊千嬅，但因千嬅跟 Shiseido有合約在身，廣告商於是轉斟 Sammi，甚至再加碼五百萬酬勞，結果以二千萬拍板。
「個廣告原本開價千五萬搵千嬅，但千嬅有合約喺身接唔到。之後佢哋轉搵 Sammi，仲自動加多五百萬，見對方咁有誠意， Sammi好快就答應。個廣告本來喺廣州拍，但佢哋為咗就 Sammi，成隊 crew搬嚟香港拍，化妝、 set頭全部用番 Sammi嘅班底。」知情者透露。
大鑊！跌咗成層樓！（設計對白）
Sammi到北京出席化妝品廣告晚會後，翌日匆匆回港，準備為 Big 4演唱會做嘉賓。
廣告商為配合 Sammi，拉隊由廣州移師到香港為她拍攝新一輯硬照。
再買姑婆屋
這陣子， Sammi除了籌備巡迴演唱會，更一口氣接了兩部片約。
「除咗《麼麼茶》續集，佢仲接咗杜 sir套戲，九月會同劉華去東京拍，雖然 Sammi而家開到七百萬一套戲，但都仲有好多劇本送上門。」
搵到錢，仲識錢滾錢。投資有道的 Sammi於去年以二七八○萬分別購入嘉雲臺及蔚皇居兩個單位，如今兩個單位同時升值，賬面賺一○二八萬。有見及此， Sammi決定再出擊，於渣甸山一帶搵樓買。
「 Sammi鍾意渣甸山嗰帶，因為屋企人全部都住喺附近，佢今年搵咗咁多錢，咪諗住買樓，揸磚頭保值囉，總之睇啱就買。」
Sammi帶病到紅館欣賞 Big 4演唱會，更獲老闆林建岳親自扶進場， Sammi會生金蛋，林老闆當然錫住。
為慶祝新碟銷量火速達十五萬張， Sammi上月舉行簽唱會，其間唱片公司更頒發五白金唱片給她。
Sammi以千五萬的酬勞，取代謝安琪成為~H2O+代言人。
賺到笑
近半年， Sammi密做密賺，短短半年已賺過億，唔只有市，仲有價，難怪 Sammi成日「四萬」咁口！
《 Faith》專輯× 10萬張︰ 200萬
《值得》新書× 15,000本︰ 45萬
Love Mi演唱會（香港站）× 10場︰ 1,000萬
巡迴演唱會× 15場︰ 1,500萬
澳門音樂會︰ 150萬
~H2O+廣告︰ 1,500萬
冰美人化妝品廣告︰ 2,000萬
演唱會 DVD× 8萬張︰ 100萬
電影× 2︰ 1,400萬
大陸洗頭水廣告︰ 1,200萬
嘉雲臺︰ 1,680萬（ 09年）
現市值︰ 2,280萬
賬面賺︰ 660萬
蔚皇居︰ 1,080萬（ 09年）
現市值︰ 1,628萬
賬面賺︰ 548萬
共賺︰ 1億 303萬
《 Faith》專輯
《值得》新書
大陸洗頭水廣告
蔚皇居
留言列表
