旅行旅遊烏干達全城喫 o靚模臂蕉　最惡河馬太－明星靚相大分享☆

烏干達的旅遊業只開放了幾年，純樸的人們只來得及見到旅客就跑出來揮手，也來不及將長頸鹿斑馬羚羊獵豹都劏給你試味。人家可由國家保護，全線下令不准再食野味。於是總覺得「全非洲鬧飢荒」的團友們帶的杯麪餅乾零食塞爆幾個篋，慌餓死。「唔係食乜啫！」團友 A好慌。導遊：「食蕉啦！」記者、攝影：陳慧敏鳴謝：烏干達領事館、金怡假期

河馬村　阿肥放大圖片

全非洲我們河馬最惡，大肚河馬直頭戰神再生！我剛生了金叵羅，要匿埋湊大牠！那邊有個大肚姐妹，見到你甚至會突然追着你的船趕你走！你去那邊找大夥玩啦，十多廿隻有排你影！走走走！

鱷魚吧　阿噩放大圖片

我們 Nile Crocodile是世界最大的鱷魚，最長達六米！成日同河馬為伍。打架？不啦，佢一口就咬斷我。我們常約 friend去瀑布私竇吹水打躉，那邊有好多想爬上瀑布但被撞暈的魚仔飄來，擘開口就有得食。

獅家大草原　懵丙放大圖片

不會吧，你們 10點幾才到，我 5點半吃飽要睡啦，影飽好走啦！我知後面有隻羚羊……但我飽了，又無雪櫃，我又不似河馬太般狂躁，明朝再捉啦。

最大國家公園放大圖片
■有 20年 safari經驗，找動物快過公園 ranger。

■有 20年 safari經驗，找動物快過公園 ranger。

烏干達有幾個國家公園，有號稱非洲最美的 Rwenzori，最大的是 Murchison Falls，有個氣勢澎湃的 Murchison瀑布，面積 3,877平方公里；第二大是 Queen Elizabeth（ 2,056平方公里）是旅客勝地，二者分別有三個半同兩個香港般大。即是你由上水剷到去西貢，或坐天星小輪過海，周圍都住滿河馬鱷魚同獅子。還可以乘船遊河，在成堆河馬及鱷魚之間穿梭。牠們對還不太多的旅客都好少理，大家眼睥睥互望一輪相安無事過日辰。

阿凡達眼尋獸放大圖片

我們的司機 Kato， 44歲，阿凡達大眼，睫毛長又彎，勁過剛電完 3D睫毛。國家公園的路崎嶇，隨時掉一個碌落泥氹就要等人救。但「專心」駕駛的他總可以「抽空」瞥見河邊草堆中一隻小蜥蜴，或樹上獵豹食剩的殘鹿頭。 Kato說，要做 Safari千里眼都有點秘技：1.小鹿話你知：小鹿羚羊忽然四散，或者你大剌剌出現都不管你，統統向某個方向高度戒備，那邊一定有啲嘢！2.特定地頭：動物走來走去，但總有喜好地盤同生活習慣。例如晨早 5點出發，有機會看到獅子一家開餐。 10點過後，大抵都收工瞓覺，易搵，但冇嘢睇。3.屎屎同腳印：這個最簡單，看地上動物腳印同屎屎搵蹤影，但我就常把花花形的河馬腳印當做獵豹腳印。屎屎嘛，濕濕啡黃的當然新鮮，黑黑的多數擺了幾個鐘。4.問現場朋友：草原上，來自全球的旅客目標一致尋動物，路過講起「我見到啲乜」，交換情報好方便！

放大圖片
■屎屎新鮮熱辣，就知動物在附近！

■屎屎新鮮熱辣，就知動物在附近！

放大圖片
■保護區內還有個原住民小村莊，像在動物帝國圈了一個人類保護區。村民都穿得色彩繽紛。

■保護區內還有個原住民小村莊，像在動物帝國圈了一個人類保護區。村民都穿得色彩繽紛。

煎炸烘燒尼羅河貓魚放大圖片
■更多的是這些黃色雀仔，總虎視住你食剩的麪包。

■更多的是這些黃色雀仔，總虎視住你食剩的麪包。

烏干達產蕉量可謂非洲之冠，成個山頭溝谷的蕉林，入城個個都頂住半個人高的一大串，隻隻 o靚模手臂般的綠色香蕉上路，但是食蕉送魚，唔係啩！這裏的主食是「蕉飯」 Matuke。就是將那又硬又生的綠色香蕉蒸熟壓成茸，發酵，加入紅豆、花生、牛肉粒，弄成像薯茸般的一團，食落真係似薯茸，但甜一點，且濃縮度高，食兩啖就好滯，烏干達國宴都係食佢。烏干達是尼羅河源頭，街市大中細鹹魚，統統都是尼羅河裏的 Tilapia，大抵即我們的鯇魚、鯪魚，然後就是長得像塘虱的貓魚 Catfish。煮法煎烘燒任擇，香脆又乾硬，食完兩日上顎甩皮。「蒸得唔得呀？」團友 A嘴歪隨口噏。「得！」隔天幾條蒸 Tilapia上桌，雖無醬油但鮮嫩香滑又大條。其實這裏有好多印度同歐洲人來投資，餐餐印度菜或世界大同式豬牛羊雞扒 BBQ自助餐，飽過喺香港。

放大圖片
■主菜魚可煎炸燒熏，配上不同醬汁，各有特色；右邊一團黃色的就是烏干達美食蕉飯。