丘咲愛美莉（左）同埋友田彩也香喺日本已經係有名氣嘅 AV女優，今次嚟到香港做私影模，全部 pose自動波，表現專業。
FBI
AV女優$980任影
龍友界真係愈來愈多花臣，喺酒店拍私影、影校服影內衣，已經滿足唔到佢哋， FBI發現，最近開始興起影日本 AV女優。
來自組合「 BRW108」嘅日本 AV女優，丘咲愛美莉同埋友田彩也香最近專程由日本飛嚟香港，出席喺觀塘工廈私影會。
FBI當日都有去八卦吓，每位龍友只需$980就可以任影 2個鐘頭，二人會着三點式同水手校服，畀$1,280仲可以拍埋片添！名氣較高嘅友田同 FBI講：「來港搵錢好開心，估唔到香港 fans咁熱情，我知道自己喺香港啲討論區都好多人討論，真係好開心。」主辦單位負責人 Barry仲爆二人已跟 2位香港導演見過面，大家分分鐘會喺港產片見到佢哋咁話。
兩位女優總共出席咗 4場攝影會，每場 30人，場面都幾噓冚。如果以每人平均收 1千蚊嚟計， 4場結束，主辦單位「 We are Entertainment」便穩收 12萬。不過負責人唔肯講請 AV女來港成本，話旨在宣傳，冇乜錢賺。 
影完一堆龍相，仲可以同兩位攬住合照，其中一位「龍友」更係女性（右）。
全站熱搜
留言列表
