巴士阿叔陳乙東又蒲頭，佢一方面諗住參加補選變相公投，另一方面卻申請司法覆核，指公投違反《基本法》。佢噚日喺 facebook貼咗張表格連付款收條，證明自己堅畀 1,045蚊申請司法覆核，巴士阿叔矛頭直指陳淑莊同余若薇，指兩人喺港島區執行非法公投，唔知阿叔係咪想喺港島區出戰？

申請司法覆核

阿叔份狀詞有一番愛國偉論，讚揚中共係全世界民主最前線，人大政協以民為本云云；再分析公投違反三法：一違《基本法》，二違《公安條例》，三違《國家分裂法》。佢聲言司法覆核只係挑戰公、社兩黨嘅第一步，稍後會報警舉報公投運動嘅起義同解放香港等口號「語帶血腥」，煽動社會安定，仲會告「御狀」，喺內地法院提出訴訟。陳淑莊不評論司法覆核勝算，但相信阿叔要攞到法援，先有機會上到 court。佢重申變相公投運動合法合憲，「唔知佢講緊邊個公投。」又話冇有怕，歡迎阿叔參戰。


若然中聯辦唔想公投成事，可能要搵人勸退埋巴士阿叔。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