紅館 Talk騷三代同堂許冠文嘲陳冠希衰孤寒

棟篤笑始祖許冠文前晚在紅館舉行 talk騷，他當晚演出除了為紅十字會籌款，最重要是作為送給老婆的生日禮物。許冠文單拖又講又做，盡辣陳冠希和鄺美雲等圈中人，更玩埋特首和財爺，就連老婆亦擺上枱，難怪完騷後許冠文要當眾錫番老婆補數。


其他娛樂名人影片

五年多沒舉行棟篤笑的許冠文前晚在紅館搞 talk騷，全場爆滿，其老婆和胞弟許冠英亦有撐場，乖女又帶一對仔女上台打氣，一對孫兒更錫錫外公，其中男孫架上眼鏡十足迷你版許冠文。

放大圖片
慶功宴上許冠文與老婆錫錫，表現恩愛。

慶功宴上許冠文與老婆錫錫，表現恩愛。

放大圖片
陳冠希的淫照事件再次被擺上枱。資料圖片

陳冠希的淫照事件再次被擺上枱。資料圖片

帶老婆睇啷啷 放大圖片
許冠文瞓在大床上講拍床戲經驗，說到興起更郁身郁勢。

許冠文瞓在大床上講拍床戲經驗，說到興起更郁身郁勢。

之前許冠文曾被拍到和熟女約會，但沒影響他與老婆的感情，他甫上台即祝老婆生日快樂。談到拍戲，許冠文笑言拍床戲不易，他邊做動作邊說：「導演成日叫抬高啲隻腳，因為睇唔到『啷啷』。其實女人好鍾意睇床上戲，老婆當日叫我帶佢去睇梁朝偉套《色，戒》，就係想睇『啷啷』。」接着許冠文取笑不少人去澳門賭場要做賭神：「以為吹吓條邊或者捽吓就得，咁叻不如做婦科，要仔就要邊，要女就吹走條邊。好似有個富豪用十幾萬搵代母，使乜咁貴？搵個代母再去九龍塘咪得。」陳冠希的淫照事件亦再被擺上枱，許冠文扮他 chok樣說：「啲人話佢衰格同唔同女星影，做愛同食飯一樣，一時一個人食，一時好多人食，或者同唔同人食，關你乜事？又有人話佢衰格轉唔同地方，咁食飯咪一時喺枱上，一時喺地度，又或者屙緊屎食，都唔關你事。又有人彈影到 out focus，做愛動作大過騎馬，影到咁仲想點？佢唯一衰係孤寒，電腦壞咗咪鬼整，掉咗佢啦。」許冠文又笑特首曾蔭權扮 in跟 MC Jin一同 rap，又指財爺曾俊華竟要小朋友教準備預算案。

讚周秀娜有計

之後許冠文笑稱女人像周秀娜扮無腦才有人追：「好多高學歷嘅女仔嫁唔出就喺屋企養狗，鄺美雲有冇嚟？我唔係話佢，佢只係眼角高。」接着許冠文又爆粗講「 son of the bitch」和「他媽的」。完騷後許冠文在慶功宴上和老婆錫錫慶祝，他說扣除開支的收入和個人酬勞會捐給紅十字會，而這個騷亦是送給老婆的生日禮物。採訪：胡比　攝影：林德雄


許冠文的女兒帶同一對仔女上台打氣，孫兒更即場錫外公。

花絮棟篤笑後輩偷師

身為棟篤笑始祖的許冠文開騷，不少棟篤笑後輩如林海峰、林敏驄、黃子華和李思捷等、紛紛到場睇騷順便偷師，其中李思捷更和女友春卷一同現身。另外商台揸弗人俞琤和卓韻芝也有捧場。若果下次有機會集齊老中青幾代搞笑 talk騷高手一同演出，必定睇頭十足。

放大圖片

 

放大圖片

 




花絮殼王拖老婆撐場

無綫新老闆殼王陳國強亦帶老婆一同睇騷，兩人狀甚恩愛。陳國強先後和圈中多位女明星如葉璇、徐子珊和郭羨妮傳過緋聞，因而經常出現於娛樂版，他近日成為無綫新揸弗人，相信日後必有更多曝光機會。


花絮政界人士做粉絲

許冠文和不少以往及現任的政界人士交情不淺，故此也有很多政界老友現身支持，當中有梁振英、梁智鴻、黃宜弘及周梁淑怡等，張敏儀亦有到場，難怪許冠文當晚有部份話題也辣到政界，相信在座的他們必定感同身受。

放大圖片

 

放大圖片

 




花絮何傲兒黐實大少

名人林建名（大少）幾乎每次現身，身邊都有美女陪伴，而近日出現大少身邊次數最多的非何傲兒莫屬，當晚兩人又並肩而坐一同看騷，但同行還有何傲兒的爸爸，三人言談甚歡，大少似乎不介意多了何爸爸在旁做人肉電燈膽。


arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