鄰居他信女破風水局古天樂秘搬貝沙灣豪宅忽然１周 779期－明星靚相大分享☆

居住京士柏山六千萬豪宅多年的古天樂，去年11月豪花1.2億元購入貝沙灣5期獨立屋，打算今年9月入伙，富貴升呢。
由於新居尚未入伙，舊居又要維修，因此過去大半年，古仔在京士柏山租了另一豪宅居住，而對面屋業主正是泰國前總理他信細女貝通丹（Paetongtarn Shinawatra）。由於他信細女豪宅近半年不停裝修，邪住古仔，搞到佢周身唔聚財，最終要提早搬往貝沙灣風水屋，保住當旺事業。
上周六（26日）二時多，雖然搬運工人仍不停搬運家具，但為免錯過吉時吉日，古仔亦冒雨秘密現身貝沙灣為新居拜神，祈求入伙順利。

向來孝順的古仔一直堅持與家人同住，為了令一家人住得舒服，05年便斥資六千多萬購入四千多呎的獨立屋，成一時佳話。不停吸金的古仔去年11月更上一層樓，買下貝沙灣六千呎獨立屋，與巨星周潤發為鄰。由於新舊居均要裝修，去年年尾，他便租了京士柏山另一豪宅暫住。

勁多保鑣
日做夜做的古仔，回家希望可以好好休息，但買了古仔對面屋的他信細女Paetongtarn則經常裝修，令他的生活環境大受影響。知情人士說：「對面間屋日整夜整，整咗半年都未搞掂。其實他信細女唔係成日喺度住，但由於佢身份特殊，出入都會成隊保鑣隨行，好大陣仗，不過佢屋企咁有勢力，大家都唔會惹佢。古仔覺得有人喺屋企出面動工，又多人出入，唔多唔少對生活同風水有影響。橫掂遲早都要搬，不如加快自己新屋裝修，快啲搬好過。」

搵高人擇日
新屋入伙，古仔找來香港數一數二的搬運公司Crown，將舊屋的家具包好搬到新屋，單是搬屋已搬了五日。為了心安，古仔家人更找來黎耀祥御用風水師苗師傅擇日。知情者說：「話晒新屋入伙，點都要拜吓四角。雖然苗師傅好忙，但佢同古仔屋企人有交情，所以都幫佢擇咗個好日好時辰，希望佢一家人身體健康，樣樣都順風順水。」
上周六（26日）二時多，身穿黑衫黑褲的古仔坐保母車到達貝沙灣，由於當時大風大雨，工作人員見古仔即撐傘遮他入屋。不久古仔的工人便開始拜神，多次出入把元寶放進門外的化寶盆。而注重私隱的古仔，早已在屋外的四周裝了多部閉路電視，天井位亦加設茶色玻璃上蓋，飯廳又長期落簾，非常穩陣。
古仔單是去年已賺過億，如今搬入億元風水屋，今年有望更上層樓！

過去一年搵1億
稱古天樂做「吸金王」絕對唔過分，近年佢不斷拍電影同做廣告代言人，就算電影叫價每部600萬，做廣告代言人要450萬，依然接到手軟，單是過去一年，他已有過億收入，難怪可買豪宅。

電影
《家有囍事2009》
《竊聽風雲》
《大內密探靈靈狗》
《意外》
《撲克王》
《花田囍事2010》
《鎗王之王》
《單親男女》
《神奇俠女》
賺約$4,800萬

廣告
百事可樂（09年）＄450萬
果繽紛
TAG Heuer豪雅表
Level Nine哥拓普眼鏡
蒂花之秀洗髮水
OSIM按摩椅
振漢襪子/內衣
至尊寶手機
PUMA運動服
高夫男士護膚品
S.ANGELO服飾
優科豪馬
（YOKOHAMA）輪胎
百事可樂（10年）
賺約$6,300萬

1年共賺約1億1千1百萬

搬屋好事近
風水師麥玲玲表示，京士柏山對事業是非常好，但若附近有裝修工程，已犯了動土煞。至於貝沙灣風水一向不俗，地運好、南面見水、東北見山、旺丁旺財，對於屬木的古仔，間屋見水會好啲，有利佢命格，而且新屋有利戀情，明年好有機會有喜事。

拜神寶盆
多名搬運工人赤着腳將貨物搬入屋，其中一棵樹更需要四人合力抬起，認真大陣仗。當他們仍忙於搬屋之時，古仔的工人已準備化寶盆（紅圈）進行拜神儀式。

秘入新居
上周六（26日）二時多，古仔單拖到達新屋，由於搬運貨車放在屋外，古仔的車仔不能駛入車位，惟有在路旁下車，由助手擔遮步入屋內。

古仔未搬入貝沙灣前，租住京士柏山豪宅，而他信細女Paetongtarn則住在古仔對面，且在過去半年不停裝修，地下亦圍了木板。

被指涉嫌資助紅衫軍反政府的泰國前總理他信，去年資助細女Paetongtarn在港置業，以4,500萬購入京士柏山豪宅。

保安嚴密

極重私隱的古仔，在屋的四周裝了閉路電視（紅圈），更在天井位蓋上茶色玻璃，又用實色膠片遮閉透光的客廳，令私隱度增高。根據田土廳顯示，古仔去年11月以自己公司名義購入此單位，買入價1億2千多萬。

搬足5日
記者連日觀察，古仔單是搬屋已用了五日，每天從早到晚，都有多架貨車出入。