壹週刊 1031期玩厭郭晶晶　霍啟剛悔婚 @ 明星靚相大分享☆

一心諗住嫁硬入霍家的郭晶晶，原本已計劃好退休，但如今男友悔婚，可能仍要繼續跳。"
娛頭
玩厭郭晶晶　霍啟剛悔婚
2009年12月10日
中國跳水皇后郭晶晶十二月九日跟隨國家跳水隊來港，參加東亞運動會，而身為香港奧委會主席的霍震霆，日前被問到兒子霍啟剛與郭晶晶的婚期時，一時口快快表示：「過咗東亞運動會！」結果引來全國大事報導，指郭晶晶跳完東亞運動會後，會嫁入霍家。
不過郭晶晶要嫁入豪門絕非易事，初期霍啟剛的確經常將結婚兩字掛在口邊，但拍拖五年，無新鮮感可言到漸漸開始覺得玩厭，兩人感情在近半年更迅速轉淡；霍公子更不甘苦悶，經常丟低女友四出喪蒲嗒女，對當年曾經向郭晶晶許下承諾，全部推翻。
上年求婚
去年郭晶晶在北京奧運連奪兩金牌，男友霍啟剛為她舉辦百萬慶祝會，更求婚成功，原定在今年結婚，她更收了霍家所贈送一幢價值三千萬人民幣別墅。
以為坐定粒六可以嫁入霍家做豪門少奶奶，點知霍啟剛臨時縮沙，求完婚之後，再沒有下文。
「 Kenneth（霍啟剛）當時見氣氛咁高興，情到濃時咪向晶晶求婚，但係講完之後，佢先冷靜落嚟好認真咁諗，佢覺得自己未 ready好，無理由為咗一棵樹放棄整個森林，佢根本就未玩夠，所以都後悔講咗娶晶晶，唯有唔再出聲提結婚，扮失憶囉！」霍啟剛身邊人說。
霍啟剛唔出聲，恨嫁的郭晶晶在這段時間就多次向男友逼婚，追問霍啟剛幾時先肯娶她，但眼見男友一味靠拖，遲遲唔肯落實婚期，郭晶晶開始對霍啟剛有不滿，兩人更經常為此吵大鑊。

3/12
近期喪蒲溝女的霍啟剛，上星期三就斷正與一名低胸艷女出現蘭桂坊。

發現有記者，霍啟剛好似身有屎，極速上的士逃走。

十月郭晶晶與一名中年男士毫不避忌當街 goodbye kiss。

霍啟剛減少北上陪伴，郭晶晶唯有搵另一個高大壯男陪行街。

去年郭晶晶在奧運跳水奪得金牌，由霍老爺親自頒獎。

霍震霆被問到阿仔婚期，只係講咗一句：「過咗東亞運動會先。」令到全國報導郭晶晶與霍啟剛已落實婚期。

減少見面
以往霍啟剛每個月幾乎有一半時間留在北京陪郭晶晶，或者陪她到其他地方參加比賽，但近半年兩人的感情急轉直下，見面次數大幅減少，甚至一個月都未必會見一次。
「其實 Kenneth同晶晶都拍咗成五年拖，以 Kenneth嘅花弗性格，要佢對住一條女咁耐，佢一定頂唔順覺得悶，同埋佢都呻過同晶晶拍拖好悶，佢成日要去訓練，只係間唔中先會去唱吓 K，個人又冇乜情趣，日子耐咗咪覺得同佢玩厭晒，冇晒激情。」霍啟剛身邊人說。

霍啟剛出席博鰲青年論壇時，被記者問到是否快將同郭晶晶結婚，他只說：「呢啲嘢我唔講。」之後即轉身離開。

7/12
完成論壇，霍啟剛與一大班人去到皇朝會食晚飯。

5/12
近日霍啟剛頻頻出席東亞運動會賽事，上星期六就去欣賞小輪車男子精英賽。

霍震霆與朱玲玲都有幫口，希望阿仔可以娶郭晶晶做霍家新抱。

老蘭溝女

去年霍啟剛與郭晶晶（箭咀）在北京唱 K，兩人在店外鬧交。

由於減少到北京交人，加上鍾意追求新鮮同刺激，這段時間，霍啟剛亦四出溝女。上週四（三日），霍啟剛便出動到中環蘭桂坊，玩到凌晨兩點鐘，一身酒氣，腳步浮浮離開，同行並有一位長頭髮、好樣、身穿低胸裙索女。雖然飲咗酒，但霍啟剛在街上依然充滿警覺性，全程用手掩住自己半邊面，慎防有人認出，但又忍唔住不時眼金金望住身邊女伴。
原打算與女伴同車走，但霍啟剛忽然發現有記者影相，於是慌張丟低女伴，自己急急腳上的士離開。
近期頻頻出動夜蒲的霍啟剛，早前便被人目擊他與一些沒有知名度 model玩得好埋，為了分散注意力及不被傳媒發現，他更經常與幾名男性朋友到澳門尋開心。
各有各玩
至於郭晶晶明知嫁入豪門機會渺茫，加上同男友聚少離多，近幾個月亦頻頻約會其他異性，今年七月，她就與一名高大壯男齊齊 shopping，之後又被影到與一名男士在街頭公開親熱，「社交」生活同樣多姿多采。
眼見兒子同郭晶晶面臨分手邊緣，據知霍震霆同朱玲玲都有幫口，但又擔心勉強二人結婚，隨時離婚收場，故對二人婚事，亦抱觀望態度，但就叮囑他們要小心處理，以免因為同國寶的感情事，影響霍家與有關方面的關係。

去年 10月，霍啟剛到北京陪郭晶晶放假，其間更做埋外賣仔，為晶晶送外賣，管接管送。

「霍家公子」個個係追女高手，二公仔霍啟山更出名爛蒲，仲經常介紹女仔給霍啟剛認識。

霍啟剛與郭晶晶熱戀時期，經常做「跟得男友」，跟隨晶晶出戰各大小運動會，仲帶埋相機拍下女友英姿。

五年情
○四年，郭晶晶與田亮分手，開始與霍啟剛交往，霍公子更為對方與當時女友盧恬兒分手。一個月後，二人被拍到在上海「 97吧」房內談心，「剛晶戀」正式曝光。
因郭晶晶長期在北京受訓，二人聚少離多。○六年，雙方先後傳出有第三者，有傳霍啟剛翻嗒前女友盧恬兒，而郭晶晶則被傳與跳水戰友胡佳關係密切，之後又傳霍啟剛跟三線藝員李綺雯在蘭桂坊狂歡，「剛晶戀」亮起紅燈。
二人冷戰多月後，郭晶晶參加多哈亞運，霍啟剛做「跟得男友」，帶埋 DV出席跳水比賽，二人更穿上阿拉伯情侶裝拍照留念。○八年，北京奧運後，霍家總動員到場打氣，有傳郭晶晶亦準備退役，於○九年下嫁霍啟剛，並先後收取霍家贈送三個物業。