39歲的黎姿，自植入胚胎成功懷龍鳳胎後，從未放下細佬黎嬰的美容診所生意，就算個肚脹到40吋，體重達180磅，仍堅持每星期都返公司處理業務。
據知6月中黎姿突然有產前出血現象，即時急送山頂嘉諾撒醫院，經主診醫生何永超診斷後無大礙翌日出院，不過醫生提醒她要卧牀休息。以黎姿現時狀況看來，隨時都有早產可能。
陀住孖胎臨盆在即，黎姿仲要為診所生意操勞，老公馬廷強雖然有微言，但愛妻情切，立即安排3個菲傭同兩名診所職員全天候護駕！
黎姿09年與53歲的富商馬廷強結婚，婚後兩人心急生B，最後向生仔聖手何永超求診，今年3月本刊率先報道黎姿花30萬進行胚胎植入，成功懷有孖胎，預產期今年7月。
放不低黎嬰心血
曾向友人表示要生夠3個小朋友的黎姿，雖然非常重視家庭生活，但她仍放不下胞弟黎嬰的美容診所生意。知情人士透露：「間診所係Gigi（黎姿）打本俾細佬開嘅，黎嬰3年前意外出事，Gigi其實可以結束間診所。但佢唔捨得，因為間診所係黎嬰嘅心血。上年馬生注資擴充後生意又上咗軌道，Gigi話要好好做落去，等黎嬰完全康復就交番俾佢打理。所以就算個肚籮咁大，都要返公司巡視業務，好緊張！」
據知黎姿懷孕後，每星期都返診所兩次，近月才改為每星期一次。知情人士透露：「馬生見到老婆大住肚返工都覺得心痛，仲提議過叫助手拎文件俾Gigi喺屋企處理。不過Gigi真係好堅持，馬生惟有請多幾個人陪佢，依家屋企已經有4個菲傭、兩個看護，平時Gigi去銅鑼灣返工就由3個菲傭傍實。」
返工後出血入院
陀孖胎的孕婦比一般孕婦辛苦，黎姿腹大便便仲要返工操勞，6月中更曾發生小意外，幸好有驚無險。知情者說：「6月中Gigi返工後好唔舒服，仲有產前出血，即時急送嘉諾撒醫院。醫生懷疑佢作早產，好彩冇乜大問題，留院一晚就可以出院。當晚馬生即時趕去醫院陪老婆，佢真係好擔心。醫生叫Gigi返屋企一定唔可以操勞，要卧牀休息。不過Gigi唞咗個幾星期，見冇事又返工！」上星期黎姿才被影到由3名菲傭及兩名診所職員陪同，返回位於銅鑼灣金朝陽中心的美容診所。由5人護肚團傍實的黎姿行得非常慢，小腿更有水腫跡象。
據知Gigi的預產期在今個月，不過其巨肚與體重已經超標，故大有可能早產，而Gigi與馬生亦一早搵咗高人為龍鳳胎擇日開刀，相信好快就會聽到黎姿BB出世的好消息。
懷雙胞胎易出血
港安醫院婦產科專科醫生靳嘉仁（圖）表示產前出血很常見，特別是懷有雙胞胎的孕婦，情況就更加普遍。原因通常是作早產、胎盤前置、胎盤剝落、子宮頸生息肉及陰道發炎所引致。他說：「前面三種情況唔可以靠藥物改善，只可以休息，至於需唔需要留醫，就視乎情況而定，如果嚴重嘅都會留醫。後面兩種情況，一般食藥可以醫治。」
靳嘉仁表示，懷有雙胞胎的孕婦肯定會早產，「我見過有啲30至32周就作動，但唔會遲過37周，早產一樣可以順產。如果係開刀生嘅話，只要BB唔早過33至34周，體重超過2.5kg就可以。最理想就係有35至36周，BB體重超過2.5kg，出世後會健康啲。」靳嘉仁又表示，懷雙胞胎的孕婦比一般孕婦出現的不適現象和反應較為嚴重。例如腳腫一般懷孕36周才會出現，但懷雙胞胎的孕婦20幾周便可能會出現。所以除了游水和散步外，不適宜做過量運動。
6月25日照返工
6月25日下午4點幾，黎姿在銅鑼灣羅素街出現，下車後兩名菲傭左右扶實，另一菲傭從後傍住，身懷巨肚的她小腿已有水腫現象。
行後巷避記者
見有記者在場，黎姿即帶三菲傭行後巷避記者，後巷既狹窄又堆滿垃圾，真係好牙煙。
5人護肚團
黎姿在診所逗留3小時後離開，除了貼身的3名菲傭外，更有兩名診所職員加入護肚團，5人前後左右包抄黎姿，慢慢移動步往時代廣場後門上車，十分大陣仗。
蘭心閣待產
黎姿在懷孕期間除了返銅鑼灣診所工作外，其餘時間都留在位於梅道的蘭心閣待產，而黎母（下圖）亦在個多月前進駐黎姿家，方便照顧女兒。
黎姿與細佬黎嬰感情深厚，即使臨盆在即，黎姿仍堅持返公司為細佬打理生意，而其美容診所內仍掛有黎嬰醫生的招牌，因黎姿深信細佬終有一日能康復返工。
6月中入院
據知黎姿於6月中產前出血，緊急送入山頂嘉諾撒醫院，留院一晚返家。而馬生去年已訂咗醫院內唯一的頂級產房（每日房租約$5,000），俾黎姿安心產子。
即將做爸爸的馬廷強，自老婆黎姿大肚後已減少出外應酬。5月尾馬生被影到去灣仔君悅酒店食飯，心情勁靚的他離開時還向服務員大派20蚊貼士。《壹週刊》圖片
黎姿懷孕初期經常嘔吐大作，直到今年農曆新年胎兒穩定，馬生即與黎姿到東京遊玩，等老婆輕鬆吓。《壹週刊》圖片
黎姿産前出血急送醫院 臨盆在即隨時早産
黎姿堅持每周回公司處理業務
39歲的黎姿自植入胚胎成功懷龍鳳胎後，從未放下弟弟黎嬰的美容診所生意，就算肚大如鑼，也堅持每周回公司處理業務。
據知6月中黎姿突然有産前出血的現象，即時急送山頂嘉諾撒醫院，經主診醫生何永超診斷後無大礙第二天出院，不過醫生提醒她要臥床休息。以黎姿現時狀況看來，隨時都有早産可能。
懷著雙胞胎的黎姿臨盆在即，還要爲診所生意操勞，老公馬延強雖然有微言，但愛妻情切，立即安排3個菲傭同兩名診所職員全天候護駕！
留言列表
