合共 18場「 Keep Walking Duo陳奕迅 2010演唱會」前晚在紅館正式開鑼，陳奕迅（ Eason）無懼舞台機關重重， high爆跳跳紮，更唱到欲罷不能，安哥足足 40分鐘。首場個唱更公然挑戰老婆徐濠縈的底線，在台上大膽和女 dancer作出撫摸親嘴等行徑，阿徐卻大讚 Eason今次演出最 perfect，全力勁撐老公。
其他娛樂名人影片
陳奕迅一連 18場個唱前晚在紅館揭開序幕，今次 Eason更打破了近年在紅館開得最多場數演唱會的歌手紀錄，吸引近 22萬觀眾捧場，成績斐然。 Eason前晚先後穿上五套由何志恩設計的歌衫登場，並以黑色及肉色為主，部份歌衫及舞台設計都充滿童話色彩，有如將《愛麗絲夢遊仙境》搬上舞台。
放大圖片 
老婆徐濠縈在台下手舞足蹈為老公打氣，事後更大讚演出 perfect。
放大圖片 
今次陳奕迅開個唱成為了近年場數最多的歌手，合共吸引近 22萬觀眾欣賞。
口水抹鞋面欠衞生
雖然前晚 Eason的太太徐濠縈（阿徐）、愛女康堤及父母都有捧場，但 Eason卻無懼阿徐和囡囡在現場監督，除了獻唱曾傳緋聞的謝安琪的《囍帖街》外，又大唱以婚外情作主題的《無人之境》，更公然挑戰阿徐的容忍程度，在台上大膽和日籍女 dancer作出撫摸親嘴等行徑，全場觀眾即時嘩聲四起，不過 Eason在台上就自爆之後的幾晚有機會咀男人或愛犬。開騷初段 Eason的聲音沙啞兼頻頻甩嘴，但無損其興奮心情，他更無懼再爆蛋危機，於佈滿機關的舞台上跳來跳去，其間更仆了一仆，令台下歌迷即時叮囑他小心，不過 Eason冇有怕，還死撐表示只是心痛一雙鞋子被刮花，更即時用口水拭抹鞋面。Eason自言原本沒有準備握手環節，但因有觀眾向他投訴花了 1,900元購買第一行門票，假若握不到手就會好戇居。當 Eason滔滔不絕地在台上說話時，卻突然向住控制台方向發難說：「 Shut up！你喺我耳仔邊講嘢好大聲……呢個騷係我嘅騷，我話事，平時成日俾人撩，今日唔會俾你撩，點撩我都唔理。」
放大圖片 
陳奕迅為怕名貴鞋子刮花，竟不顧衞生即時用口水拭抹鞋面。
放大圖片 
陳奕迅前晚在台上自彈自唱，一展其彈結他的技藝。
安哥 40分鐘任點唱
全晚表現 high爆的 Eason除了獻唱多首別人的歌外，又安哥足足 40分鐘，他更任由觀眾自由點唱，他又為自己的沙聲辯護說：「沙聲唔代表唔好聽，慢慢會流行，沙沙哋亦唔代表有嘢，唔使擔心。」他更即場向愛妻示愛，表示要獻唱《天下無雙》給他愛的人，並即時向住阿徐、女兒及父母的方向。事後 Eason在紅館後台接受訪問，他坦言被台上的齒輪機關影響心情，加上見到不少好友捧場，即時令他表現失準，他自言前晚演出不夠好，只值 70幾分。對於在台上與女 dancer嘴對嘴，他笑說：「我知監製安排咗兩男一女畀我，咀男人冇所謂，最緊要衞生。」提到無懼緋聞獻唱謝安琪的《囍帖街》時， Eason就強調《囍》歌是談及放低，對於他來說《囍》是屬於黃偉文和 Eric Kwok（郭偉亮）的作品，他說：「可能啲人覺得你都夠薑喎，用傳過緋聞嘅女人、女士、小姐。唔通吓吓都避咩，見到佢喺度就唔好搞，冇需要呀，唔通以後就唔唱《無人之境》？」
