於周日（十七日）晚舉行的第三十屆香港電影金像獎，謝霆鋒和劉嘉玲分別榮登影帝影后。為了奪得演員的最高殊榮，首次提名的謝霆鋒及五戰五敗的劉嘉玲，也在賽前「做足準備」。
愛夫心切的張栢芝，在頒獎禮前夕拉大隊帶領全家秘遊泰國曼谷拜四面佛，祈求如願得獎。而沒有老公梁朝偉陪伴作戰的嘉玲，頒獎禮當晚，左手腕上則以密宗催運繩上陣，助她成功登上影后寶座。
劉嘉玲、謝霆鋒同樣首次封帝稱后，心情興奮。
擊敗前輩
謝霆鋒有太太張栢芝全程傍實，又得到周潤發在台上有讚冇彈，揚言未來三十年影圈要靠謝霆鋒，令他心情勁靚。在宣布他得獎一刻，即時chok出型樣半秒，再施施然起身上台攞獎。擊敗四位前輩的霆鋒，入到後台好似四哥上身，擺出chok樣拎住獎項任影唔嬲。
其實在頒獎禮前一星期，謝霆鋒帶着老婆張栢芝和兩位大少Lucas和Quintus，秘密旅遊曼谷行街shopping，在紓緩等頒獎的緊張情緒之餘，更順道一拜四面佛求獎。在神明庇祐下，霆鋒終能一擊即中，榮登影帝。今次家庭秘密旅行沒有事先張揚，但在當地遇上影迷要求合照，相片再被放上網，謝家二公子Quintus的肥嘟嘟樣子更首次曝光。
栢芝抱着Lucas活潑可愛，肥嘟嘟的Quintus（右）亦十分鬼馬，惹人喜歡。
當上影后的嘉玲最緊要靚，一個頒獎禮換足三套戰衣，表現風騷。
全站熱搜
留言列表
