被捕前，叢培崑得陳總欽點陪遊日本過情人節，被最愛迷得失魂落魄的他，未料到因對方一鋪清袋。
為與叢培崑鬥爭陳志雲，寧進去年初便整容割眼，將原本的死魚眼整大。
十年情舊愛
事業得意，陳志雲的愛情生活亦同樣精采，除了同時在今次廉署行動中，被拘捕的密友助手叢培崑及藝人寧進外，陳總還有一個，早於十年前任職政府部門時結識的密友 Jacky。
「未入無綫同商台前，陳總喺香港影視及娛樂事務管理處做助理處長，嗰時佢識咗 Jacky，兩個好啱 key，經常秤不離砣！直至阿 Edth（叢培崑）同寧進介入，呢三年嚟，佢同 Jacky嘅感情已經淡晒， Jacky雖然仲喺陳總屋企瞓同食，但大家已經無『心事』傾。」
口甜舌滑的叢培崑，三年間將陳志雲完全俘虜，就連本是他同學，亦是「媒人」的寧進，近年亦被阿 Edth排擠，逼入冷宮。
「○七年陳總接刀片恐嚇，要請兩個助手貼身跟住，寧進就介紹咗阿 Edth俾佢識，一埋身，阿 Edth已經氹得老細陀陀擰，為咗搏陳總加分，狂睇哲學書，又喺 Facebook度晒有文化，仲扮晒由直變攣；前年阿 Edth仲搬埋入屋，陳總專登裝修一間房俾佢住， Jacky就住另一間房。不過，近年就算 Jacky喺屋企食飯，陳總都只係顧住阿 Edth，兩個成對連體嬰咁， Jacky睇見都好心噏，但又唔捨得搬走！」
○七年，陳志雲接刀片恐嚇，叢培崑在寧進介紹下，開始擔任陳總助手，之後扶搖直上，更令陳總踏上不歸路。（《蘋果日報》圖片）
去年初，陳總與助手叢培崑一同看「左麟右李」演唱會，通常助手只會被安排企側邊，但叢培崑卻有幸被安排坐陳總身旁，地位與眾不同。（《忽然 1周》圖片）
寧進及孫慧雪齊得陳總關照擔任《志雲飯局》傳菜助手，二人更經常結伴夜蒲。
陳志雲位於亞皆老街的愛巢，共設計了三間房，除陳總自己，兩間分別為叢培崑及 Jacky。
日本過情人節
現年二十八歲，身高六呎二的叢培崑，靠後生好樣識氹，成功將年屆四十多的 Jacky砌低外，亦嚴防其他猛男埋陳總身。
「阿 Edth上晒位，陳總去邊都帶住佢，寧進好唔開心，佢不停同朋友呻，話阿 Edth反骨，好有心計，信錯佢。不過，陳總俾佢迷到暈酡酡，舊年一月，已經幫阿 Edth喺富豪酒店大搞生日會，仲請咗幾間澳門賭廳嘅猛人出席，介紹有錢人俾佢識，搭定路！」
不甘被冷落的寧進，為了爭寵，除了借酒消愁，更於去年初割眼整容。
「佢割大咗對眼後，又扮慘話陳總錫晒阿 Edth，陳總就氹佢話：『我邊個都錫，你唔好亂諗嘢！』」為咗安撫寧進，陳總於是將寧進加入阿 Edth做董事嘅「思潮」任股東。
三男爭志雲，但叢培崑始終係最後勝利。今年一月陳總斥資五百多萬，在何文田買了一個單位給叢培崑父母，二人感情關係更加不可分割；而農曆年期間，阿 Edth更以勝利者姿態，與陳志雲到日本過情人節。但不足一個月，這對同命「鴛鴦」同於三月十一日被廉署拘捕。
被拘捕四十小時後離開廉署的陳志雲，戴住與叢培崑早前出席叱咤頒獎禮的同款 Crome Heart Cap帽，親密關係不言而喻。
留言列表
