年年騎呢見稱的「香港先生選舉」又嚟，受到「鴨仔」負面新聞影響，今屆無綫嚴選參賽者，大部分騎呢男均被叮走。不過，今年無綫為增娛樂性，竟在泳褲環節加入3D效果，務求令一眾女評判睇到「眼凸凸」。
周二（29日），29位猛男到無綫進行首輪面試，質素明顯比以往佳。當中以鋼牙老外DJ Enso（Cassady Winston）最為搶鏡，出動黑人朋友派碟造勢，真係做騷咁做。不過陀地猛男亦唔輸蝕，除有港版阿凡達外，筋肉版鄭中基亦見精彩。主動向記者擺唔同甫士的他，更索性拉起上衫騷肌、騷肚毛，娛樂性十足。
問到做港男評判做到出晒位嘅伍姑娘（伍詠薇）點睇，佢就笑笑口話：「我唔鍾意筋肉人，今屆有老外夠晒wild，如果佢入到圍應該幾好玩。不過俾個貼士啲參賽者，千祈咪同我單眼，我實扣分o架！以我嘅經驗，怕醜得嚟又有陽光笑容嗰啲最煞食，會攞到最高分！」
筋肉鄭中基
超大隻的阿東，今年28歲。曾當健身教練的他，自動波扯起上衫狂騷肌，榕樹手臂粗過大髀嘅佢，在facebook內仲放咗唔少大隻佬相。
鋼牙老外
參賽者中唯一的老外Cassady Winston，在夜場打碟，藝名DJ Enso。面試當日，他有如出騷一樣，先叫兩個女友人炸機拍片，再叫黑人朋友派碟造勢，搞足一大輪先肯上車，就算入唔到圍，都賺晒宣傳。
年年「香港先生」選舉，身為評判的伍姑娘豪放表現成為全場焦點，前年更誇張到拎埋氧氣罩上鏡，伍姑娘表示：「呢個節目都算係我成名作。」
陀地混戰
今屆港男年齡介乎17至35歲，部分來自美國、馬來西亞及巴西等地。至於本地薑質素雖然未見突出，勝在星味搭夠，除了有貌似高鈞賢的健身教練，連國際級亞凡達都出動埋，夠晒巴閉。
陽光高鈞賢
20歲的葉建希（Angus），是港男冠軍袁偉豪好友。現為健身教練的他，曾獲《全港男子古典健美錦標賽》亞軍，外形健碩，算最養眼一個。
港版阿凡達
曬得一身古銅色的劉先生，面對記者絕無怯場。不過見他鼻樑直得離奇，十足潘朵拉星的Na'vi族人，有打假鼻之嫌。
亞視版三哥
現年25歲的翟鋒（原名翟威廉），05年曾獲《亞洲先生》亞軍，投身亞視。去年約滿的他，轉戰無綫選港男，更直言希望入無綫見識一下。
岩巉一族
雖然今屆參賽者質素明顯改善，不過仍有騎呢人混水摸魚諗住搏一搏，認真膽識過人！
女星齊捧3D
老外Cassady Wilston，在facebook內，放有不少生活相，有張更是滿口鋼牙的大特寫，極之趕客。
我撐老外！（設計對白）
嬌小敖嘉年
外形細粒的Jacky，現年24歲，職業做IT。甚有表演慾的他，除定西裝褸任影唔嬲，仲唔願走人，擺出唔少嘔心甫士：嘟嘴、瞇眼扮可愛，驚死執輸咁款。
鬈髮周杰倫
20歲的莊先生，有功夫底子，最擅長耍雙節棍。大細眼的他，加上一頭鬈髮，樣子趣怪，他大方向記者說：「我天生係鬈！」
莊思敏「我之前都參與過兩年港男評判，好好玩，不過今年未收到通知，有機會我實舉手去做。現場睇已經好立體o架喇，再搞立體咪變4D。」
林莉「有機會都想參與，應該幾開心o架喎！依家仲有埋3D，應該幾得意。（提到鴨仔負面新聞）一定有影響港男形象，但我諗可能會多咗人參加，因為覺得有多個機會嘛！」
周汶錡「我之前做過司儀，氣氛真係好犀利，呢件係美好嘅事，等啲型男加入娛樂圈。希望今年啲人係戴立體眼鏡去睇3D環節，唔係戴有色眼鏡啦！」
港男新增3D泳褲環節 本地肌男大戰鋼牙老外
筋肉版鄭中基
年年搞怪見稱的“香港先生選舉”又開始了，受到“鴨仔”負面新聞影響，本屆TVB嚴選參賽者，大部分搞怪男均被叮走。不過，今年TVB爲增強娛樂性，竟在泳褲環節加入3D效果，務求令一衆女評判看到“眼凸凸”。
6月29日，29位猛男到TVB進行首輪面試，質素明顯比往屆高。當中以鋼牙老外DJ Enso(Cassady Winston)最爲搶鏡，出動黑人朋友派碟造勢，十分搶眼。不過本地猛男也不認輸，除有港版阿凡達外，筋肉版鄭中基也很精彩。主動向記者擺不同POSE的他更索性拉起上衣露出肌肉，秀肚毛，娛樂性十足。
留言列表
