人在東京，黎姿眼鏡、口罩無晒、不過全日堅持用頸巾遮肚。在 Conrad high-tea完，孖住老公馬廷強候車離開。"
探熱針
老公揸手袋 大肚黎姿日本慶功
2010年03月18日
黎姿婚後為求幫老公馬廷強盡快繼後香燈，插隊搵生仔聖手何永超幫手外，又順從老公意思，改名黎珈而催運生仔。由於年屆三十九歲高齡，要有唔係話咁易，去年十月初，黎姿接受專業建議，進行人工受孕，可惜未能一舉成功。
求子心切，黎姿再接再厲，終於十月底宣告成功，懷有孖胎。
喜訊得來不易，黎姿不單止多月來足不出戶安胎，連今年初的結婚周年紀念都無「大搞」，只與自己人食飯慶祝。上週（三月十日），懷有五個月雙胞胎的黎姿終於出動，同富商老公到東京補祝結婚周年紀念，雖然離開娛樂圈多時，又粗身大細，但黎姿仍全程高度戒備，一發現記者的蹤影，即左閃右避，五日五夜（連返香港當晚）同記者玩捉迷藏，勞心勞力，不外是唔想行動不便的老公曝光。
兩次人工受孕
○九年初，黎姿下嫁富商馬廷強後，一直全力造人。一方面靠關係插隊睇陳慧琳、吳君如搵開的生仔聖手何永超，另一方面又睇中醫李國勝調理身體。雙管齊下一直無起色，去年十月初，黎姿決定接受人工受孕。以為一擊即中，不過經檢查後，證實空歡喜一場。「嗰陣 GiGi都以為自己中咗（有喜），一度好開心，後來醫生話唔成功，兩公婆都好失望。」黎姿的好友透露。
第二次人工受孕，醫生植入的兩個胚胎都成功受孕，黎姿證實懷有孖胎，為怕胎兒小器，除向至親報喜，黎姿對有咗一事守口如瓶，並大部分時間留在家中安胎。連今年初的結婚一周年紀念，老公為怕老婆應酬操勞，決定一切從簡，同親人食飯當慶祝。
直至三月初， GiGi才透過好友無綫製作資源部總監樂易玲，公告懷孕的消息：「以我所知，佢啱啱穩定，過咗小器期（三個月），依家好好，個肚微微凸啫，唔係好大。」
雖然陀孖胎個肚會比一般孕婦大，不過黎姿為免生仔被追訪，所以她對外稱懷孕三個月，但實質至今已懷胎五個月。
10/3
出發飛東京當晚，黎姿戴晒口罩眼鏡，高度戒備，老公馬廷強獲航空公司安排坐上輪椅後，示意粗身大細的老婆將手袋交由他揸住，相當細心。
補祝結婚一周年
閉關多個月，胎兒逐漸穩定，上週三（十日）凌晨，黎姿同老公馬廷強雙雙離港，到東京展開為期五日四夜的補祝結婚周年之旅。晚上十二時，著住羽絨褸，戴晒口罩的黎姿同老公現身香港機場，兩人先到航空公司櫃枱 check-in，職員安排輪椅給行動不便的馬廷強，細心的馬廷強隨即示意老婆將 Hermes手袋交由自己揸住，並在職員的陪同下辦理離港手續。
週五（十二日）下午二時，黎姿同老公離開半島酒店，到附近銀座一間高級日本料理醫肚。離開香港，黎姿的戒心明顯減弱，口罩眼鏡全部收埋，素臉示人的大肚婆，與退出娛樂圈前一樣省鏡，面上未見孕婦的腫脹。個多小時後，五個月身孕的黎姿健步如飛，先行離開打電話通知司機接送，兩人乘坐七人車到附近的化妝品店購物，黎姿自行下車，由於室內有暖氣，在店內左試右試的她忍唔住除低外衣，腰粗粗外，即使用長披肩遮遮掩掩，五個月脹卜卜肚皮仍隱約可見。
快速購物十五分鐘，黎姿滿載而歸，會合在車上等候的老公，再轉往 Conrad飲 tea。
黎姿除低大褸在銀座商店血拼，五個月脹卜卜的肚皮，隱約可見。
黎姿單拖到專售高檔護膚品的店鋪左試右試，不消十五分鐘，滿載而歸，由店員親自護送離開。
下午二時，黎姿夫婦到銀座食日本料理，個多小時後，五個月身孕的黎姿率先離開， call定車等老公慢慢行出來。
高速兜圈撇記者
翌日（十三日）中午時分，黎姿同老公離開酒店，一出門口，左右的黎姿已懷疑有記者，於是吩咐司機開車兜圈測試，再高速撇甩跟蹤。晚上六時，二人返回酒店，十五分鐘後，馬廷強在酒店大堂巡視一番，然後獨自乘七人車離開，黎姿未有再次外出。
知道被追踪後，黎姿週日（十四日）刻意不再用連日來接載她往返的七人車，改乘由酒店提供的寶馬前往機場。
晚上七時，戴住口罩、眼鏡，一身輕裝打扮的黎姿抵達羽田機場，佗住孖 B的她一落車就進行三百六十度環迴檢測，確定未有記者的蹤影，才讓老公落車，交由地勤人員照顧，她則負責辦理登機手續。入閘前，黎姿再次發現記者，唔多想大肚 look曝光的黎姿於是撇低老公，九秒九行入禁區。
13/3
一切以老公為先的黎姿，先讓行動不便的馬廷強（圓圈）上車，望住對方，不期然流露甜到漏的笑容。
中午同老公離開酒店，黎姿懷疑有記者，即時吩咐司機兜圈兼高速撇甩跟蹤。
14/3
離開東京，黎姿戴番口罩、眼鏡，並指示職員為老公安排輪椅登機。
冇有怕
唔少人也喜歡大住肚周圍飛，但據香港科技普及協會主席曹宏威博士稱，懷孕三個月前，最好避免搭飛機，以免過量輻射會破壞胎兒細胞。而一般航空公司，亦只接受懷孕三十六週以前的孕婦上機。
東京血拼
行踪神秘的盧淑儀不改每年與克勤到日本東京 shopping的習慣，在○七年七月挺着五個月肚，擔埋櫈仔行吓坐下，與老公血拼。
大肚拍戲
○六年袁詠儀大肚接拍爾冬陞電影《門徒》，其中有不少鬧交及激動痛哭鏡頭，靚靚唔怕動胎氣。同年八月更挺着七個多月肚到泰國拍戲，劇組人員、對手劉華及導演等全面戒備。
環遊五地
奉女成婚的徐淑敏（ Suki），去年十一月，大住五個月肚，與老公黃浩展開三星期蜜月之旅，到澳洲、星馬、馬爾代夫及日本五地旅行。以防萬一， Suki帶備大量藥物傍身。
驚險「滑雪」
千億新抱徐子淇誕下大女李晞彤後，去年初再度有喜，懷有五個月身孕的她，於農曆年期間與一家三口及雙親到日本北海道旅行。徐子淇唔怕跣親，跟隨家人到滑雪場陪玩。
留言列表
