iPhone 拍戲穩手開戲　全民導其 Phone @ 明星靚相大分享☆

家幾乎人人有部 iPhone傍身，隨時拍片，唔係邊有咁多阿叔阿姐開拖嘅 YouTube片流芳百世?其實識得玩， iPhone都可以拍戲，唔少配件生產商已經幫佢小事化大，出埋穩定器同換鏡 Mount，拍出嚟自然更有電影感！記者：王震遠攝影：梁細權、伍慶泉Model： Monnie, Kitterick@ Fame Entertainment

其他副刊影片單薄 iPhone易手震放大圖片
■ iPhone無得落腳架，只能用雙手揸機，拍片易手震。

■ iPhone無得落腳架，只能用雙手揸機，拍片易手震。

近年唔少人轉行玩拍片，玩落就知道有手震嘅問題出現。平時企定定已經好難揸得定，行緊路拍嘢更加會震過貓王！加上 iPhone 4機身太輕又唔易揸，仲要無得落腳架，手震效果特別嚴重。喺電影世界有著名穩定器 Steadicam幫手穩定畫面，唔少電影製作亦用過呢件工具， iPhone世界亦有別注版本 Steadicam Smoothee。

放大圖片
a.持穩定器嘅正確手勢應該用手指公輕輕頂住。

a.持穩定器嘅正確手勢應該用手指公輕輕頂住。

放大圖片
b.用咗 Steadicam嘅技術，幫助提升畫面質素。

b.用咗 Steadicam嘅技術，幫助提升畫面質素。

放大圖片
c.穩定器下方有墜手金屬，以地心吸力幫助穩定畫面。

c.穩定器下方有墜手金屬，以地心吸力幫助穩定畫面。

放大圖片
d. Ball Head設計減輕震盪，令移動中嘅畫面更穩定。

d. Ball Head設計減輕震盪，令移動中嘅畫面更穩定。

荷李活級技術放大圖片
■ Steadicam Smoothee$2,200

■ Steadicam Smoothee$2,200

Steadicam Smoothee由美國著名相機器材生產商製造，原理與 Steadicam相同，即係荷李活電影同美國電視台都用嘅技術，家連 iPhone都用到。呢支穩定器上方設有轉接架，可以安裝 iPhone 4、 iPhone 3GS、 iPod Touch同部份拍攝器材；中部有調節掣，用嚟將穩定器調節到水平；下方有手柄同重件，令穩定器保持重心向下，令畫面更流暢。試過安裝 Steadicam Smoothee後再用 iPhone拍片，左右移動時畫面都唔會太震，穩定咗好多，前行同後退無晒突兀嘅震盪感，成個感覺好流暢。特別邊係行邊拍嘅時候，平時已經震到主角都出晒鏡，質素難接受，家有明顯改善，好似有油壓咁識得自動修正，拍出嚟真係幾有電影感。照相館（ 2722 0068）

iPhone駁 Canon鏡

iPhone 4鏡頭焦距約 33-34mm，固定 F2.4光圈，無得揀。坊間雖有不少塑膠鏡頭選擇，但有專業廠商就製作出一套 iPhone轉換 Canon鏡頭組合。此組合由一個鐵殼同轉接筒組成，只要插上 iPhone 4機身就可以換上其他魚眼、遠近鏡等鏡頭，仲可以落埋腳架。如想轉用 Canon單反鏡，就要再加多個 Mount，拍片時影像會投射喺內置嘅對焦鏡片上，畫面會上下倒轉。多咗咁多專業鏡，突破晒 iPhone局限，以後拍乜都得！112相機配件（ 2388 6879）

放大圖片
■ iPhone 4金屬殼$1,200+ iPhone 4轉接筒$1,380

■ iPhone 4金屬殼$1,200+ iPhone 4轉接筒$1,380

放大圖片
■無論用 iPhone或者手動對焦都無問題，仲做到變換對焦點嘅效果，成條片靚晒！

■無論用 iPhone或者手動對焦都無問題，仲做到變換對焦點嘅效果，成條片靚晒！

App戲法拍粵語殘片放大圖片
■《 8mm Vintage Camera》 US$1.99

■《 8mm Vintage Camera》 US$1.99

若果鍾意 Vintage味濃嘅影片，呢個 App就啱晒你。顧名思義可以扮拍出 8mm電影質感，有 Siena、黑白、 70年代等濾鏡選擇，仲可以揀鏡頭！雖然拍唔到 720p高清質素，但勝在夠玩味，膠片感十足，真係拍番套粵語殘片都得！

自導自剪放大圖片
■《 Vimeo》免費

■《 Vimeo》免費

家唔須要再用電腦或 iMovie，只要用著名短片上載網 Vimeo推出嘅同名 App，就可以用手機直接剪！專為拍攝發燒友而設嘅 Vimeo，既可以當佢係網上電影發行商，幫你將套戲揚威海外，仲可以做到簡單影片製作。用 iPhone剪番 720p短片好順暢，仲方便到可以直接 Upload上 Vimeo網站，網上導演必備。

數碼變焦放大圖片
■《 Video Zoom 2》 US$0.99