殼王陳國強入主無綫成為新老闆，搞到曾經同佢傳過緋聞嘅花旦好似郭羨妮同徐子珊，馬上成為追訪目標。唔知係咪想同殼王劃清界線，郭羨妮咁啱噚日就喺微博高調晒新戀情，佢嘅新男友係內地武指朱少杰，郭羨妮仲貼出佢同男友頭貼頭嘅相狂晒幸福。

放大圖片
郭羨妮噚日喺微博貼咗佢同男友朱少杰嘅親密相。

郭羨妮噚日喺微博貼咗佢同男友朱少杰嘅親密相。

放大圖片
去年暑假郭羨妮（左一）返內地拍古裝劇《宮鎖心玉》，估唔到因為咁而有新戀情。互聯網圖片

去年暑假郭羨妮（左一）返內地拍古裝劇《宮鎖心玉》，估唔到因為咁而有新戀情。互聯網圖片

男友甜言感動

郭羨妮嘅微博唔單止有孖公仔相，佢仲留言話：「幸福，我等了很久，在我漸把期盼它到來的念頭忘記時，這個儍瓜出現了，他說：『我願意這輩子都給你欺負。』聽着淚水就湧出來了，這是我們的故事。」哇，係女仔聽到都一定冧晒啦，唔怪得有傳郭羨妮嚟緊四月會喺香港結婚做兔年新娘。其實朱少杰喺內地唔少電視劇都有份做武指，郭羨妮去年暑假返內地拍咗朱少杰做武指嘅《宮鎖心玉》，兩人因此撻着，有傳佢哋已拍拖半年。郭羨妮最近仲同無綫請咗一個月假，唔知係咪留喺內地陪男友呢？同郭羨妮好老友嘅馬浚偉，噚日喺電視城錄影，一講起郭羨妮有新戀情，仲話好快結婚，馬仔就話佢好口密，雖然之前聽到佢有人追，但就完全唔知情。講到郭羨妮情路崎嶇，馬仔話崎嶇嘅路完喇，之後一定會順順利利。


郭羨妮喺感情方面已經 dry咗好耐，噚日佢喺微博自爆同內地武指熱戀中。資料圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