放大圖片 
－肉緊咀－陳奕迅大唱表達無分界限的愛歌曲《無人之境》和《禁色》，並與日籍女 dancer擁抱與咀嘴。
放大圖片 
－激情抱－
阿徐：康堤唔識舊歌 放大圖片 
Eason個唱大玩分裂，連舞蹈員也要以一半穿衣一半解剖人的造型亮相。
阿徐昨日接受電話訪問時，大讚老公演出精采，她說：「我次次睇 Eason嘅頭場演唱會都一額汗、心都跌埋出嚟，次次都仲好似 full dress rehearsal咁，但係呢次好 perfect，樣樣嘢都好緊湊，而且今次佢唱咁多其他歌手嘅歌，都算係非一般嘅演唱會，唯一可以再好啲係技術上嘅小問題，好似燈光、音響咁。」阿徐又表示最喜歡 Eason唱張國榮金曲的部份，她說：「我自己最鍾意第一 part佢唱哥哥啲歌嗰 part、好感動，不過可能 Eason啲歌迷會覺得佢唱自己啲歌太少、唔夠喉啦。」問到女兒康堤對爹哋個唱的評價，阿徐說：「佢由手抱時已經睇爹哋嘅演唱會，睇到慣晒熟晒，佢又唔會識得啲舊歌，佢熟 Lady GaGa啲歌多啲。」採訪：胡比、梁錦貞攝影：葉君海
Eason個唱歌 List 放大圖片 
1《今天等我來》2《好歌獻給你》（原唱：羅文）3《落花流水》4《囍帖街》（原唱：謝安琪）5《七百年後》6《約定》（原唱：王菲）7《寂寞夜晚》（原唱：張國榮）8《浮誇》9《 Mr.Lonely》（原唱：玉置浩二）10《我甚麼都沒有》11《 The End of the world》（原唱： Skeeter Davis）12《我的世界末日》13《禁色》（原唱：何韻詩）14《無人之境》15《破曉》16《夕陽無限好》17《人車誌》18《裙下之臣》19《陀飛輪》20《沙龍》21《葡萄成熟時》22《熱辣辣》（原唱：張國榮）23《反斗星》（原唱：譚詠麟）24《頭髮亂了》（原唱：張學友）25《好戲在後頭》（原唱：草蜢）26《芳華絕代》（原唱：張國榮、梅艷芳）27《不來也不去》28《富士山下》29《與我常在》30《我的快樂時代》31安哥環節《天下無雙》、《 PG家長指引》等
街訪： Fans讚快歌攞滿分 放大圖片 
許小姐：我最滿意係 Eason跳舞嗰部份，好有新鮮感，不過我嫌頭段以慢歌為主，所以比較靜同悶。最驚喜都係 Eason跳舞嗰 part，啲衫好靚好特別，另外成個環節各樣都好配合，呢部份好好睇。
放大圖片 
黃小姐及鄧先生： Eason唱快歌嗰 part我哋最滿意，另外佢今次唱唔少其他人嘅歌，呢樣都好好，因為啲歌大家都好熟，我哋呢啲老餅咪最啱最滿意。不過開場時 Eason把聲好似未 ready，麻麻哋。而最驚喜係知道 Eason今次參與好多，可能咁樣令到各樣安排都好細心，佈置又有驚喜，煙花效果都好有心思。
放大圖片 
盧先生：我冇乜滿意地方，佢唱人哋啲歌有啲悶，冇乜驚喜，佢差唔多最尾先跳舞，但嗰時我又趕住走啦。 
一連 18場的陳奕迅個唱前晚揭開序幕，現場座無虛席，令人聽出耳油。
Eason 複製 Lady GaGa 巨髮
後台獨家直擊猛人坐鎮打造 2000萬勁騷 Eason複製 Lady GaGa巨髮
