明星靚相大分享☆

呂慧儀人獸婚照驚青馴虎

呂慧儀（ Koni）將於下周二（ 13日）出嫁，繼海邊浪漫婚照後， Koni昨日再發另一輯人獸婚紗相。 Koni透露是未婚夫 Dickson給她的驚喜，可以讓她與大老虎合照，回憶起愛情裏剛中帶柔的感覺。

其他娛樂名人影片

相繼有藝人結婚，有「長腳蟹」稱號的呂慧儀早前突然在微博宣佈與港男黃文迪（ Dickson）結婚，他們將於下周二在港擺酒。為與大眾分享喜悅心情， Koni早前發放一輯在海邊拍攝的浪漫婚紗照，昨日又發放另一輯與動物一齊影的靚相，並喜孜孜宣佈：「終於蟹仔也要出嫁了！迎接人生另一個階段。」

放大圖片

呂慧儀跟未婚夫黃文迪與大老虎合照，憶起愛情裏剛中帶柔的感覺。

放大圖片

未婚夫攬實呂慧儀騎大象，甜蜜又浪漫。

「一齊望鏡影相」

Koni酥胸半露與大象合照，又到馬棚取景，最特別的一張是與兇猛老虎一同合照，雖然老虎乖乖躺下並對着鏡頭，但 Koni卻未敢挨近老虎身邊，她說：「最難忘當然係對住兇猛嘅老虎，人總係會有啲怯！當我哋坐喺佢旁邊嘅時候，老虎好閒靜咁同我哋一齊望鏡影相，就好似我哋養嘅寵物一樣，拍出來嘅照片畀人愛情裏剛中帶柔嘅感覺。」

未婚夫秘密安排

Koni表示今次難忘經驗全賴未婚夫的悉心安排，她說：「除咗大風大浪嘅浪漫相之外，最特別係搵嚟好多動物一齊拍。黃生知道我好喜歡大自然，好喜歡動物，尤其係老虎，佢早就安排咗 Monique& Co.嘅婚紗照攝影團隊籌備今次嘅拍攝，要一直保守秘密唔畀我知，真係我始料不及嘅驚喜。」撰文：林妃


長腳蟹呂慧儀在馬棚影婚照，不忘酥胸半露晒身材。

呂慧儀與虎同行泰驚嚇

港姐呂慧儀下星期二與拍拖多年的落選港男黃文迪拉埋天窗！深知未來老婆喜愛大自然的黃文迪，安排到泰國與老虎及大笨象等拍攝婚照，期間老虎竟發惡出爪，幸好有驚無險！

呂慧儀早前與未婚夫黃文迪到泰國布吉拍攝婚照，慧儀熱愛大自然，黃文迪遂找來猛獸做布景板，慧儀說：「見到拉咗隻大象嚟，嚇一跳，O晒嘴！隻象好大隻，幾乎要一字馬先騎到！」其後與老虎合照時發生驚險插曲，慧儀說：「起初隻老虎都冇乜嘢，但係其他人同佢影相就發脾氣，仲抓跌人哋部相機！到我哋去影都有啲驚，點知佢又變番乖，仲畀我摸頭！」慧儀如此喜愛老虎，未知會否變成「老虎乸」呢？其後到馬房拍攝時，慧儀再遇上趣事：「佢不停咁用頭哄埋我個胸，我話唔好咁喇！佢又真係好似識聽咁走開。」

出嫁從夫等Surprise

問到慧儀會否趁龍年生BB？她說：「冇計劃，二人世界先！龍年生BB唔夠其他天王天后級BB撼喎！都係唔生住。」正在趕拍劇的她，出嫁前一天還要出席活動搵銀，婚禮全由未婚夫安排，未出嫁先從夫，慧儀說：「梗係賺錢先，唔知佢到時有乜驚喜畀我！」

影視組

呂慧儀與黃文迪擺「型甫」挨在老虎身旁，其實驚到震！

呂慧儀與黃文迪兩位「高人」騎在大象上，更加高人一等！