上周五（十一日），日本本州東北地區發生九級大地震，繼而又有核電廠爆炸，猶如上演一幕舉世震撼的災難片。

近年很多藝人轉攻日本市場，經常要港日兩邊飛，於地震發生當日，有多位娛圈人士如Angelababy、杜如風、彭浩翔等正身處彼岸，親歷這世紀一震，心情至今仍未能平伏。Angelababy回港後，仍心慌慌口震震地說：「我有諗過會就咁死喺日本！」

Baby於地震當日起程到日本，準備為廣告進行拍攝，怎料一到埗即遇上災難。嚇得她想即晚回港，但已趕不及最後一班機，所以她改乘翌日的日航早機回港。

回港後憶述過去24小時經歷，驚魂未定說：「返到屋企突然地震，企都企唔穩，啲日本人平時遇到地震都會好鎮定，不過今次震到連佢哋都驚，周圍好多人尖叫，我哋即刻由四樓衝落樓下，啲電線好似頭髮咁喺個天飛來飛去，一震完，同事陪我即刻上番樓拎嘢去住酒店，沿途條街都企滿人，塞滿車，情況好似拍緊災難片咁，之後不斷餘震，我連瞓覺都唔敢除鞋，攬實個袋，成晚都聽到『滋滋』聲。唔係第一次喺日本遇到地震，但咁大就第一次，真係好驚好恐怖，我有諗過會就咁死喺日本，諗到自己仲有好多嘢未做，好想喊！」

由於在當地打不通電話，Baby只好幾經艱辛才聯絡得到經理人，代她向媽媽報平安，連男友黃曉明也未能及時溝通。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