陳奕迅（ Eason）的紅館演唱會前晚開鑼，原來他找來荷李活百變妖姬 Lady GaGa的御用髮型設計師 Charlie Le Mindu設計造型。本報記者昨日獨家深入後台，訪問 Eason、朱祖兒和 Charlie。 Eason激讚假髮造型勁，難怪舞台製作費超過 2,000萬元。
其他娛樂名人影片
在陳奕迅演唱會中，除欣賞他的歌聲外，每個會轉動的巨型齒輪舞台、各種大型的道具及一眾舞蹈員的特別造型，也令人目不暇給，其中 Eason獻唱《裙下之臣》時，一班穿上性感裝束的女舞蹈員，戴上各種不同形狀的巨型假髮出場，在台上搔首弄姿，令觀眾印象難忘。
「睇到先知咁勁」
Eason昨日在紅館後台接受本報記者獨家訪問時，見到這些巨型假髮不禁大讚犀利，還鬼馬地即興試戴，他說：「其實我喺台上面唔係好睇得清楚啲 dancers造型，??家睇到先知咁勁，聽講話有啲係 Lady GaGa戴過嘅款，真係好正。」今次舞台製作費超過 2,000萬，並從倫敦找來 Lady GaGa御用髮型設計師 Charlie Le Mindu，全因創作總監朱祖兒曾與 Charlie合作，很欣賞他的設計，又覺得能配合 Eason演唱會的主題，便邀請他來港幫手， Charlie表示有數個假髮款式都是 Lady GaGa曾經採用，為配合 Eason演唱會，他特別訂製不同的顏色，如嘴唇和鬢辮假髮就改為紅色， Charlie知道設計可以很誇張，所以每個假髮都設計得超巨型， Charlie說：「因為中國女仔畀我感覺個樣好標致，再加埋呢啲假髮，會好靚同有趣。」問 Charlie如果要為 Eason設計一個髮型，他會選擇甚麼款式？他笑言：「其實我之前未見到 Eason，但係有睇過佢嘅相，我會幫佢設計一頂光頭嘅帽，上邊會加上水晶，再加多個水晶面具。」 採訪：胡比 攝影：陳慧安
放大圖片 
陳奕迅找來 GaGa御用髮型師 Charlie（左）為舞蹈員（右）設計造型。
放大圖片 
Charlie戴上自家設計的假髮，前衞有趣。
巨輪舞台源自兩生花
陳奕迅找來曾為多位歌手設計舞台的朱祖兒任個唱創作總監， Eason 06年 Get A Life演唱會與何韻詩 2009 SuperGoo演唱會的舞台都是他設計。
朱祖兒 Eason合創 放大圖片 
Eason個唱運用巨輪舞台，表達世事皆互相牽動。
創作總監朱祖兒解構今次「 Duo」的舞台時說：「概念係同 Eason一齊諗，來自一部電影《兩生花》（ The Double Life Of Veronique），講呢個世界其實有好多類似嘅事情，會喺唔同時間唔同地點發生，就好似歌曲咁，兩首唔同嘅歌，想表達嘅嘢可能係一樣，只係唔同人與唔同時間去唱。」朱祖兒續說：「舞台用會轉嘅巨輪，係想表達所有嘢都係會互相牽動，有所影響， Eason每 part揀嘅歌曲都係有連帶關係，然後我再從佢嘅歌曲中，配合一啲適合嘅道具同服裝。」
人物誌：作品前衞潮星追捧 放大圖片 
創作總監朱祖兒（左）重金邀請 Charlie來港合作。
