甄子丹前年同熊黛林主演嘅電影《葉問》叫好叫座，黃百鳴舊年立即再領軍添食續集《葉問 2》，呢次仲加埋帥哥黃曉明，新片今晚首映，不過黃曉明唔嚟撐場，以後嘅宣傳活動都未必會露面，有指因為佢唔滿意戲份被刪剪，其中有場被刪的戲講述洪拳弟子杜宇航阻止其他人向葉問拜師，令身為葉問愛徒嘅黃曉明不滿。黃百鳴噚日力撐同黃曉明合作愉快，佢喺電話度話：「冇刪到佢啲戲，以一個未拍過打戲嘅黃曉明嚟講，呢次拍《葉問 2》，有咁嘅演出，表現真係接近滿分。我哋一直係好朋友，佢早前都有喺北京出席首映，不過佢嘅工作真係排到密麻麻。」
放大圖片 
黃曉明喺《葉問 2》騎喺杜宇航身上狂打嘅片段已被刪剪，令佢好唔開心。 劇照
放大圖片 
甄子丹前日喺廣州宣傳，佢話近排同一班小朋友拍攝短片，為青海玉樹災民打氣。 《網易娛樂》圖片
黃百鳴開 P賀 62歲
另有消息指今晚東方電影安排《葉問 2》眾演員睇首映之後，緊接有派對慶祝，但已經離開咗東方電影嘅黃百鳴以個人名義喺中環搞生日派對，仲撞正《演藝界情繫玉樹關愛行動大滙演》。黃百鳴笑言要走幾場，佢話：「我農曆生日喺 3月，一向係慶祝西曆，不過自從兩年前爸爸喺我西曆生日過咗身，我先改為喺農曆慶祝，我都知聽日大家好忙，但冇所謂，邊個嚟到就嚟。」 62歲嘅壽星公話唔好提年齡，因為佢覺得心境最重要，生日願望係拍多啲好戲喎！ 
黃百鳴大讚同黃曉明合作愉快，可惜佢今晚唔嚟香港出席首映。 資料圖片
全站熱搜
留言列表
