扮女上位王祖藍惹眼紅杯葛荃加福祿壽快週刊 611期 @ 明星靚相大分享☆

無綫《荃加福祿壽》自上月 27日首播以來，收視持續上升，早前更宣佈添食13集，讓觀眾每個星期日繼續捧住個肚嚟笑；尤其每集扮女人扮到走火入魔咁滯兼似過真正女人的王祖藍人氣急升，成為話題人物。

經典造型扮嘢高手王祖藍唔只演技、口技一流，扮女人亦都相當出神入化，令觀眾留下深刻印象，生得矮都有着數嘅。

雖然節目接獲了多宗投訴，當中不少更大彈易服王祖藍引起觀眾不安，不過迴響之大遠勝拍檔李思捷及阮兆祥，令唔少人眼紅群起杯葛，無敵梗係寂寞。

本月12日，《荃加福祿壽》舉行祝捷會，宣佈平均收視30點，最高收視達33點，大約有207萬觀眾收看，平了08年11月15日播出的「萬千星輝賀台賀」在週六時段的最高收視紀錄，並即場宣佈添食13集，主持人汪明荃、阮兆祥、王祖藍及李思捷高舉香檳慶祝，卻聲言未必能繼續添食。

逼埋台邊早前記者會，《荃加福祿壽》四位主持齊齊亮相，李思捷、阮兆祥將王祖藍逼埋台邊，以免被對方搶鏡。

靈魂人物`
《荃加福祿壽》自播映以來備受關注，也曾接獲多完投訴，指三位男主持人扮女人令人不安、教壞小朋友，不過觀眾愈鬧愈要睇，尤其對扮女人非常在行的王祖藍更加諸多挑剔，既指他早前模仿鄭秀文有侮辱宗教之嫌，又投訴他扮阿Sa與鄭中基開離婚記招是雪上加霜。

維妙維肖早前王祖藍與李思捷模仿蔡卓妍及鄭中基召開離婚記招，不但造型抄到足，就連表情、動作都維妙維肖。

事實上，中童身材的王祖藍扮女人顯然遠勝阮兆祥及李思捷，觀眾反應大部份指王祖藍扮女人「好索」，雖然嘔心，但觀眾每集均期待他的模仿表演，而且王祖藍的表演環節皆成為節目的話題所在，堪稱《荃加福祿壽》的靈魂人物，連阿姐汪明荃都要做陪襯。

成犯眾憎
同樣擁有扮嘢才能兼落足心機演出的李思捷及阮兆祥，雖在節目中同是亦男亦女，但點都唔及王祖藍扮女人咁受注目，阿姐早前出席記招便獨讚祖藍天份高，「好多人都仰慕有才華嘅人，佢真係好叻仔，節目嘅歌都係佢自己改歌詞，又好俾心機去扮嘢」，難免有人戥自己唔抵兼眼紅對方。

奉承前輩盛傳王祖藍見高拜、見低踩，面對汪阿姐，王祖藍落足咀頭擦晒鞋，難怪阿姐都公開讚他叻仔。

睇見眼冤王祖藍一見汪阿姐即時主動親臉打招呼，阮兆祥、李思捷睇見都眼冤。

據知，有人妒忌祖藍遲來先上岸，得到各方力讚及力捧，群起杯葛，「大家都一樣為個節目落力扮嘢，就算點花心機，觀眾、傳媒嘅焦點都淨係落喺王祖藍一個身上，有時成班工作人員出席活動，鏡頭前就梗係有晒默契，Friend過打Band，但實際上鏡頭後冇乜人願意同佢講嘢。」

搵小儀陪王祖藍早前在記者會備受拍檔冷落，好在身旁是合作《情人眼裏高一D》的小儀，起碼有伴陪傾偈。

極速上位
兒童節目出身的王祖藍，口才了得、才華洋溢，06年開始擔任《東張西望》主持，轉瞬便被睇中擔任大型節目的司儀，08年更拍住曾志偉擔任香港小姐的司儀，同時拍電影、拍劇集，唱埋主題曲。

不過，走紅後的王祖藍，恃寵生驕，不但被指推Job揀工作，更被指態度囂張，據一幕後工作人員稱，「佢以前做兒童節目主持的確好親民，講嚟又搞笑，大家合作好似一家人，自從佢紅咗之後，人仔細細個鼻哥窿向天?，唔睬人仲寸人。」難怪無綫欽點《荃》添食，王祖藍氣焰回應：「扮太多女人真係好厭煩，但百多萬人鍾意睇，我又冇辦法。」

誰與爭峰王祖藍穿上比堅尼乳溝盡現，全靠戴6個Nude Bra狂推背脊肉所致。

甄妮王祖藍於07年台慶夜扮甄妮獻唱《7級半地震》，假大胸加捲曲髮型，土味十足。

蔡依林扮完甄妮隨即扮台灣G奶天后蔡依林，造型神情似模似樣，連瑜伽舞都學到足。

LadyGaga 於首集《荃加福祿壽》中，王祖藍扮演Lady Tiger演唱《Poker Face》，勁舞令人叫好。

鄭秀文於第三集《荃加福祿壽》中扮演鄭秀文大唱《信者得愛》，造型抄足，舞步抄足。

蘇施黃唔一定扮大胸女人先夠震撼，王祖藍去年初以蘇施黃造型拍攝手機廣告一樣拍案叫絕。
^

郭書瑤王祖藍扮演台灣童顏巨乳郭書瑤，陀住33F人造巨乳嘟嘴跳舞，笑爆全場。

有讚有彈
王祖藍於《荃加福祿壽》中搶晒鏡成為焦點，唔只觀眾有投訴，網民反應亦都有讚有彈。

騷在骨子有網民懷疑王祖藍「係女扮男裝混入娛樂圈」，大讚他「好索，騷在骨子裏」。

令人反胃有網民批評王祖藍模仿LadyGaga「影衰晒」、「唱得超難聽，又作狀令我反胃」。

羨慕死人網民大讚着住超短褲的王祖藍擁有一雙美腿，「羨慕死好多女人，條腰又瘦過汪阿姐」。

最為搞笑網民表示最喜歡「Sex & The City」環節，「王祖藍扮得最搞笑」。