陳奕迅個唱找來的法國髮型師 Charlie Le Mindu大有來頭，他是 Lady GaGa的御用髮型師，曾創造過不少出位髮型及頭飾。 GaGa於近日的巡迴中用上的蒙面假髮鬢辮面具、唇形假髮頭飾及長至膝頭的假髮等，也是出自 Charlie手筆，今次眾髮飾也於 Eason的演唱會中出現。因為 Charlie的前衞髮飾立體奪目，歐美潮流雜誌如《 Vogue》、《 I-D》等也爭相與他合作，連日本歌手濱崎步也拉攏他設計髮型。 
Eason在後台即興戴上與 Lady GaGa同款的假髮，自娛一番。
陳奕迅對住阿徐放肆晚晚咀
陳奕迅個唱前晚於紅館開鑼，他不避嫌獻唱謝安琪的《囍帖街》，期間又與女舞蹈員咀嘴並大唱話題之作《無人之境》，更直言晚晚錫唔同人，他謂：「有啲人可能覺得我好大膽唱前度緋聞女人嘅歌，咁唔通下下避？」 《DUO陳奕迅2010演唱會》前晚舉行首場演出，大玩歌曲Crossover配合DUO（雙面）主題，陳奕迅獻唱黃耀明的《禁色》時被女舞蹈員從後抱住，兩人又攬又咀近半分鐘，緊接唱出話題之作《無人之境》，但太太徐濠縈未有刻意睇實老公，只與好友交談及影相。 陳奕迅笑言錫女舞蹈員是「益咗佢」，但第二場可能錫男的：「首歌講愛係冇錯嘅，可能第四晚撲隻狗出嚟，咪錫隻狗囉！」 陳奕迅在Encore時說：「今日（前晚）父母都有嚟，我想送首歌畀佢哋、在座嘅人同我愛嘅人。」然後向住太太及女兒陳康堤獻唱《天下無雙》，場面溫馨。陳奕迅又唱張學友、草蜢及張國榮等多首別人的歌，模仿張國榮及梅艷芳的唱腔演繹《芳華絕代》，令人聽出耳油。陳奕迅自爆有歌迷以一千九百元買首行的門票，原本沒安排握手環節的他說：「我好擔心如果千九蚊買張飛，冇得握手咪好戇居？」說罷走向觀眾席握手。期間，他不慎刮花皮鞋，竟不顧衞生以口水抹鞋，更得戚地說：「呢個方法最快。」 由於不時甩嘴及唱錯歌詞，陳奕迅自言狀態不佳，希望沒令入場的朋友失望，又笑言沙聲將會成為潮流。訪問時陳奕迅坦言：「其實我都忟忟哋，已經盡量扮冇嘢，表現都係七十幾分，仲有進步空間。」 對於翻唱謝安琪的《囍帖街》，陳奕迅大方表示《囍》及緊接唱的《落花流水》都有「放下」的意思：「唔係講感情。（啲歌自己揀？）基本上係，我知每個人睇嘢有唔同，有人覺得我好大膽唱前度緋聞女人嘅歌，咁唔通下下避咩？唔通以後唔唱《無人之境》呀？」 文：音樂組 攝：唐豁莊、林楠
阿徐母女在觀眾席也自娛一番。
今次陳奕迅的裝束較樸實，誇張的交由舞蹈藝員負責。
吐口水抹鞋
為了表達歌曲愛的主題，陳奕迅激咀美女。
服裝崇尚自然 反映人性
Eason今次的演唱會服裝，由本地著名設計師何志恩（Johanna Ho）操刀，Johanna表示為今次設計服飾與Eason有了共識，就是不誇張，盡量自然。她表示今次透過服飾反映深層多面人性，及根據演唱會的主題「Duo」為創作靈感。 當中一件由上至下漸變的花Print立體領西裝，就有天堂與地獄的意思，靈感來自電影《What dreams may come》，而花Print出自Johanna於聖馬丁唸書的同學Leanne Claxpon手筆，穿西裝是Eason的意思，並希望充滿英倫感覺。至於斗篷與膠腰封，她說：「腰封係透明，都好擔心佢現咗個肚腩，其實腰封代表人性的束縛，斗篷就好似天使」。
陳奕迅的服飾只為傳達訊息，不求搶眼。
陳奕迅所穿西裝是由上海師傅度身訂造。
陳奕迅的膠腰封代表人性的束縛。
謝安琪榮幸Eason睇得起
謝安琪（Kay）、陳柏宇與周柏豪昨日出席慈善活動，對於曾傳緋聞的陳奕迅（Eason）前晚在個唱上唱《囍帖街》，Kay大讚Eason「Good Choice」，她說：「未睇Eason個唱，遷就到時間都希望去，之前佢喺電台講過會唱《囍帖街》，因為利東街有好多佢嘅回憶，唔係因為首歌係我嘅，都覺得好榮幸。（做神秘嘉賓？）唔會喇。」 Kay又言不擔心「唱起」緋聞，問到會否與丈夫張繼聰一同欣賞Eason個唱？Kay說：「好難約，嚟緊我要錄國語碟，希望復活節可以去台灣同監製見面。」 此外，Kay前晚於另一活動上，解釋早前與丈夫「唔夾口供」回應傳聞，她說：「我係從觀眾角度去睇，同埋好多朋友以為佢唔開心，ＳＭＳ畀我叫我支持佢，所以我都估佢唔開心，原來冇，睇咗報道我都愕然，佢冇嬲我或者鬧我。」
出席慈善活動的謝安琪，跑起來婀娜多姿。
陳奕迅大膽唱Kay忘情咀女
陳奕迅演唱會前晚正式開鑼，台上他與日籍舞孃又攬又錫，迷情30秒，但台下的老婆則與何超儀傾密偈，並無(目及)實老公！ 前晚一連18場《Johnnie Walker Keep Walking Duo陳奕迅2010演唱會》正式開騷，除了父母、太太徐濠縈、愛女康堤捧場外，亦吸引容祖兒、何超儀、梁漢文和太太Karen等一班圈中好友撐場，全場「臣」迷座無虛席，難怪陳奕迅（Eason）甫出場即興奮到喊。Eason一貫玩味風格帶動氣氛，卻不慎甩嘴及聲沙，他說：「沙聲唔一定唔好聽，慢慢會成為潮流，不過香港唔興！」令全場爆笑。 當晚Eason與日籍舞孃的迷情30秒成為全晚高潮，獻唱話題新歌《無人之境》時更被日籍舞孃從後攬實，當他慢慢擰轉身與舞孃情深對望時，更情不自禁嘴對嘴，全場尖叫。坐在觀眾席的阿徐卻一臉不在意，與身旁的何超儀密密傾，Eason還風騷說：「今晚我錫女，第二晚可能錫個男，首歌係講愛係冇錯㗎嘛！可能第四晚有隻狗撲出嚟，咁咪錫隻狗！」其後他又獻唱哥哥張國榮、梅艷芳及張學友等經典金曲，更一人分飾兩角，以男女聲獻唱梅艷芳和張國榮的《芳華絕代》，盡顯唱功。 除了扮鬼扮馬外，Eason又趁機大晒溫情，他說：「今日父母有嚟，想送首歌畀佢，同埋在座我愛嘅人！」然後他望着老婆和囡囡唱《天下無雙》，阿徐叫女兒向Eason揮手，惟囡囡卻「懶理」老竇。此外，Eason又獻唱緋聞女友謝安琪的《囍帖街》，騷後他接受訪問時說：「唱完呢首接住唱《落花流水》，兩首都係講放下一啲嘢，唔係講感情！有啲人會覺得我好大膽，唱前度緋聞女人嘅歌，唔通吓吓避咩？唔通我以後唔唱《無人之境》咩？」提到不慎甩嘴，他笑說：「30首入面甩3、4首算得乜，我都有啲忟忟哋，但都盡量扮冇嘢。（嘴對嘴？）首歌係講單純嘅愛，俗世人唔需要逃避，我都唔知邊個走埋嚟攬我，我叫佢哋唔好話畀我聽嘅，我唔介意同男仔嘴，最緊要衞生。」 第一手消息請瀏覽on.cc
