【志雲難局之各有所圖】錢國偉和陳志雲近日被廉署調查，曾受陳總力撐的錢國偉是當紅製作人，一直因利成便認識了不少新女及 o靚模，原來他去年更有意力捧美少女開戲，實行進軍電影圈，前晚羽翹自爆是被邀之一，但最後電影終開不成，令她大失所望。
現年 43歲的無綫監製錢國偉近日與無綫業務總經理陳志雲等人因貪污事件被廉署拘捕，在無綫工作 27年的錢國偉一直有陳總撐腰，所以不時有機會製作大型的綜藝節目，又有製作演唱會等，加上曾捧紅不少新女、 o靚模，故一向有不少靚女埋身。不過原來錢國偉去年曾將其識新女版圖擴大，計劃進軍電影圈，力捧更多新女。
大讚正直唔多手 放大圖片 
Freeze前晚不願多談錢國偉的事，但她們和錢國偉曾拍下親密合照。 資料圖片
前晚羽翹到太古城出席新片《阿牛》的首映禮，她自爆錢國偉曾力邀她做新片的女主角，她說：「前排佢喺 fashion show上話想搵幾個後生女仔開電影，佢做導演，自己因為同佢冇合作過，所以都想合作，係出面嘅電影，唔係 TVB，當時我好期待，同佢 contact都係問電影進度點，後尾聽蕭生（蕭定一）講先知開唔成，係舊年年尾發生。」羽翹更大讚錢國偉非如外界所指一樣是風流監製，並指他為人正直，對她及 Freeze都從沒毛手毛腳。至於曾與陶喆傳緋聞、與錢國偉稔熟的岑潔儀（ Zoey）前晚也在場，她力撐錢國偉說：「佢係我好朋友，亦都係帶我入行嘅恩師，喺呢啲環境乜都會支持，要借錢都借錢，兩肋插刀，我相信佢完全冇咁嘅事情發生，做朋友立場我係好 support，總之希望佢開心同唔好咁大壓力，希望佢哋都冇事啦。」此外， Freeze去年有份為《翡翠歌星賀台慶》演出，至於是否需要到廉署助查時， Freeze就說：「唔太關事，我哋唔係藝員，只係合約歌手，應該唔會太牽涉，但我哋都願協助。」採訪、攝影：溫敏芝
全城熱話森美：唔知自己係邊黨
陳志雲涉嫌的貪污事件牽連甚廣，據知已有不少無綫幕後和藝人接受問話助查，「威遠」行動依然全城關注，成為藝人熱門話題。
森美： 放大圖片 
我有 send SMS畀陳生，佢助手阿 Ed（叢培崑）有試過搵我做嘢，不過傾完價錢之後冇下文。好多人都問我係邊黨，但係我自己都唔知，有啲報道又話係，有啲又話唔係，所以都唔知點去分。
徐子珊：會送碟送戲票 放大圖片 
暫時未有人通知我要去廉署，我哋一向都無分黨派，大家都係 TVB嘅藝人，我冇試過送袋畀高層，最多都係送新碟同埋戲票畀佢哋。舊年我冇去樂小姐生日會，但係我唔記得送乜嘢禮物畀佢。
陳自瑤：視錢為師傅 放大圖片 
我有 send過短訊畀 Wilson（錢國偉），佢都有覆番我講多謝，我一直都當佢係恩師同師傅，希望佢冇事。
葉翠翠：冇聽過送禮 放大圖片 
希望大家唔好有太多傳言，呢件事已經越寫越失實，我唔會有任何意見。我冇聽過有港姐送禮物畀女高層，我唔會理呢啲報道。
高海寧：感激機會 放大圖片 
我嗰屆港姐係 Wilson做監製，我哋一直都有合作，好多謝佢畀咁多機會，不過因為我好少去夜街，所以私下好少同佢見面，家件事仲係調查緊，冇需要劃清界線。
楊思琦：送禮只係心意 放大圖片 
對公司新聞冇意見，總之都係公司員工，冇分黨派，呢個敏感時候唔想越描越黑。送禮只係心意，我有去過生日會，但睇唔到人哋送乜。
官恩娜：同錢國偉好熟 放大圖片 
我冇去澳門嘅歌星賀台慶，都冇同思潮合作， ICAC冇搵我問話。不過我同錢國偉就熟，成日上佢節目，佢好 nice，畀好多機會我。
廖碧兒：我冇送過袋 放大圖片 
我好少返 TVB拍劇，但冇留意 TVB嘅事， ICAC冇搵我喎，我冇送過袋。我都冇打畀陳志雲，希望佢順順利利啦，我會為佢祈禱。 
穿上低胸裝的羽翹自爆獲錢國偉邀請拍戲。
留言列表
