明星靚相大分享☆

已懷有四個月身孕嘅陳慧琳（ Kelly）前日以代言人身份去咗廣州出席名錶發佈會，雖然着咗黑色連身裙同大外套遮掩，但都見到腹部微隆， Kelly日前已經公佈呢胎依然係男仔，仲改定乳名「小龍包」。Kelly話陀呢胎比之前兩胎緊張同有壓力，有時得閒喺屋企好容易會胡思亂想，個肺又俾個胎頂住，有時唱歌會喘氣，大仔劉昇家仲未知做咗哥哥， Kelly解釋：「等到有一日阿仔發現我個肚唔同咗，至同佢講乜嘢一回事。」

放大圖片

陳慧琳陀住 B仔去廣州出席代言活動。

放大圖片

陳慧琳話唔會逼劉昇入名校，最緊要佢學得開心就得。資料圖片

劉昇愛返學

Kelly教仔自有一套，佢唔重視囝囝係咪天才資優，只會重視學習過程開心，做個平凡人，過一般生活都冇所謂，佢講：「一個細路仔有毅力有恒心，比做天才重要好多，唔使一定要入名校，我都唔係名校出身，我亦唔重視上課外補習班，我都係出嚟社會做嘢至學識普通話同日語。」佢話劉昇之前好黐身，唔可以同媽咪分開，但返咗三日學前班就完全適應晒，仲主動要返學，佢覺得課堂學習已經好足夠。


懷胎四月嘅陳慧琳身形漸脹，仍力保一雙修長美腿。