帶女兒睇騷的阿徐（中）只顧與何超儀（左）密密斟，懶理老公攬女狂啜。
女舞蹈員從後攬實Eason，動作大膽。
化身哥哥阿梅獻唱
Eason駕着紅色跑車出場，與打扮趣怪的舞蹈員翩翩起舞。
大批機械人為Eason伴舞，難怪他唱到O嘴。
放大圖片
康堤台下唔理爸爸
《即時新聞》
放大圖片
謝安琪榮幸Eason唱「琪」歌
謝安琪（Kay）昨日與陳柏宇及周柏豪出席活動，對於Eason不避嫌在個唱上獻唱其大熱作品《囍帖街》，她表示早已透過電台節目知道，亦希望稍後能抽空撐好友：「Eason話喺利東街（喜帖街原街名）附近長大，有好多故事，唔係因為首歌係我嘅！不過都覺得好榮幸。（驚炒熱緋聞？）唔驚，事實歸事實！（做神秘嘉賓？）唔會。」前晚Kay穿上Marc by Marc Jacobs短裙配Zara高踭鞋出席另一活動，對於早前被指與老公張繼聰回應不一，她說：「我從觀眾角度去睇，估佢唔開心！同埋好多朋友以為佢唔開心，SMS叫我支持佢，睇咗報道都愕然，佢冇嬲我或者鬧我，我哋平日亦好少講工作上嘅事。」 
陳柏宇不停撩身旁的小妹妹玩，更作狀親吻對方。
Kay希望抽空欣賞Eason個唱。
舞衣顯人性天堂與地獄
設計師何志恩（Johanna Ho）負責設計Eason舞衣，今次Eason舞衣不像以往般誇張，她說：「佢希望着多啲西裝，有英倫感覺，我專程搵上海師父做。佢希望今次啲衫唔好誇張，盡量自然！」Johanna指今次服飾反映深層多面人性，根據演唱會主題「Duo」為創作靈感。其中花Print立體領西裝，有天堂與地獄的意思，靈感來自電影《飛越來生緣》，圖案更是她邀請同學Leanne Claxpon繪畫。問到膠腰封是否要收埋Eason肚腩，她說：「腰封係透明，我擔心佢現咗個腩就真！腰封代表人性的束縛！」Eason收斂衣飾，反而把玩嘢服飾留給舞蹈藝員，當中包括大蜜蜂、機械人，與Eason造型充滿強烈對比。
放大圖片
衣着簡單的Eason，與化身大蜜蜂的舞蹈員，營造強烈對比。
Eason的花Print立體領西裝及膠腰封，代表深層次的人性。
3大搞嘢位
Eason在巨型齒輪台上走來走去險仆，歌迷大叫小心，他說：「我唔係仆親，不過刮花咗對鞋，對鞋好貴㗎！」隨即俯身以口水抹鞋，歌迷大叫「好核突」，但他笑言這是最快的抹鞋方法！ 為滿足歌迷，Eason即興加插握手環節，但由於台邊與歡眾席距離很遠，控制台監製透過耳機制止他，Eason向控制台大叫：「Shut Up！你好大聲！」但監製仍不停打手勢制止。 Eason自爆有歌迷豪擲1,900元買頭行炒飛：「我即刻呆咗，佢仲話第二行就$1,700！本來冇預握手位，但我好擔心$1,900蚊買飛握唔到手咪好戇居？」
口水抹鞋
放大圖片
鬧爆控制台
$1,900買飛
放大圖片
阿徐High爆四圍「攝」
老公Eason開騷，身為老婆的徐濠縈當然到場打點，穿得靚靚的她除了在後台四圍與工作人員及花牌合照外，其後還把照片上載到網誌，雖然未見有她與老公的合照，但見阿徐笑容滿面，心情大靚，未知是否因Eason對她唱《天下無雙》。
放大圖片
留言列表
