隔籬屋何博士最近坐「愛心號」出巡，我家老爺發現後大叫神奇，話車內會有張椅識「走出嚟」，實在太方便佢老人家上落，嚷住要買部。其實日本推出呢類 Welcab（福祉車）多年，作為看護，我當然搵足料啦！今日就 Look勻三大熱門款式，仲要碌埋上張座椅，幫老爺搵番部至 Fit Welcab！記者：許維雅攝影：梁細權Model： Sukmi
其他副刊影片 放大圖片 
■只需數十秒，電動升降台就會將輪椅降落地面。
家有一老嘅你有無諗過，你屋企部車會唔會苦了老人家，上落唔係烏低身就係要擒高，計我話，有輪椅升降台嘅 Welcab就最貼心！ Welcab車款中， Vellfire梗係最受歡啦，連賭王都揀佢！因為車身夠晒大又夠豪華，內櫳無番咁上下空間點放得落張輪椅，加上買得呢類車都係以大家庭居多，隨車外出嘅雜物都唔少，七座位、尾廂夠大嘅 Vellfire當然係首選。不過 Vellfire嘅車價本身已經唔平，多張輪椅嘅 Welcab版本一般仲要貴 8至 10萬元左右，所以屬富貴之選。輪椅由車降落到地面需時約 45秒，回收輪椅亦十分順暢，確係好方便。不過呢架輪椅要人手推，若然老爺腳痛嗰陣都想坐住輪椅周圍去，咁就一定要靠我喇！
放大圖片 
放大圖片 
■睇落似大班椅多過輪椅，只係多四個轆及摺合腳踏。
放大圖片 
■升降台有兩排磁石，用作吸住返回車櫳嘅輪椅。
放大圖片 
■前座椅背呢個係輪椅升降掣，只有升或降選擇，上落車好簡單。
放大圖片 
■椅背後面當然唔少得兩個手柄，手柄兼備煞停輪椅車轆嘅功能。
放大圖片 
■ Vellfire最受歡迎嘅原因當然係內櫳夠大，摺起後座放醫療器材或後備輪椅都夠晒位。
Vellfire 2.4 Welcab規格： 放大圖片 
引擎： 2,362cc直四馬力： 170ps/6,000rpm扭力： 22.8kgm/4,000rpm售價：$549,000起
Porte 經濟小巧
可能好多人以為， Welcab淨係得七人車，其實於日本發展多年嘅豐田 Welcab Concept起初係由 Porte研發出來。樣子嬌小可愛嘅 Porte由於得兩排五座，所以輪椅位置就設於前排。輪椅外形大致同 Vellfire一樣，但就係皮椅，我覺得會更適合老人家。至於升降輪椅模式亦同 Vellfire差不多，不過收輪椅返升降台時，就似乎比較難對準用來鎖住輪椅嘅磁石位。加上 Porte尾廂較細，我家老爺雜物多，未必夠用。其實 Porte引擎細、耗油少，相對七人車車價又低好多，最適合一眾愛 Cute嘅年輕一族接載家中嘅老人家。
放大圖片 
■ Porte中控台獨有嘅可愛，散發出強烈日本味，較適合年輕人。
放大圖片 
■雖然係車仔，但勝在高身，內櫳一樣空間足夠，唔逼狹。
放大圖片 
■設於前排司機位旁嘅輪椅用上皮料，方便打理。
放大圖片 
■跟 Vellfire不同，升降掣設於左邊牆身。
Porte 1.5 Welcab規格： 放大圖片 
引擎： 1,496cc直四馬力： 109ps/6,000rpm扭力： 14.4kgm/4,200rpm售價：$199,000起
Estima 電動輪椅最強
Estima一樣多人揀，因為車價比 Vellfire平，但同樣可以坐得落七個人，係大家庭嘅另一個較經濟之選。佢仲有一個強項，就係附設電動輪椅，當然更加討我歡心啦！輪椅手枕位有支電動桿，可以自行控制速度同方向，老爺周圍去都唔使下下要我畀力推啦，不過就要記得要幫佢攞嚿輪椅電返屋企叉。當然，電動輪椅一定會貴過手推輪椅，其實之前介紹嘅兩個車款都可以訂電動輪椅版本，睇你自己嘅需要。我估一架有電動輪椅嘅 Vellfire最啱我家老爺心水，記住要加錢換埋皮椅，希望老爺唔會嫌貴啦！最後提醒大家，一般輪椅只可負重 100公斤，同埋升降輪椅時最好撻住車，如果唔係好食電 o架！
放大圖片 
■ Estima附設電動輪椅，右邊有 Joystick，可自行控制周圍去。
放大圖片 
■電動輪椅椅背會較厚身，因為後面要多安裝嚿電池。
放大圖片 
■車身尺碼介乎 Vellfire及 Porte之間，三排七座間隔當然空間十足。
放大圖片 
■尾廂空間亦係介乎另外兩款車之間，同樣可收起後排座椅。
Estima 2.4 Welcab規格： 放大圖片 
引擎： 2,362cc直四馬力： 170ps/6,000rpm扭力： 22.8kgm/4,000rpm售價：$469,000起查詢：富利堡（ 2877 6700） 
愛心號 座椅 自控 看護 賭王 蹺埋手
留言列表
