手錶火機偷拍高清片　姊妹小心！－明星靚相大分享☆

近日少有地有藍天，加上日頭都幾毒，又係碧波暢泳好時光；不過近日市面出現喬裝手錶、火機偷拍 CAM，唔知唔覺下連 Movie都影埋！姊妹們固然要小心！買嚟玩時更要當心，同自己女朋友偷偷拍生活片段好喇！記者︰陸俊雄攝影︰林栢鈞Model︰ Lowell、 Alia@PureModels

其他副刊影片防水錶　 12點拍片放大圖片
■錶身內置 2GB容量，售價$1,280。

■錶身內置 2GB容量，售價$1,280。

有拍攝功能的手錶，其實國貨都出過唔少，不過可以落埋水，拍到 1,280× 960影片，即是去到 720p高清的，加上內置 2GB，呢隻 EZ10 RD74防水攝錄錶都算厲害！係咪真係落到水？盒面聲稱水深達 30m，但同時說明書又話自己唔敢包水中一定操作正常，但生活防水就無問題。我都唔理咁多，照將佢放落泳池玩，實試水中拍攝總算無問題。佢個鏡頭收得好詭秘，不在錶邊任何一個按鈕之上，極蠱惑地放在錶面 12點的位置，由於是針孔鏡頭，所以極微細，唔留心隨時睇佢唔到。

放大圖片

想拍片時，只要按右上角按鈕，等 6點位置的一顆小紅燈閃爍就即刻開拍；至於拍攝效果，講明最佳拍攝距離是 50cm或以上，相對後面介紹的兩個拍片火機，它的影像質量是最高的一個。不過在過片入電腦時，講真都幾慢， AVI檔、 200幾 MB，過兩至三分鐘都未得。

放大圖片
■落水前，最好檢查吓所有按鈕有無扭實。

■落水前，最好檢查吓所有按鈕有無扭實。

放大圖片
■影像質素唔錯，日光水底下畫質幾清。

■影像質素唔錯，日光水底下畫質幾清。

扮 ZIPPO打火攝錄放大圖片
■有埋火石真係交足功課， 4GB售價$980。

■有埋火石真係交足功課， 4GB售價$980。

另一件嚇倒我的，是這個黑色火機— DV006打火機高清攝錄機，佢最厲害的地方，係可以扮點火扮得似模似樣，真可以磨動火石，造出火星效果。而中間整個銀色膽，是可抽出來的，過片要用跟機附送的 USB線，只要插上底部即可。套回黑色金屬外殼，其實只會見到底部有一小孔，是鏡頭所在位置，以及一小處凸出來的地方，那個就是開始掣，一按即拍。影片解像度都是 1,280× 960、 AVI格式，但出來感覺顏色有點偏紅，而且真要習慣一段時間，掌握鏡頭位置，才可對中拍攝目標。

放大圖片

放大圖片
■乾坤都在底部，鏡頭、收音 Mic、插卡槽、開關齊晒。

■乾坤都在底部，鏡頭、收音 Mic、插卡槽、開關齊晒。

放大圖片
■影片顏色稍偏紅，可惜唔會有得改白平衡。

■影片顏色稍偏紅，可惜唔會有得改白平衡。

即棄火機可插卡拍放大圖片
■除咗個頭，你敢話呢支唔係 USB手指， 4GB售價$980。

■除咗個頭，你敢話呢支唔係 USB手指， 4GB售價$980。

最後一件微型 CAM設計殊途同歸— DV005打火機微型攝錄機，佢個樣更普通，跟一般用完即棄火機幾乎無分別，令人防不勝防。呢個黃色火機詭秘處在頭同尾，將個頭拆出來，根本同一支 USB手指無異，一反轉，可以見到插 microSD卡位；怕你唔夠錄，直接插卡連內置容量都沒有。鏡頭則同樣設在火機底，一個微細小孔，就係咁神不知鬼不覺，拍到 1,280× 960的 AVI格式影片；拍攝時只須一按火機頭就係，不過玩呢類小工具真係要企定定先拍到，因為太難掌握鏡頭位置了，很多時都拍唔中目標，而且身體稍稍輕微移動，畫面都會變成劇烈搖晃，睇片時玩死自己。

放大圖片
■在 USB插口位後面入卡，都咪話唔詭秘。